Vhurifhi Ha U Thoma Vhu Yaho Kha Vhathesalonika 1:1-10
1 Nṋe Paulo, ndi na Silvano*+ na Timotheo,+ ndi ṅwalela tshivhidzo tsha Vhathesalonika vha re na vhuthihi na Mudzimu Khotsi na Murena Yesu Kristo, ndi ri:
Ngavhe ni tshi vha na vhuthu vhuhulu na mulalo.
2 Ri livhuwa Mudzimu tshifhinga tshoṱhe musi ri tshi amba nga ha inwi noṱhe thabeloni dzashu,+
3 ngauri ri dzula ri tshi humbula mushumo waṋu we na u ita nga u fhulufhedzea na nga nṱhani ha lufuno lwaṋu na u konḓelela zwi tshi itiswa nga fhulufhelo ḽaṋu+ kha Murena washu Yesu Kristo phanḓa ha Mudzimu washu a re Khotsi.
4 Inwi vhahashu ni funwaho nga Mudzimu, ri a zwi ḓivha uri o ni nanga,
5 ngauri ro huwelela mafhungo maḓifha kha inwi, hu si nga maipfi fhedzi, ro a huwelela ri na maanḓa, muya mukhethwa na lutendo lwo khwaṱhaho. Ni a ḓivha zwe ra zwi ita uri ni vhuyelwe.
6 No edzisa riṋe+ na Murena,+ samusi no ṱanganedza ipfi ḽa Mudzimu nga dakalo ḽi ḓiswaho nga muya mukhethwa naho ni maṱunguni mahulu,+
7 na vha tsumbo kha vhatendi vhoṱhe vha Makedonia na Axaya.
8 A no ngo ḓivhadza ipfi ḽa Yehova* Makedonia na Axaya fhedzi, no ḽi ḓivhadza fhethu hoṱhe, na u tenda haṋu Mudzimu zwi ḓivhiwa fhethu hoṱhe,+ lune a zwi tsha ṱoḓea uri ri ambe tshithu.
9 Ngauri vha dzula vha tshi ri vhudza nga ha musi ri tshi thoma u ṱangana na inwi, na nḓila ye na ṱutshela ngayo midzimu ya zwifanyiso+ na shumela Mudzimu a tshilaho wa ngoho,
10 na u lindela Murwa wawe a tshi bva ṱaḓulu,+ we a mu vusa vhafuni, ndi amba Yesu a ri tshidzaho kha mbiti dzine dza khou ḓa.+
