Bugu Ya U Thoma Ya Koronika 9:1-44
9 Vhaisiraele vhoṱhe vho vha vho ṅwaliwa kha mutevhe wa lushaka, vho ṅwaliwa Buguni ya Mahosi a Isiraele. Yuda o iswa vhuthubwani ngei Babele nge a vha a sa fhulufhedzei.+
2 Vhadzulapo vha u thoma vhe vha humela shangoni ḽavho vho vha vhe vhaṅwe Vhaisiraele, vhotshifhe, Vhalevi na vhashumi vha thembeleni.*+
3 Vhaṅwe vhaḓuhulu vha Yuda,+ vha Benyamini,+ vha Efuraimi na vha Manase vha dzulaho Yerusalema vho vha vhe:
4 Uthai murwa wa Amihudu murwa wa Omiri murwa wa Imiri murwa wa Bani, vhaḓuhulu vha Perese+ murwa wa Yuda.
5 Kha Vhashiḽo o vha e Asaya wa tanzhe na vharwa vhawe.
6 Vharwa vha Zera+ vho vha vhe Yeuele na vhana vha khotsi awe vha 690.
7 Kha vhaḓuhulu vha Benyamini, ndi Salu murwa wa Meshulamu murwa wa Hodovaya murwa wa Hasenua,
8 Ibineya murwa wa Yerohamu, Elaa murwa wa Usi murwa wa Mikiri na Meshulamu murwa wa Shefatia murwa wa Ruwele murwa wa Ibinia.
9 Vhana vha khotsi avho u ya nga mutevhe wa vhaḓuhulu vhavho vho vha vhe 956. Vhenevho vhanna vhoṱhe vho vha vhe ṱhoho dza miṱa ya vhokhotsi avho.
10 Vhotshifhe vho vha vhe Yedaya, Yoyaribi, Yakini,+
11 Asaria murwa wa Hilikia murwa wa Meshulamu murwa wa Tsadoko murwa wa Merayothe murwa wa Ahitobo, murangaphanḓa wa nnḓu* ya Mudzimu wa ngoho,
12 Adaya murwa wa Yerohamu murwa wa Phashuri murwa wa Malakia, Maesai murwa wa Adiele murwa wa Yasera murwa wa Meshulamu murwa wa Meshilemithi murwa wa Imere,
13 vhana vha khotsi avho, vharangaphanḓa vha miṱa ya vhokhotsi avho, vho vha vhe vhahali vha 1 760, vhanna vha faneleaho vha re na vhukoni ha u shuma nḓuni ya Mudzimu wa ngoho.
14 Kha Vhalevi ho vha hu na Shemaya+ murwa wa Hasubu, murwa wa Asirikamu, murwa wa Hasabia, vhaḓuhulu vha Merari;
15 na Bakabakari, Hereshe, Galali, Mathanya murwa wa Maika, murwa wa Sikiri, murwa wa Asafu,
16 Obadia murwa wa Shemaya, murwa wa Galali murwa wa Yeduthuni na Berekia murwa wa Asa, murwa wa Elikana, we a vha a tshi dzula miḓanani ya Vhanetofa.+
17 Vhalindakhoro+ vho vha vhe Shalumu, Akubu, Talamoni, Ahimani, Shalumu murwa wa khotsi avho o vha e ene murangaphanḓa,
18 u swika nga tshenetsho tshifhinga o vha e khoroni ya khosi thungo ya vhubvaḓuvha.+ Vhenevha vho vha vhe vhalindakhoro madenndeni a Vhalevi.
19 Shalumu murwa wa Kore, murwa wa Ebiasafu, murwa wa Kora na vhana vha khotsi awe vha re vharangaphanḓa vha miṱa ya vhokhotsi avho, Vhakora vho vha vha tshi ṱhogomela mishumo, vhalindi vha miṋango ya dennde, vhokhotsi avho vha tshi ṱhogomela muṋango une wa dzhena denndeni ḽa Yehova.
20 O vha e Finiasi+ murwa wa Eliasara+ we a vha e murangaphanḓa tshifhingani tsho fhiraho; Yehova o vha e nae.
21 Sakaria+ murwa wa Meshelemia o vha e mulindakhoro muṋangoni wa dennde ḽa muṱangano.
22 Vhoṱhe vhe vha nangiwa uri vha vhe vhalindakhoro muṋangoni vho vha vhe 212. Vho vha vha tshi dzula miḓanani yavho u ya nga mutevhe wa lushaka lwavho.+ Davida na Samuele muvhoni+ vho nanga vhenevho uri vha ite wonoyu mushumo ngauri vho vha vha tshi fhulufhedzea.
