Bugu Ya U Thoma Ya Koronika 24:1-31
24 Zwigwada zwa vhaḓuhulu vha Aroni ndi hezwi: Vharwa vha Aroni vho vha vhe Nadaba, Abihu,+ Eliasara na Ithamara.+
2 Naho zwo ralo, Nadaba na Abihu vho fa khotsi avho a tshi kha ḓi tshila,+ vha si na vharwa; fhedzi Eliasara+ na Ithamara vho bvela phanḓa vha tshi shuma sa vhotshifhe.
3 Davida na Tsadoko+ ane a bva kha vharwa vha Eliasara na Ahimeleke ane a bva kha vharwa vha Ithamara, vha vha khethekanya nga zwigwada zwi tshi ya nga mishumo yavho.
4 Samusi vharwa vha Eliasara vho vha vhe na vharangaphanḓa vhanzhi u fhira vharwa vha Ithamara, vho vha khethekanya nga ho teaho: Vharwa vha Eliasara vho vha vhe na ṱhoho dza 16 dza miṱa ya vhokhotsi avho, vharwa vha Ithamara vho vha vhe na ṱhoho dza 8 dza miṱa ya vhokhotsi avho.
5 Zwiṅwe hafhu, vho vha khethekanya nga madeṅwa,+ tshiṅwe tshigwada khathihi na tshiṅwe, ngauri ho vha hu na vharangaphanḓa vha fhethu hukhethwa na vharangaphanḓa vha Mudzimu wa ngoho kha vharwa vha Eliasara na vha Ithamara.
6 Shemaya murwa wa Nethaniele muṅwaleli wa Vhalevi a ṅwala madzina avho phanḓa ha khosi, vhakololo, tshifhe Tsadoko,+ Ahimeleke+ murwa wa Abiathara+ na vharangaphanḓa vha miṱa ya vhokhotsi vha vhotshifhe na vha Vhalevi, ho nangelwa Eliasara muṱa muthihi wa vhokhotsi, muṅwe wo nangelwa Ithamara.
7 Deṅwa ḽa u thoma ḽa vha ḽa Yoyaribi; ḽa vhuvhili ḽa vha ḽa Yedaya,
8 ḽa vhuraru ḽa vha ḽa Harimi, ḽa vhuṋa ḽa vha ḽa Seorimi,
9 ḽa vhuṱanu ḽa vha ḽa Malakia, ḽa vhurathi ḽa vha ḽa Miyamini,
10 ḽa vhusumbe ḽa vha ḽa Hakotsi, ḽa vhumalo ḽa vha ḽa Abia,+
11 ḽa vhuṱahe ḽa vha ḽa Yeshua, ḽa vhufumi ḽa vha ḽa Shekanya,
12 ḽa vhu 11 ḽa vha ḽa Eliasibi, ḽa vhu 12 ḽa vha ḽa Yakimi,
13 ḽa vhu 13 ḽa vha ḽa Hupa, ḽa vhu 14 ḽa vha ḽa Yesebaba,
14 ḽa vhu 15 ḽa vha ḽa Biliga, ḽa vhu 16 ḽa vha ḽa Imere,
15 ḽa vhu 17 ḽa vha ḽa Hesiri, ḽa vhu 18 ḽa vha ḽa Hapitsetse,
16 ḽa vhu 19 ḽa vha ḽa Phethaya, ḽa vhu 20 ḽa vha ḽa Yehesekiele,
17 ḽa vhu 21 ḽa vha ḽa Yakini, ḽa vhu 22 ḽa vha ḽa Gamulu,
18 ḽa vhu 23 ḽa vha ḽa Delaya, ḽa vhu 24 ḽa vha ḽa Matsia.
19 Yeneyo yo vha i mishumo+ yavho musi vha tshi ḓa nḓuni ya Yehova u ya nga maitele e vha vhetshelwa one nga Aroni makhulukuku wavho, sa zwe a laiwa nga Yehova Mudzimu wa Isiraele.
20 Vhaṅwe vharwa vha Levi ndi havha: kha vharwa vha Amuramu+ o vha e Shubaele;+ kha vharwa vha Shubaele o vha e Yehedeya;
21 kha Rehabia:+ kha vharwa vha Rehabia, Yesia o vha e murangaphanḓa;
22 kha Vhaisara o vha e Shelomothi;+ kha vharwa vha Shelomothi o vha e Yahathi;
23 kha vharwa vha Heburoni o vha e Yeriya+ we a vha e murangaphanḓa, wa vhuvhili o vha e Amaria, wa vhuraru o vha e Yahasiele, wa vhuṋa o vha e Yekameamu;
24 kha vharwa vha Usiele o vha e Mika; kha vharwa vha Mika o vha e Samiri.
25 Murathu wa Mika o vha e Yesia; kha vharwa vha Yesia o vha e Sakaria.
26 Vharwa vha Merari+ vho vha vhe Mahali na Mushi; kha vharwa vha Yaasia o vha e Bino.
27 Vharwa vha Merari ndi havha: kha Yaasia o vha e Bino, Shohamu, Sakure na Ibiri;
28 kha Mahali o vha e Eliasara, we a vha a si na vharwa;+
29 kha Kishi: kha vharwa vha Kishi o vha e Yerahamiele;
30 kha vharwa vha Mushi vho vha vhe Mahali, Edere na Yerimothe.
Ndi vhone vharwa vha Levi u ya nga miṱa ya vhokhotsi avho.
31 Na vhone vho ita madeṅwa+ sa zwe zwa itwa nga vhahavho vhane vha vha vharwa vha Aroni phanḓa ha Khosi Davida, Tsadoko, Ahimeleke na vharangaphanḓa vha miṱa ya vhokhotsi vha vhotshifhe na vha Vhalevi. Kha miṱa ya vhokhotsi, we a vha e murangaphanḓa o vha a tshi lingana na murathu wawe.
