Bugu Ya U Thoma Ya Koronika 11:1-47
11 Nga u ya ha tshifhinga Vhaisiraele vha kuvhanganela Davida ngei Heburoni+ vha ri: “Ri mashaka.+
2 Zwiḽa kale musi Saulo e khosi yashu, ndi iwe we wa vha u tshi ranga phanḓa Vhaisiraele vha tshi ya nndwani.+ Yehova Mudzimu wau o amba na iwe a ri: ‘Ndi iwe ane wa ḓo lisa vhathu vhanga vha Isiraele, u ḓo vha murangaphanḓa wa Isiraele.’”+
3 Ngauralo, vhahulwane vhoṱhe vha Isiraele vha ya ha khosi ngei Heburoni, Davida a vhofha mulanga navho phanḓa ha Yehova ngei Heburoni. Vha ḓodza Davida uri a vhe khosi ya Isiraele,+ u ya nga zwe Yehova a zwi amba a tshi shumisa Samuele.+
4 Nga murahu Davida na Vhaisiraele vhoṱhe vha ya Yerusalema ngei Yebusi+ he Vhayebusi+ vha vha vha tshi dzula hone.
5 Vhadzulapo vha Yebusi vha goḓa Davida vha ri: “U nga si dzhene fhano!”+ Naho zwo ralo, Davida a thuba fhethu ha vhushavhelo ha Tsioni,+ hune zwino ha vha Muḓi wa Davida.+
6 Davida a ri: “Ane a ḓo thoma u lwa na Vhayebusi u ḓo vha murangaphanḓa na mukololo.” Yoaba+ murwa wa Tseruya a vha ene wa u thoma u gonya, a vha murangaphanḓa.
7 Ngauralo, Davida a pfulutshela fhethu ha vhushavhelo. Ndi ngazwo henefho fhethu vha tshi hu vhidza uri ndi Muḓi wa Davida.
8 Davida a thoma u fhaṱa mbondo na zwiṅwe zwifhaṱo u mona naho, u bva Tshikwarani* u mona naho, Yoaba a vusulusa muḓi wo salaho.
9 Davida a bvela phanḓa a tshi vha na maanḓa,+ Yehova wa mavhuthu o vha e nae.
10 Vhenevho ndi vharangaphanḓa vha vhahali vha Davida, vhe vha mu tikedza vhukuma kha vhuhosi hawe, khathihi na Vhaisiraele vhoṱhe, u itela u mu vhea uri a vhe khosi u ya nga zwe Yehova a zwi amba nga ha Isiraele.+
11 Vhahali vha Davida ndi: Yasobeamu+ murwa wa Muhakemoni, murangaphanḓa wa vhararu.+ O imisela nṱha pfumo ḽawe a vhulaya vhathu vha fhiraho 300 nga tshifhinga tshithihi.+
12 O tevhelwa nga Eliasara+ murwa wa Dodo wa Muahohi.+ O vha e muṅwe wa vhahali vhararu.
13 O vha e na Davida ngei Pasa-damima,+ he Vhafilisita vha kuvhangana hone u itela u lwa. Ho vha hu na tsimu yo ḓalaho baḽi, vhathu vha shavha nga nṱhani ha Vhafilisita.
14 Fhedzi ene a ima vhukati ha tsimu, a i tsireledza, a vhulaya Vhafilisita, Yehova a ita uri vha kunde* zwihulu.+
15 Vharangaphanḓa vhararu kha vha 30 vha ya tomboni kha Davida bakoni ḽa Adulamu,+ musi mmbi ya Vhafilisita yo atha madennde ngei Govhani ḽa Refaimi.+
16 Nga tshenetsho tshifhinga, Davida o vha e fhethu ha vhushavhelo, mmbi ya Vhafilisita yo vha i Betlehema.
17 Davida a farwa nga ḓora a ri: “Ngavhe ndi tshi nga nwa maḓi a tshisima tsha khoroni ya Betlehema!”+
18 Vhahali vhararu vha kombetshedza vha fhira madenndeni a Vhafilisita vha ka maḓi tshisimani tshi re khoroni ya Betlehema vha a ḓisela Davida; fhedzi Davida a hana u a nwa, a a tevhulela Yehova.
19 A ri: “A zwi pfali kha Mudzimu wanga uri ndi ite zwenezwi! Naa ndi nga nwa malofha a vhanna vhe vha vhea vhutshilo havho khomboni?+ Ngauri vho vhea vhutshilo havho khomboni vha tshi ya u ka maḓi.” A hana u a nwa. Hezwi ndi zwithu zwe vhahali vhawe vhararu vha zwi ita.
