Bugu Ya U Thoma Ya Samuele 31:1-13
-
Lufu lwa Saulo na vharwa vhawe vhararu (1-13)
31 Vhafilisita vho vha vha tshi khou lwa na Vhaisiraele.+ Vhaisiraele vha shavha Vhafilisita, ha vhulawa vhanzhi Thavhani ya Giliboa.+
2 Vhafilisita vha pandamedza Saulo na vharwa vhawe, Vhafilisita vha vhulaya Yonathani,+ Abinadaba na Malakisua, vharwa vha Saulo.+
3 Nndwa ya vha khulu kha Saulo, vhapfuli vha mu pfula nga misevhe yavho, vha mu huvhadza nga maanḓa.+
4 Saulo a amba na muhwali wa zwiṱhavhane zwawe a ri: “Ṱomola banga ḽau u mmbulaye ngaḽo uri havha vhanna vha songo fumbaho+ vha si ḓe vha ntambudza.”* Fhedzi muhwali wa zwiṱhavhane zwawe a hana, ngauri o vha a tshi khou ofha nga maanḓa. Ngauralo, Saulo a dzhia banga a ḓiwisela khaḽo.+
5 Musi muhwali wa zwiṱhavhane zwawe a tshi vhona uri Saulo o fa,+ na ene a ḓiwisela kha banga ḽawe a fa nae.
6 Ngauralo, Saulo, vharwa vhawe vhararu, muhwali wa zwiṱhavhane zwawe na vhanna vhoṱhe vhe a vha e navho vha fa vhoṱhe nga ḓuvha ḽithihi.+
7 Musi vhathu vha Isiraele vha re govhani na dzinguni ḽa Mulambo wa Yorodane vha tshi vhona uri vhanna vha Isiraele vho shavha na uri Saulo na vharwa vhawe vho fa, vha ṱutshela miḓi yavho vha shavha;+ Vhafilisita vha ḓa vha dzula khayo.
8 Nga ḓuvha ḽi tevhelaho, musi Vhafilisita vha tshi ḓa u dzhia thundu dza vho vhulawaho, vha wana Saulo na vharwa vhawe vhararu vho fa Thavhani ya Giliboa.+
9 Vha tumula ṱhoho yawe vha mu bvula tshiambaro tsha nndwa, vha rumela mulaedza shangoni ḽoṱhe ḽa Vhafilisita uri vha phaḓaladze eneo mafhungo+ nḓuni* dza midzimu yavho ya zwifanyiso+ na kha vhathu vha havho.
10 Mafheleloni vha dzhia tshiambaro tsha Saulo tsha nndwa vha tshi vhea nḓuni ya zwifanyiso zwa Asiterothe, vha ombela tshitumbu tshawe kha luvhondo lwa Bethesani.+
11 Musi vhadzulapo vha Yabese-giḽiada+ vha tshi pfa zwe Vhafilisita vha zwi ita kha Saulo,
12 vhahali vhoṱhe vha takuwa vha tshimbila vhusiku hoṱhe vha ya vha bvisa tshitumbu tsha Saulo na zwitumbu zwa vharwa vhawe kha luvhondo lwa Bethesani, vha vhuyelela Yabese vha zwi fhisela henefho.
13 Vha dzhia marambo+ avho vha a vhulunga fhasi ha muri wa mutamarisiki* ngei Yabese,+ vha ḓidzima zwiḽiwa maḓuvha a sumbe.
Ṱhaluso dzi re magumoni a siaṱari
^ Kana “mpfara nga nḓila ya tshiṱuhu.”
^ Kana “thembeleni.”
^ Ndi muri une wa dzula u mudala u re na zwiṱari zwiṱuku une wa fhufhumisa maluvha a pinki kana matshena.
