Bugu Ya U Thoma Ya Koronika 5:1-26
5 Vharwa vha Rubeni+ tanzhe ḽa Isiraele vho ṅwaliwa afho fhasi. O vha e ene tanzhe, fhedzi nga nṱhani ha uri o tshikafhadza mmbete wa khotsi awe,+ ndugelo yawe ya u vha tanzhe yo ṋewa vharwa vha Yosefa+ murwa wa Isiraele, nga zwenezwo ho ngo ṅwaliswa sa tanzhe kha mutevhe wa lushaka.
2 Naho Yuda+ o vha e ene muhulwane kha vhana vha khotsi awe, khae ho bva we a vha a tshi ḓo vha murangaphanḓa,+ ndugelo ya u vha tanzhe yo vha i ya Yosefa.
3 Vharwa vha Rubeni tanzhe ḽa Isiraele vho vha vhe Hanoxe, Palu, Hetsironi na Karami.+
4 Murwa wa Yoele o vha e Shemaya, murwa wa Shemaya o vha e Gogo, murwa wa Gogo o vha e Shimei,
5 murwa wa Shimei o vha e Mika, murwa wa Mika o vha e Reaya, murwa wa Reaya o vha e Baali,
6 murwa wa Baali o vha e Beera, ndi ene we Thiligatha-pilesere+ khosi ya Asuri a mu isa vhuthubwani; o vha e murangaphanḓa wa Vharubeni.
7 Vhana vha khotsi awe u ya nga miṱa yavho kha mutevhe wa lushaka u ya nga vhaḓuhulu vhavho ho vha hu Yeiele ane a vha murangaphanḓa, Sakaria
8 na Bela murwa wa Aza, murwa wa Shema, murwa wa Yoele, we a vha a tshi dzula Aroere+ u swika Nebo na Baali-meoni.+
9 A dzula thungo ya vhubvaḓuvha u vhuya u swika mathomoni a soga Mulamboni wa Yufuratha,+ ngauri zwifuwo zwavho zwo vha zwi zwinzhi shangoni ḽa Giḽiada.+
10 Misini ya Saulo, vha lwa na Vhahagari, vha vha kunda, vha dzula madenndeni avho shangoni ḽoṱhe ḽa vhubvaḓuvha ha Giḽiada.
11 Vhaḓuhulu vha Gada vho vha vha tshi dzula tsini navho ngei shangoni ḽa Bashani u swika Salika.+
12 Yoele o vha e murangaphanḓa, a tevhelwa nga Shafamu, Yanai na Shafati, vho vha vha tshi dzula ngei Bashani.
13 Vha miṱa ya vhokhotsi avho vho vha vhe Mikaele, Meshulamu, Sheba, Yorai, Yahekani, Zia na Ebere, vho vha vhe sumbe.
14 Vhenevho vho vha vhe vharwa vha Abihaili murwa wa Huria, murwa wa Yaroa, murwa wa Giḽiada, murwa wa Mikaele, murwa wa Yeshishai, murwa wa Yahado, murwa wa Busi.
15 Ahi murwa wa Abidiele, murwa wa Guni o vha e murangaphanḓa wa miṱa ya vhokhotsi avho.
16 Vho vha vha tshi dzula Giḽiada+ ngei Bashani+ na miḓanani ya nga tsini* na pfulo yoṱhe ya Sharona u vhuya u swika hune ya guma hone.
17 Vhoṱhe vho vha vho ṅwaliswa kha mutevhe wa lushaka misini ya Yothamu+ khosi ya Yuda na misini ya Yerobeamu*+ khosi ya Isiraele.
18 Vharubeni, Vhagada na hafu ya lushaka lwa Manase vho vha vhe na vhahali vha 44 760 mmbini yavho vha faraho zwiṱangu na mabanga, vho ḓiṱamaho nga vhura, vho gudiswaho u lwa.
19 Vha lwa na Vhahagari,+ Yeturi, Nafishi+ na Nodaba.
20 Musi vha tshi khou lwa navho, Mudzimu o vha thusa nga u kumedzela Vhahagari zwanḓani zwavho na vhoṱhe vha re navho, ngauri vho humbela u thuswa nga Mudzimu nndwani, a fhindula khumbelo yavho ngauri vho mu fhulufhela.+
21 Vha thuba zwifuwo zwavho, gamela dza 50 000, nngu dza 250 000 na donngi dza 2 000 na vhathu vha 100 000.
22 Ho vhulawa vhathu vhanzhi, ngauri yo vha i nndwa ya Mudzimu wa ngoho.+ Vho dzula fhethu havho u swika vha tshi iswa vhuthubwani.+
23 Vhaḓuhulu vha hafu ya lushaka lwa Manase+ vho vha vha tshi dzula kha ḽeneḽo shango u bva Bashani u swika Baali-herimoni na Siniri na Thavhani ya Herimoni.+ Vho vha vhe vhanzhi.
24 Ṱhoho dza miṱa ya vhokhotsi avho ndi hedzi: Efere, Ishi, Eliele, Aziriele, Yeremia, Hodovaya na Yahadiele; vho vha vhe vhahali, vhanna vha bvumo, vhe vharangaphanḓa vha mashaka a miṱa ya vhokhotsi avho.
25 Fhedzi a vho ngo fhulufhedzea kha Mudzimu wa vhomakhulukuku wavho, vha ita vhupombwe na midzimu ya vhathu vha maṅwe mashango,+ vhe Mudzimu a vha fhelisa phanḓa havho.
26 Ngauralo, Mudzimu wa Isiraele a ṱuṱuwedza Puli khosi ya Asuri+ (onoyo ndi Thiligatha-pilesere+ khosi ya Asuri) a thuba Vharubeni, Vhagada na hafu ya lushaka lwa Manase a vha isa Hala, Haboro, Hara na mulamboni wa Gozani,+ na ṋamusi vha kha ḓi vha henefho.
