Ee. Muthu a nga litsha u vha muraḓo wa ndangulo yashu nga nḓila mbili:

•   Nga u ita khumbelo. Muthu a nga tou amba kana a tou ṅwala musi a tshi dzhia tsheo ya uri ha tsha ṱoḓa u ḓivhiwa sa muṅwe wa Ṱhanzi dza Yehova.

•   Nga zwine a zwi ita. Muthu a nga dzhia vhukando vhune ha mu ita uri a si tsha vha muṅwe wa vhahashu. (1 Petro 5:9) Sa tsumbo, a nga ya a dzhena iṅwe kereke nahone a zwi bvisela khagala uri u ṱoḓa u vha muraḓo wa yeneyo kereke.​—1 Yohane 2:​19.

 Hai, a ri mu dzhii nga u ralo. U litsha u ya miṱanganoni ya tshivhidzo kana u ḓifhambanya na tshivhidzo, a zwi fani na u fhelelwa nga lutendo. Kanzhi vhane ha fhela tshifhinganyana vha si tsha fhisea kana vhane vha litsha vhurabeli vha vha vha songo ṱutshela lutendo, fhedzi vha vha vho kulea nungo. Nṱhani ha u iledza vhathu vho raloho, ri lingedza u vha khuthadza na u vha tikedza. (1 Vhathesalonika 5:​14; Yuda 22) Arali muthu a tshi ṱoḓa thuso, vhahulwane vha tshivhidzo vha dzhia vhukando u itela u mu thusa uri a vusuluse vhushaka hawe na Mudzimu.​—Vhagalata 6:1; 1 Petro 5:​1-3.

 Naho zwo ralo, vhahulwane a vha na ndugelo ya u kombetshedza muthu uri a si ṱutshele vhurereli ha Ṱhanzi dza Yehova. Muṅwe na muṅwe u tou khetha vhurereli vhune a ṱoḓa u vha khaho. (Yoshua 24:15) Ri tenda uri vhane vha gwadamela Mudzimu vha zwi ita nga u ḓifunela, zwi tshi bva mbiluni.​—Psalme ya 110:3; Mateo 22:37.