Bugu Ya U Thoma Ya Koronika 4:1-43
4 Vharwa vha Yuda vho vha vhe Perese,+ Hetsironi,+ Karami, Huri+ na Shobali.+
2 Reaya murwa wa Shobali a beba Yahathi; Yahathi a beba Ahumai na Lahadi. Yeneyi yo vha i miṱa ya Vhatsoreathe.+
3 Vharwa vha khotsi a Etama+ ndi havha: Yeseriele, Yishima na Yidibashi (khaladzi avho o vha e Hazileleponi),
4 Penuele a beba Gedoro, Esere a beba Husha. Vharwa vha Huri+ ndi havha, tanzhe ḽa Efurata na khotsi a Betlehema.+
5 Helea na Naara ndi vhafumakadzi vhavhili vha Ashuhuru+ khotsi a Thekoa.+
6 Naara a mu bebela Ahuzamu, Hefere, Themini na Ahasithari. Vhenevho ndi vharwa vha Naara.
7 Vharwa vha Helea vho vha vhe Tserethe, Isara na Ethinani.
8 Kotsi a beba Anubu, Tsobeba na miṱa ya Aharahele na ya Harumu.
9 Yabeze* o vha a tshi huliswa nga maanḓa u fhira vhana vha khotsi awe; mme awe o mu ira dzina ḽa Yabeze, ngauri o ri: “Ndo mu beba ndi tshi khou pfa vhuṱungu.”
10 Yabeze o rabela Mudzimu wa Isiraele a ri: “Ngavhe u tshi mphaṱhutshedza wa nyengedzela shango ḽanga, wa ntsireledza kha maṱungu!” Mudzimu a mu ṋea zwe a humbela.
11 Kelubu mukomana wa Suha a beba Mehiri, we a vha e khotsi a Eshithoni.
12 Eshithoni a beba Bethe-rafa, Pesea na Thehina, khotsi a Iri-nahashi. Vhenevha ndi vhanna vha Reka.
13 Vharwa vha Kenasi vho vha vhe Othiniele+ na Seraya, murwa* wa Othiniele o vha e Hathathi.
14 Meonothai a beba Ofura. Seraya a beba Yoaba khotsi a Ge-harashimi,* vha vhidzwa nga u ralo ngauri vho vha vhe vhanna vha re na vhutsila.
15 Vharwa vha Kalebe+ murwa wa Yefune vho vha vhe Iru, Elaa na Naamu; murwa* wa Elaa o vha e Kenasi.
16 Vharwa vha Yahalelele vho vha vhe Zifi, Zifa, Thiriya na Asariele.
17 Vharwa vha Esira vho vha vhe Yethere, Merede, Efere na Yaloni; a* vhifha muvhilini a beba Miriamu, Shamai na Ishiba khotsi a Eshithemoa.
18 (Mufumakadzi wawe wa Muyuda o beba Yerede khotsi a Gedoro, Hebere khotsi a Soko na Yekutiele khotsi a Zanoa.) Vhenevho vho vha vhe vharwa vha Bithia, ṅwananyana wa Farao, we a vhingwa nga Merede.
19 Vharwa vha mufumakadzi wa Hodiya, khaladzi a Nahamu, vho vha vhe vhokhotsi a Keila wa Mugarami na Eshithemoa wa Mumaakate.
20 Vharwa vha Shimoni vho vha vhe Aminoni, Rina, Beni-hanani na Thiloni. Vharwa vha Ishi vho vha vhe Zohethe na Benizohethe.
21 Vharwa vha Shela+ murwa wa Yuda vho vha vhe Ere khotsi a Leka, Laheda khotsi a Maresha na miṱa ine ya ita malabi avhuḓi, vhaḓuhulu vha Asibea, vha re vhaḓuhulu vha Shela
22 na Yokimi, vhanna vha Koseba, Yoasi na Sarafi, vhe vha vhinga vhafumakadzi vha Vhamoaba na Yasubi-lehema. Enea mafhungo ndi a kale.
