Mushumo washu wa u huwelela u tikedzwa nga miṋeelo ya u ḓifunela i bvaho kha Ṱhanzi Dza Yehova. a Hune ra ṱangana hone u itela u renda Mudzimu, hu vha hu na mabogisi a miṋeelo nahone hu dovha ha vha na dziṅwe nḓila dza u ṋeela kha jw.org (kha tshiteṅwa: Miṋeelo). Muthu a nga khetha u ṋeela u itela u tikedza tshivhidzo tshawe kana mushumo wa shango ḽoṱhe, kana zwoṱhe.

 Ṱhanzi Dza Yehova a dzi bvisi tsha fumi nahone a vha lavhelelwi u bvisa tshelede yo livhaho kha muholo wavho. (2 Vhakorinta 9:7) A ri badelisi muthu musi a tshi ḓa tshivhidzoni kana u ita koḽeke nahone a ri na vhafunzi kana vhaimeleli vhane vha badelelwa u lovhedza, u fara mushumo wa mbulungo, minyanya kana zwiṅwe zwiitea. A ri baki, u bika na u gembula u itela u wana tshelede ya u tikedza mushumo washu. Zwidodombedzwa zwa vhane vha ṋeela a zwi anḓadzwi. (Mateo 6:2-4) Website yashu na khandiso a ri dzi shumiseli u kunguwedza u itela u wana tshelede.

 Tshivhidzo tshiṅwe na tshiṅwe tshi a ṋea muvhigo wa zwa masheleni muṱanganoni nahone u vhonwa nga muṅwe na muṅwe. Muvhigo wa zwa masheleni u dzula u tshi sedzuluswa u itela u vhona uri zwithu zwi ngonani.—2 Vhakorinta 8:20, 21.

•   Mabogisi a miṋeelo: Ni nga ṋeela nga tshelede kana nga tsheke kha mabogisi a miṋeelo a re Holoni dza Ṱhanzi Dza Yehova, Holoni dza Maguvhangano kana huṅwe na huṅwe hune ra farela hone miṱangano yashu.

•   U ṋeela nga Inthanethe: Mashangoni manzhi ni nga dzhena kha siaṱari “Donate to Jehovah’s Witnesses” u itela u ṋeela nga credit card, debit card, bank transfer na dziṅwe nḓila dza u ṋeela nga zwishumiswa zwa Elekitroniki. b Dziṅwe Ṱhanzi dzi a ‘vhetshela tshelede thungo’ ṅwedzi muṅwe na muṅwe u itela u ṋeela nga dzenedzo nḓila.—1 Vhakorinta 16:2.

•   U dzudzanya u ṋeela hu tshee nga phanḓa: Dziṅwe nḓila dza u ṋeela dzi ṱoḓa uri hu dzudzanywe hu tshee nga phanḓa kana uri u eletshedzwe nga lwa mulayo. U dzudzanya zwi nga ita uri ni vhuyelwe nga muthelo wa shango ḽa haṋu. Vhunzhi ha vhathu vho vhuyeliwa nga u eletshedzwa nga ha dziṅwe nḓila dza u ṋeela nga zwifhiwa musi vha tshi kha ḓi tshila kana musi vho no lovha. Ri humbela uri ni kwame ofisi ya davhi ḽa Ṱhanzi Dza Yehova ḽa hune na dzula hone arali ni tshi ṱoḓa u ṋeela nga nḓila dzi tevhelaho:

  •   bank accounts

  •   insurance and retirement plans

  •   real estate

  •   stocks and bonds

  •   wills and trusts

 U itela u wana mafhungo o engedzeaho nga hu u ṋeela, dalelani siaṱari “Donate to Jehovah’s Witnesses.”