23 Vhenevho na vharwa vhavho vho vha vha tshi langa zwa u linda khoro nḓuni ya Yehova,+ ine ya vha nnḓu ya dennde.
24 Vhalindakhoro vho vha vhe thungo dzoṱhe nṋa, vhubvaḓuvha, vhukovhela, devhula na tshipembe.+
25 Tshifhinga tshoṱhe, vhana vha khotsi avho vho vha vha tshi ḓa vha tshi bva miḓanani yavho lwa maḓuvha a sumbe u itela u shuma navho.
26 Ho vha hu na vharangaphanḓa* vha vhalindakhoro vhaṋa vha fhulufhedzeaho. Vho vha vhe Vhalevi, vha tshi langa kamara khulwane* na mbulungelo dza nḓuni ya Mudzimu wa ngoho.+
27 Vho vha vha tshi fhedza vhusiku hoṱhe vho ima vha tshi khou linda u mona na nnḓu ya Mudzimu wa ngoho, ngauri vho vha vha tshi shuma u linda, ndi vhone vha faraho khii, vha vulaho nnḓu matsheloni maṅwe na maṅwe.
28 Vhaṅwe vhavho vho vha vha tshi shuma u ṱhogomela thundu+ dzine dza shumiselwa u rabela Mudzimu; vho vha vha tshi dzi vhala musi vha tshi dzi vhuisa, vha dovha vha dzi vhala musi vha tshi dzi dzhia.
29 Vhaṅwe vhavho vho vha vha tshi shuma u ṱhogomela thundu khethwa+ dzoṱhe na fuḽauru,+ waini,+ mapfura,+ zwioro zwitshena+ na mapfura a baḽisamu.+
30 Vhaṅwe vharwa vha vhotshifhe vho vha vha tshi ṱanganyisa zwiḓolo zwa mapfura a baḽisamu.
31 Mathithia wa Mulevi, we a vha e tanzhe ḽa Shalumu wa Mukora, o vha o ṋewa mushumo wa u ṱhogomela zwithu zwo bakwaho nga pani.+
32 Vhaṅwe vhana vha khotsi avho vha Vhakehati vho vha vhe na vhuḓifhinduleli ha u baka vhurotho ha ṱano+ nga savhatha iṅwe na iṅwe.+
33 Vhenevha vho vha vhe vhaimbi, vharangaphanḓa vha miṱa ya Vhalevi vha dzulaho kamarani khulwane,* vho vha vha sa shumi muṅwe mushumo; ngauri honoho ho vha vhu vhuḓifhunduleli havho vhusiku na masiari.
34 Ndi vhone vharangaphanḓa vha miṱa ya Vhalevi u ya nga mutevhe wa lushaka lwa vhomakhulukuku wavho na vharangaphanḓa. Vho vha vha tshi dzula Yerusalema.
35 Yeiele khotsi a Gibeoni, o vha a tshi dzula Gibeoni.+ Mufumakadzi wawe a tshi pfi Maaka.
36 Murwa wawe wa tanzhe o vha e Abidoni, a tevhelwa nga Tsuri, Kishi, Baali, Nere, Nadaba,
37 Gedoro, Ahio, Sakaria na Mikilothe.
38 Mikilothe a beba Shimeamu. Vhoṱhe vho vha vha tshi dzula tsini na vhahavho ngei Yerusalema u katela na vhaṅwe vhahavho.
39 Nere+ a beba Kishi; Kishi a beba Saulo;+ Saulo a beba Yonathani,+ Malakisua,+ Abinadaba+ na Eshibaali.
40 Murwa wa Yonathani o vha e Meriba-baali.+ Meriba-baali a beba Mika.+
41 Vharwa vha Mika vho vha vhe Pitoni, Meleke, Thaharea na Ahasi.
42 Ahasi a beba Yara; Yara a beba Alemethe, Asimavethe na Simiri. Simiri a beba Motsa.
43 Motsa a beba Binea, murwa wa Binea e Refaya, murwa wa Refaya e Eliasa, murwa wa Eliasa e Atsele.
44 Atsele o vha e na vharwa vha rathi, vho vha vhe Asirikamu, Bokheru, Ishimaele, Shearia, Obadia na Hanani. Vhenevho ndi vharwa vha Atsele.
Ṱhaluso dzi re magumoni a siaṱari
^ Kana “Vhanethinimu.” Thevhedz., “vho kumedzwaho.”
^ Kana “thembele.”
^ Kana “kamara dza u ḽela.”
^ Kana “vhahali.”
^ Kana “kamarani dza u ḽela.”