20 Abishai+ mukomana wa Yoaba+ a vha murangaphanḓa wa vhaṅwe vhararu; o imisela nṱha pfumo ḽawe a vhulaya vhathu vha 300, o vha e na bvumo ḽi fanaho na ḽa vhaḽa vhararu.+
21 Kha vhenevho vhararu, ndi ene we a vha e na bvumo u fhira vhenevho vhavhili, o vha e murangaphanḓa wavho; o vha a si na vhuimo vhu fanaho na ha vhaḽa vhararu vha u thoma.
22 Benaya+ murwa wa Yehoyada o vha e munna a re na tshivhindi we a ita mishumo minzhi ngei Kabatsiele.+ O vhulaya vharwa vhavhili vha Ariele wa Moaba, a dzhena tshisimani musi hu tshi khou wa mahaḓa a vhulaya ndau.+
23 O vhulaya na munna mulapfu-lapfu wa Muegipita, wa vhulapfu ha khubithi ṱhanu.*+ Naho onoyo Muegipita o vha o fara pfumo ḽi ngaho thanda ya vhaluki,+ o ya khae o fara thonga, a dzhiela Muegipita pfumo, a mu vhulaya nga pfumo ḽawe.+
24 Ndi zwe Benaya murwa wa Yehoyada a zwi ita, o vha e na bvumo ḽi fanaho na ḽa vhahali vhararu.
25 Naho o vha e na bvumo u fhira vha furaru, o vha a si na vhuimo vhu fanaho na ha vhaṅwe vhararu.+ Naho zwo ralo, Davida a mu vhea uri a vhe muṅwe wa vhalindi vhawe.
26 Vhahali vha mmbi vho vha vhe Asahele+ murathu* wa Yoaba, Elihanani murwa wa Dodo wa Betlehema,+
27 Shamothi wa Muharore, Heletse wa Mupeloni,
28 Ira+ murwa wa Ikeshe wa Muthekoa, Abiesere+ wa Muanathothe,
29 Sibekai+ wa Muhusha, Ilai wa Muahohi,
30 Mahari+ wa Munetofa, Helede+ murwa wa Baana wa Munetofa,
31 Itai murwa wa Rabai wa Gibia wa Vhabenyamini,+ Benaya wa Muphirathoni,
32 Hurai wa miedzini ya Gaasi,+ Abiele wa Muaraba,
33 Asimavethe wa Mubakurimi, Eliahaba wa Mushalaboni,
34 vharwa vha Hashemu wa Mugisoni, Yonathani murwa wa Shage wa Muharari,
35 Ahiamu murwa wa Sakari wa Muharari, Elifala murwa wa Uri,
36 Hefere wa Mumekera, Ahia wa Mupeloni,
37 Hesero wa Mukaramele, Naarai murwa wa Esibai,
38 Yoele ṅwana wa khotsi a Nathani, Mibihara murwa wa Hagiri,
39 Tseleke wa Muamoni, Naharai wa Mubeerothe, muhwali wa zwiṱhavhane zwa Yoaba murwa wa Tseruya;
40 Ira wa Muithira, Garebe wa Muithira,
41 Uria+ wa Muhethe, Sabada murwa wa Ahalai,
42 Adina murwa wa Shitsa wa Murubeni, murangaphanḓa wa Vharubeni na vha 30 vha re nae;
43 Hanani murwa wa Maaka, Yosafati wa Mumetheni,
44 Usia wa Muasitarote, Shama na Yeiele vharwa vha Hothamu wa Muaroere;
45 Yediaele murwa wa Shimiri na Yoha ṅwana wa khotsi awe wa Muthitsi;
46 Eliele wa Mumahavi, Yeribai na Yosavia vharwa vha Elinaamu na Yithima wa Mumoaba;
47 Eliele, Obede na Yaasiele wa Mumetsoba.
Ṱhaluso dzi re magumoni a siaṱari
^ Kana “Milo.” Ndi ipfi ḽa Tshihevheru ḽine ḽa amba u “ḓadza.”
^ Kana “tshidzwe.”
^ Vhulapfu hawe vhu mithara dza 2,23. Sedzani Ṱhume. B14.
^ Tshihevheru a tshi ambi uri o vha e murathu kana e mukomana.
