Bugu Ya U Thoma Ya Koronika 7:1-40
7 Vharwa vha Isashari vho vha vhe Thola, Phua, Yashubu na Shimironi,+ vho vha vhe vhaṋa.
2 Vharwa vha Thola vho vha vhe Usi, Refaya, Yeriele, Yamai, Ibisamu na Shemuele, vhe ṱhoho dza miṱa ya vhokhotsi avho. Vhaḓuhulu vha Thola vho vha vhe vhahali, tshifhingani tsha Davida vho vha vhe 22 600.
3 Vhaḓuhulu* vha Usi vho vha vhe Isira, vharwa vha Isira vho vha vhe: Mikaele, Obadia, Yoele na Yesia, vhenevho vhaṱanu vho vha vhe vharangaphanḓa.
4 Vha re navho u ya nga vhubvo havho, u ya nga miṱa ya vhokhotsi avho, vho vha vhe maswole a 36 000 ane a ya nndwani, ngauri vho vha vhe na vhafumakadzi vhanzhi na vhana vhanzhi.
5 Vhana vha khotsi avho vhoṱhe vha muṱa wa Isashari vho vha vhe vhahali vha 87 000 vho ṅwaliwaho kha mutevhe wa lushaka.+
6 Vharwa vha Benyamini+ vho vha vhe Bela,+ Bekere+ na Yediaele,+ vho vha vhe vhararu.
7 Vharwa vha Bela vho vha vhe Etsiboni, Usi, Utsiele, Yerimothe na Iri, vho vha vhe vhaṱanu, vhe ṱhoho dza miṱa ya vhokhotsi avho, vhe vhahali, vho vha vhe 22 034 vho ṅwaliwa kha mutevhe wa lushaka lwa havho.+
8 Vharwa vha Bekere vho vha vhe Semira, Yoasi, Eliesere, Elioenai, Omiri, Yeremothe, Abia, Anathothe na Alemethe, vhenevho vho vha vhe vharwa vha Bekere.
9 Mutevhe wa lushaka lwavho u ya nga vhaḓuhulu vhavho na ṱhoho dza miṱa ya vhokhotsi avho vho vha vhe vhahali vha 20 200.
10 Vharwa vha Yediaele+ vho vha vhe Bilihana, vharwa vha Bilihana vho vha vhe: Yeushi, Benyamini, Ehudu, Kenana, Sethani, Tharasisi na Ahisahara.
11 Vhenevha vharwa vhoṱhe vho vha vhe vha Yediaele, u ya nga vharangaphanḓa vha miṱa ya vhokhotsi avho, vho vha vhe vhahali vha 17 200 vho lugelaho u ya nndwani.
12 Shupimi na Hupimi vho vha vhe vharwa vha Ire;+ Vhahushimi vhe vharwa vha Ahere.
13 Vharwa vha Nafutali+ vho vha vhe Yahaziele, Guni, Yezere na Shalumu, vhenevha vhe vhaḓuhulu* vha Biliha.+
14 Vharwa vha Manase+ vho vha vhe: Asiriele, we a bebelwa ene nga mufumakadzi wawe wa vhuimo ha fhasi* wa Musiria. (O beba Maxiri+ khotsi a Giḽiada.
15 Maxiri a vhingela Hupimi na Shupimi vhafumakadzi, khaladzi awe o vha a tshi pfi Maaka.) Wa vhuvhili o vha a tshi pfi Tselopahada,+ fhedzi Tselopahada o vha e na vhananyana.+
16 Maaka mufumakadzi wa Maxiri a beba murwa a mu ira dzina ḽa Pereshe; murathu wawe o vha a tshi pfi Shereshe; vharwa vhawe vho vha vhe Ulamu na Rekemu.
17 Murwa* wa Ulamu o vha e Bedani. Vhenevha vho vha vhe vharwa vha Giḽiada murwa wa Maxiri murwa wa Manase.
18 Khaladzi awe o vha e Hamolekethe. O beba Isihodo, Abiesere na Mahala.
19 Vharwa vha Shemida vho vha vhe Ahayani, Shikeme, Likhi na Aniamu.
20 Vharwa vha Efuraimi+ vho vha vhe Shuthela,+ murwa wa Shuthela o vha e Bereda, murwa wa Bereda o vha e Thahatha, murwa wa Thahatha o vha e Elada, murwa wa Elada o vha e Thahatha,
21 murwa wa Thahatha o vha e Sabada, murwa wa Sabada o vha e Shuthela. Vhaṅwe vharwa vha Efuraimi vho vha vhe Esere na Eleada. Vho vhulawa nga vhanna vhe vha bebelwa kha ḽeneḽo shango ḽa Gathi+ nge vha tsa u itela u vha dzhiela zwifuwo zwavho.