23 Vho vha vhe vhavhumbi vha dzulaho Nethaimi na Gedera. Vho vha vha tshi dzula henefho vha tshi shumela khosi.
24 Vharwa vha Simioni+ vho vha vhe Nemuele, Yamini, Yaribi, Zera na Shaulo.+
25 Murwa wawe o vha e Shalumu, murwa wa Shalumu o vha e Mibisama, murwa wa Mibisama o vha e Mishima.
26 Murwa wa Mishima o vha e Hamuele, murwa wa Hamuele o vha e Sakure, murwa wa Sakure o vha e Shimei.
27 Shimei o vha e na vharwa vha 16 na vhananyana vha 6; fhedzi vharwa vha khotsi awe vho vha vha si na vharwa vhanzhi, miṱani yavho ho vha hu si na vhanna vhanzhi u fana na miṱani ya Yuda.+
28 Vho vha vha tshi dzula Beresaba,+ Molada,+ Hasara-suali,+
29 Biliha, Etsemu,+ Tholada,
30 Bethuele,+ Horoma,+ Zikilaga,+
31 Bethe-marakabothe, Hasara-susimi,+ Bethe-berei na Sharaimi. Yeneyi yo vha i miḓi yavho u swika Davida a tshi vhusa.
32 Miḓi yavho yo vha i Etama, Aini, Rimoni, Thokheni na Ashani,+ yo vha i miḓi miṱanu,
33 na miḓi yavho yo tangaho yeneyo miḓi u swika Baali. Wonoyo ndi mutevhe wa lushaka lwavho na fhethu he vha dzula hone.
34 Meshobaba, Yamaleke, Yosha murwa wa Amatsia,
35 Yoele, Yehu murwa wa Yoshibia, murwa wa Seraya, murwa wa Asiele,
36 Elioenai, Yaakoba, Yeshohaya, Asaya, Adiele, Yesimiele, Benaya,
37 Ziza murwa wa Shifi, murwa wa Aloni, murwa wa Yedaya, murwa wa Shimiri, murwa wa Shemaya;
38 vhe vha bulwa madzina vho vha vhe vharangaphanḓa miṱani yavho, miṱa ya vhomakhulukuku wavho ya engedzea.
39 Vha ya nḓilani ya u dzhena muḓini wa Gedoro, vhubvaḓuvha ha govha, u itela u ṱoḓela masambi avho pfulo.
40 Mafheleloni vha wana pfulo yavhuḓi, shango ḽo vha ḽo ṱanḓavhuwa, hu na mulalo na vhudziki. Henefho ho vha hu tshi dzula Vhahamu.+
41 Vhe vha bulwa madzina vho ḓa tshifhingani tsha musi hu tshi khou vhusa Hiskia+ khosi ya Yuda vha vhulaya Vhahamu na Vhamehumi vha re henefho. Vho vha fhelisa, a hu tshee na na muthihi wavho u swika na ṋamusi; vha dzula shangoni ḽavho ngauri henefho ho vha hu na pfulo ya masambi avho.
42 Vhaṅwe Vhasimioni, vhanna vha 500, vho ya Thavhani ya Seiri+ na Pelatia, Nearia, Refaya na Usiele na vharwa vha Ishi we a vha o vha ranga phanḓa.
43 Vha vhulaya Vhaamaleke+ vhoṱhe vho ponyokaho, vha dzula henefho u swika na ṋamusi.
Ṱhaluso dzi re magumoni a siaṱari
^ Dzina Yabeze ḽi nga vha ḽi tshi tshimbidzana na ipfi ḽa Tshihevheru ḽine ḽa amba “vhuṱungu.”
^ Thevhedz., “vharwa.”
^ Zwine zwa amba uri “Muedzi Wa Vhavhaḓi.”
^ Thevhedz., “vharwa.”
^ Khamusi i khou ambela kha Bithia a re kha ndimana ya vhu 18.
