Bugu Ya U Thoma Ya Koronika 26:1-32
26 Vhalindakhoro+ vho vha vho khethekanywa nga zwigwada zwi tevhelaho: kha Vhakora ho vha hu Meshelemia+ murwa wa Kore ane a bva kha vharwa vha Asafu.
2 Murwa wa tanzhe wa Meshelemia o vha e Sakaria, wa vhuvhili e Yediaele, wa vhuraru e Sebadiya, wa vhuṋa e Yathiniele,
3 wa vhuṱanu e Elamu, wa vhurathi e Yehohanani, wa vhusumbe e Elihoenai.
4 Murwa wa tanzhe wa Obede-edomo o vha e Shemaya, wa vhuvhili e Yehosabada, wa vhuraru e Yoa, wa vhuṋa e Sakari, wa vhuṱanu e Nethaniele,
5 wa vhurathi e Amiele, wa vhusumbe e Isashari, wa vhumalo e Phehulethai; ngauri Mudzimu o vha o fhaṱutshedza Obede-edomo.
6 Murwa wawe Shemaya o vha o bebelwa vharwa vha re vhavhusi nḓuni dza vhokhotsi, ngauri vho vha vhe vhanna vha maanḓa na vha re na vhukoni.
7 Vharwa vha Shemaya vho vha vhe Othini, Refaele, Obede na Elisabada; vharathu vhawe Elihu na Semakia na vhone vho vha vhe na vhukoni.
8 Vhenevho vhoṱhe vho vha vhe vharwa vha Obede-edomo; vhone na vharwa vhavho na vharathu vhavho vho vha vhe na vhukoni, vha tshi fanelea kha mushumo, vha 62 vho vha vhe vha Obede-edomo.
9 Meshelemia+ o vha e na vharwa na vharathu vhane vha vha na vhukoni vha 18.
10 Hosa a bvaho kha vharwa vha Merari o vha e na vharwa. Shimiri o vha e murangaphanḓa, naho o vha e si tanzhe, khotsi awe o mu vhea uri a vhe murangaphanḓa,
11 wa vhuvhili o vha e Hilikia, wa vhuraru o vha e Tebalia, wa vhuṋa o vha e Sakaria. Vharwa vhoṱhe na mashaka awe vho vha vhe 13.
12 Kha zwenezwo zwigwada zwa vhalindakhoro, vharangaphanḓa vho vha vhe na mishumo i fanaho na ya mashaka avho, ya u shuma nḓuni ya Yehova.
13 Vha itela vhahulwane na vhaṱuku madeṅwa+ nga hu fanaho u ya nga miṱa ya vhokhotsi avho, zwi tshi ya nga khoro dzo fhambanaho.
14 Deṅwa ḽa thungo ya vhubvaḓuvha ḽa vha ḽa Shelemia. Kha murwa wawe Sakaria we a vha e mueletshedzi o ṱalifhaho, vha ita madeṅwa, deṅwa ḽawe ḽa bva thungo ya devhula.
15 Obede-edomo a wana ḽawe thungo ya tshipembe, vharwa+ vhawe vho vha vho vhewa uri vha ṱhogomele maḓulu.
16 Shupimi na Hosa+ vho vha vhe na avho thungo ya vhukovhela, tsini na Khoroni ya Sekelete nḓilani ya u gonyela nṱha, tshiṅwe tshigwada tsho vha tsho livhana na tshiṅwe;
17 thungo ya vhubvaḓuvha ho vha hu na Vhalevi vha rathi, thungo ya devhula na tshipembe ḓuvha ḽiṅwe na ḽiṅwe vho vha vha tshi vha vhe vhaṋa; kha maḓulu+ vho vha vhe vhavhili nga vhavhili;
18 vurannḓani ya thungo ya vhukovhela, ho vha hu na vhaṋa nḓilani khulwane+ na vhavhili henefho vurannḓani.
19 Zwenezwi zwo vha zwi zwigwada zwa vhalindakhoro u bva kha vhana vha Vhakora na vha Vhamerari.
20 Kha Vhalevi, Ahia o vha a tshi langa mbulungelo dza nḓuni ya Mudzimu wa ngoho na mbulungelo dza zwithu zwo itwaho zwikhethwa.*+
21 Vharwa vha Ladani: vhane vha vha vharwa vha Mugerisoni vha lushaka lwa Ladani, ane a vha murangaphanḓa wa muṱa wa vhokhotsi vha lushaka lwa Ladani wa Mugerisoni, ndi Yehiele+
22 vharwa vha Yehiele vho vha vhe Sethamu na murathu wawe Yoele. Vho vha vha tshi langa mbulungelo dza nḓuni ya Yehova.+
23 Kha Vhaamuramu, Vhaisara, Vhaheburoni na Vhausiele,+
24 Shebuele murwa wa Gerisomi murwa wa Mushe o vha e ene murangaphanḓa ane a langa maḓulu.
25 Kha mashaka awe, ane a vha vhaḓuhulu vha Eliesere,+ ho vha hu na Rehabia+ murwa wawe, Yeshaya murwa wawe, Yoramu murwa wawe, Sikiri murwa wawe na Shelomothi murwa wawe.
26 Shelomothi na vharathu vhawe vho vha vha tshi langa mbulungelo dzoṱhe dza zwithu zwo itwaho zwikhethwa,+ zwe Khosi Davida,+ vharangaphanḓa vha miṱa ya vhokhotsi,+ vhane vha ranga phanḓa vha zwigidi na vha maḓana na vhalangammbi vha zwi ita zwikhethwa.
27 Vho dzhia iṅwe thundu+ yo thubiwaho nndwani+ vha i ita uri i vhe khethwa u itela u ṱhogomela nnḓu ya Yehova;
28 u katela na zwoṱhe zwe Samuele muvhoni,+ Saulo murwa wa Kishi, Abinere+ murwa wa Nere na Yoaba+ murwa wa Tseruya+ vha zwi ita zwikhethwa. Tshiṅwe na tshiṅwe tshe muthu a tshi ita tshikhethwa tsho vha tshi tshi ṱhogomelwa nga Selomithi na vharathu vhawe.
29 Kha Vhaisara,+ Kenanya na vharwa vhawe vho vha vho ṋewa mishumo ya vhulangi sa vhaḓinḓa na vhahaṱuli+ kha ḽa Isiraele.
30 Kha Vhaheburoni,+ Hasabia na vharathu vhawe, vha re vhanna vha re na vhukoni vha 1 700, vho vha vha tshi langa mishumo yoṱhe ya Yehova na mishumo ya khosi kha ḽa Isiraele dzinguni ḽa vhukovhela ha Yorodane.
31 Kha Vhaheburoni, Yeriya+ o vha e ene murangaphanḓa u ya nga mirafho ya vhomakhulukuku vha nnḓu ya vhokhotsi. Nga ṅwaha wa vhu 40 hu tshi khou vhusa Davida,+ vho ṱoḓisiswa ha wanala vhanna vha maanḓa vhane vha fanelea vhukati havho ngei Yasere+ kha ḽa Giḽiada.
32 Vharathu vhawe vho vha vhe vhanna vha re na vhukoni vha 2 700, vharangaphanḓa vha miṱa ya vhokhotsi. Khosi Davida o vha o vha ṋea mushumo wa u langa Vharubeni, Vhagada na hafu ya lushaka lwa Manase, kha mafhungo oṱhe a Mudzimu wa ngoho na a khosi.
Ṱhaluso dzi re magumoni a siaṱari
^ Kana “zwithu zwo ṋekedzwaho.”