22 Khotsi avho Efuraimi o vha lilela maḓuvha manzhi, vhakomana vhawe vha ḓa vha mu fhumudza.
23 Nga murahu a ita zwa vhudzekani na mufumakadzi wawe, a vhifha muvhilini, a beba murwa. Fhedzi a mu ira dzina ḽa Beria* ngauri o bebwa nga tshifhinga tsha musi muṱa wa hawe wo welwa nga khombo.
24 Ṅwananyana wawe o vha a tshi pfi Sheera, ndi ene we a fhaṱa Bethe-horoni+ wa Fhasi+ na wa Nṱha na Useni-seera.
25 Murwa wawe o vha e Repha, murwa wa Repha o vha e Resefa, murwa wa Resefa o vha e Thela, murwa wa Thela o vha e Thahani,
26 murwa wa Thahani o vha e Ladani, murwa wa Ladani o vha e Amihudu, murwa wa Amihudu o vha e Elishama,
27 murwa wa Elishama o vha e Nunu, murwa wa Nunu o vha e Yoshua.*+
28 Mashango avho na miḓana yavho zwo vha zwi Bethele+ na miḓana ya nga tsini,* thungo ya Naarani vhubvaḓuvha na Gesere vhukovhela na miḓana ya nga tsini na Shikeme na miḓana ya nga tsini, u vhuya u swika muḓini wa Aya* na miḓana ya nga tsini;
29 vhaḓuhulu vha Manase, vho ṋewa Bethe-seani+ na miḓana ya nga tsini, Thaanake+ na miḓana ya nga tsini, Megido+ na miḓana ya nga tsini, Doro+ na miḓana ya nga tsini. Vhaḓuhulu vha Yosefa murwa wa Isiraele vho vha vha tshi dzula kha yeneyo miḓi.
30 Vharwa vha Ashere vho vha vhe Imina, Ishiva, Ishivi na Beria,+ khaladzi avho o vha e Sera.+
31 Vharwa vha Beria vho vha vhe Hebere na Malikiele we a vha e khotsi a Birisaithi.
32 Hebere a beba Yafulete, Shomere, Hothamu na Shua khaladzi avho.
33 Vharwa vha Yafulete vho vha vhe Pasaka, Bimihala na Asivathe. Vhenevho vho vha vhe vharwa vha Yafulete.
34 Vharwa vha Shemere* vho vha vhe Ahi, Roga, Yehuba na Aramu.
35 Vharwa vha Helemu* murathu wawe vho vha vhe Tsofa, Yimina, Shelesi na Amali.
36 Vharwa vha Tsofa vho vha vhe Sua, Haranefere, Shuala, Beri, Imira,
37 Betsera, Hodo, Sama, Shilisha, Yithirana na Beera.
38 Vharwa vha Yethere vho vha vhe Yefune, Pisipa na Ara.
39 Vharwa vha Ula vho vha vhe Araha, Haniele na Ritsia.
40 Vhenevho vhoṱhe vho vha vhe vharwa vha Ashere, vharangaphanḓa vha miṱa ya vhokhotsi avho, vhahali, vharangaphanḓa vha vhuimo ha nṱha vhukuma; vhanna vho lugelaho u ya nndwani vho ṅwaliwaho+ kha mutevhe wa lushaka vho vha vhe 26 000.+
Ṱhaluso dzi re magumoni a siaṱari
^ Thevhedz., “Vharwa.”
^ Thevhedz., “vharwa.”
^ Sedzani Mutevhe Wa Ṱhalutshedzo Ya Maipfi.
^ Thevhedz., “Vharwa.”
^ Zwine zwa amba uri “Khombo.”
^ Kana “Yehoshua,” zwine zwa amba uri “Yehova Ndi Mutshidzi.”
^ Kana “yo u tangaho.”
^ Kana khamusi, “Gaza,” naho hu si shango ḽa Gaza ḽi re Filisita.
^ U dovha a pfi Shomere kha ndimana 32.
^ Zwi tou nga ndi “Hothamu” a re kha ndimana 32.
