Hai. Ṱhanzi dza Yehova ndi Vhakriste, fhedzi a si Vhaporotesitante? Ndi ngani?

 Vhuporotesitante vhu ṱaluswa sa “tshigwada tsha vhurereli tshine tsha lwisana na Vhukatolika ha Roma.” Naho zwi ngoho uri Ṱhanzi dza Yehova a vha tendelani na pfunzo dza Kereke ya Roma, a ri ḓidzhii ri Vhaporotesitante nga nṱhani ha zwiitisi zwi tevhelaho:

1.   Vhunzhi ha pfunzo dza Vhuporotesitante dzi lwisana na zwine zwa funzwa nga Bivhili. Sa tsumbo, Bivhili i funza uri “hu na Mudzimu muthihi,” hu si Vhuraruthihi. (1 Timotheo 2:5; Yohane 14:28) I zwi bvisela khagala uri Mudzimu ha ṱarafi vhavhi nga mulilo wa hele, fhedzi u vha fhelisa lwa tshoṱhe.​—Psalme ya 37:9; 2 Thesalonika 1:9.

2.   A ri lwisani na Kereke ya Katolika kana u lingedza u i shandula kana tshigwada naho tshi tshifhio tsha vhurereli. Nṱhani ha zwenezwo, ri huwelela mafhungo maḓifha a Muvhuso wa Mudzimu, ri tshi lwela u thusa vhaṅwe uri vha vhe na lutendo kha eneo mafhungo maḓifha. (Mateo 24:14; 28:19, 20) Tsha ndeme kha riṋe a si u lingedza u shandula zwiṅwe zwigwada zwa vhurereli, fhedzi ndi u funza vhathu vha re na mbilu dzavhuḓi ngoho nga ha Mudzimu na Ipfi ḽawe, Bivhili.​—Vhakolosa 1:9, 10; 2 Timotheo 2:24, 25.