Ṱhanzi dza Yehova vha nga ni thusa uri ni gude nga nḓila i vhuyedzaho zwine Bivhili ya zwi funza. Yeneyi ngudo ya Bivhili i nga ni thusa uri:

•   Ni takale

•   Ni vhe khonani ya Mudzimu

•   Ni gude zwine Bivhili ya zwi fhulufhedzisa nga ha vhumatshelo

Kha he ḽi siaṱari

•  Pfunzo ya Bivhili i farwa hani?

•  Naa ndi tea u badela?

•  Zwi dzhia tshifhinga tshingafhani u fhedza ngudo yoṱhe?

•  Ndi nga thoma hani u guda?

•  Naa ndi nga lingedza u thoma u guda kupiḓa kupfufhi?

•  Arali nda guda, naa ndi ḓo kombetshedzwa u vha Ṱhanzi ya Yehova?

•  Naa ndi a tendelwa u shumisa Bivhili yanga?

•  Naa ndi nga vhidza vhaṅwe uri vha vhe hone musi ndi tshi guda?

•  Arali ndo vhuya nda guda na Ṱhanzi dza Yehova tshifhingani tsho fhiraho, naa ndi a tendelwa u dovha nda guda?

•  Naa ndi nga kona u ita yeneyi ngudo hu si na muthu ane a khou ngudisa?

 Muthu ane a khou ni gudisa Bivhili u ḓo ni thusa u guda zwine Bivhili ya zwi funza zwi tshi ya nga mafhungo ane a khou haseledzwa. Musi ni tshi khou guda yeneyi bugu ya Ḓiphiṋeni Nga Vhutshilo Lwa Tshoṱhe!, nga zwiṱuku nga zwiṱuku ni ḓo guda zwine Bivhili ya zwi funza na nḓila ine zwa nga ni thusa ngayo. U itela u guda zwo engedzeaho, ṱalelani heyi vidio.

 Hai. Ri tevhela vhulivhisi he Yesu a vhu ṋea vhafunziwa vhawe. O ri: “No ṋewa mahala, ṋeani nga mahala.” (Mateo 10:8) Vhane vha gudisa Bivhili a vha badelwi nahone na inwi ni nga si badeliswe musi ni tshi ṋewa Bivhili na bugu Ḓiphiṋeni Nga Vhutshilo Lwa Tshoṱhe!

 Bugu yoṱhe i na ngudo dza 60. Zwi bva kha inwi uri ni ṱoḓa u i fhedza nga tshifhinga tshingafhani, fhedzi vhagudiswa vhanzhi, vha takalela u guda ngudo nthihi kana u fhira nga vhege.

1.  1. Ḓadzani fomo ire kha website ya jw org. Ri ḓo shumisa zwenezwo zwidodombedzwa u itela uri muthu ane a ḓo guda na inwi a kone u ni kwama.

2.  2. Muthu ane a ḓo ni gudisa u ḓo ni kwama. Muthu ane a ḓo ni gudisa u ḓo ni ṱalutshedza zwine na nga zwi lavhelela kha ngudo yaṋu ya Bivhili nahone u ḓo fhindula mbudziso dzoṱhe dzine na nga vha ni nadzo.

3.  3. Dzudzanyani na mugudisi waṋu nḓila ine na ḓo guda ngayo. Ni nga guda ni tshi shumisa founu, video call, marifhi, email kana na tou ṱangana. Kanzhi ngudo i dzhia awara nthihi, fhedzi i nga dzhia tshifhinga tshilapfu kana tshipfufhi zwi tshi ya ngauri ni na tshifhinga tshingafhani.

 Ee. Uri ni kone u thoma u guda, ḓadzani fomo ire kha website ya jw org. Vhudzani muthu ane a ḓo ni kwama u itela u ni gudisa uri ni ṱoḓa u lingedza yeneyi ngudo u itela u vhona arali ni tshi nga i takalela. Muthu ane a ḓo ni gudisa u ḓo shumisa bugwana Ḓiphiṋeni Nga Vhutshilo Lwa Tshoṱhe!, ine ya vha na ngudo tharu fhedzi. Zwenezwo zwi ḓo ni thusa u vhona arali ni tshi nga takalela u bvela phanḓa na ngudo.

 Hai. Ṱhanzi dza Yehova vha a takalela u gudisa vhathu Bivhili, fhedzi a ri kombetshedzi muthu uri a vhe kha vhurereli hashu. Nṱhani hazwo ri amba nga ṱhonifho zwine Bivhili ya zwi funza ri tshi zwi ḓivha zwa uri muṅwe na muṅwe u na mbofholowo ya u ḓikhethela zwine a ṱoḓa u zwi tenda.—1 Petro 3:15.

 Ee, ni nga shumisa Bivhili iṅwe na iṅwe ine na i takalela. Naho ri tshi takalela u shumisa Bivhili ya Ṱhalutshedzelo Ya Shango Ḽiswa Ya Maṅwalo Makhethwa ine ya pfala zwavhuḓi, ro ṱhogomela uri vhathu vhanzhi vha takalela u shumisa Bivhili ye vha i ḓowela.

 Ee. Muṱa wahaṋu woṱhe kana khonani dzaṋu, vha nga vha hone musi ni tshi guda.

 Ee. Ni nga ḓiphiṋa nga ngudo yaṋu ya Bivhili zwino ngauri yo khwiniswa uri i tshimbidzane na zwine zwa khou itea zwino. I na dzividio nahone ni ḓo haseledza nga ho engedzeaho u fhira nḓila ye ngudo dza tshifhingani tsho fhiraho dza vha dzi tshi itwa ngayo.

 Ee. Naho vhagudiswa vhanzhi vha tshi kona u guda zwavhuḓi musi vha tshi khou thuswa nga muṅwe muthu, vhaṅwe vha takalela u thoma u ḓigudisa vhone vhane. Siaṱari ḽi re na zwishumiswa zwa u guda Bivhili, ḽi na mutevhe wa zwithu zwine zwa nga ni thusa kha ngudo yaṋu ya Bivhili. Zwenezwo zwithu ndi mahala. Zwishumiswa zwi tevhelaho zwi nga ni thusa:

•   Online Bible Study Lessons. Dzenedzi ngudo dzi wanala nga Tshikhuwa. Dzi fhindula dziṅwe dza mbudziso dza ndeme, dzi ngaho: Mudzimu ndi nnyi? Ndi ngani hu na vhuvhi na tshengelo? Naa Mudzimu u ḓo fhelisa tshengelo yoṱhe?

•   Vidio Dza Ngudo Dzi Re Bivhilini. Dzenedzi vidio pfufhi dzi ṱalutshedza pfunzo dza ndeme dzi re Bivhilini.

•   Mbudziso Dza Bivhili Dzo Fhindulwa. Dzenedzi thero dzi fhindula mbudziso dzine dza vhudziswa nga ha Bivhili.

•   Bible Verses Explained. Zwi wanala nga Tshikhuwa. Kha tshenetshi tshipiḓa, hu vha hu tshi khou ṱalutshedzwa zwine vese na mibulo yo ḓoweleaho zwa amba zwone.