Ee, Ṱhanzi dza Yehova vha a ṱanganedza mishonga na ngalafho. Naho ri tshi lingedza u ṱhogomela mivhili yashu na u lingedza u vha na matshilele avhuḓi, nga zwiṅwe zwifhinga ri a ṱoḓa “ṅanga.” (Luka 5:31) Samusi na Luka o vha e dokotela, na dziṅwe Ṱhanzi dza Yehova ndi madokotela.—Vhakolosa 4:14.

 Naho zwo ralo, dziṅwe ngalafho dzi lwisana na maitele a Bivhili nahone a ri dzi ṱanganedzi. Sa tsumbo, a ri shelwi malofha nga ṅwambo wa uri Bivhili i a dzivhisa eneo maitele. (Mishumo 15:20) Nga hu fanaho, Bivhili i dzivhisa maitele a ngalafho ane a katela vhungome.—Vhagalata 5:19-21.

 Naho zwo ralo, ngalafho nnzhi a dzi lwisani na maitele a Bivhili. Nga zwenezwo, muthu a nga ḓikhethela zwine a zwi ṱoḓa. Iṅwe Ṱhanzi i nga ṱanganedza muṅwe mushonga kana maalafhele, ngeno muṅwe a nga si ṱanganedze zwenezwo zwithu.—Vhagalata 6:5.