Bugu Ya Vhuvhili Ya Koronika 19:1-11
19 Khosi Yehoshafati wa Yuda a humela nḓuni* yawe+ ngei Yerusalema o tsireledzea.*
2 Yehu+ murwa wa Henani+ muvhoni a ya a ṱangana na Khosi Yehoshafati, a amba nae a ri: “Naa wo fanela u thusa vhavhi,+ naa wo fanela u funa vhane vha vhenga Yehova?+ Yehova o u sinyutshela nga nṱhani ha zwenezwi.
3 Naho zwo ralo, ho wanala zwivhuya kha iwe,+ ngauri wo bvisa thanda khethwa* shangoni, wo lugiselela mbilu yau* uri u ṱoḓe Mudzimu wa ngoho.”+
4 Yehoshafati o vha a tshi dzula Yerusalema, o vha a tshi bva a tshi ya kha vhathu vhawe, u bva Beresaba u swika dzinguni ḽa thavhani dza Efuraimi,+ uri a vha vhuyedzedze ha Yehova Mudzimu wa vhomakhulukuku wavho.+
5 A dovha a vhea vhahaṱuli shangoni ḽoṱhe miḓini yoṱhe ya ḽa Yuda yo tsireledzwaho nga mbondo, muḓi nga muḓi.+
6 A amba na vhahaṱuli a ri: “Ni ṱhogomele zwine na ita, ngauri a ni haṱuleli muthu, fhedzi ni haṱulela Yehova, u na inwi musi ni tshi haṱula.+
7 Zwino ofhani Yehova.+ Ni ṱhogomele zwine na zwi ita, ngauri Yehova Mudzimu washu u haṱula nga nḓila yo teaho,+ ha ṱaluli,+ ha ṱanganedzi tshanḓanguvhoni.”+
8 Yehoshafati o dovha a vhea vhaṅwe Vhalevi ngei Yerusalema na vhotshifhe na vhaṅwe vharangaphanḓa vha miṱa ya vhokhotsi vha Isiraele uri vha vhe vhahaṱuli vha Yehova na u haṱula vhadzulapo vha Yerusalema.+
9 A vha laya a ri: “Zwine na fanela u zwi ita ni tshi ofha Yehova nga u fhulufhedzea na nga mbilu yoṱhe* ndi hezwi:
10 Musi vhahaṋu vhane vha dzula miḓini yavho vha tshi ḓisa mulandu une wa katela u shulula malofha+ kana u pfukwa ha mulayo, ndaela, maitele kana khaṱhulo, ni vha eletshedze uri vha si vhe na mulandu phanḓa ha Yehova; arali na sa ita nga u ralo, u ḓo sinyutshela inwi na vhahaṋu. Ndi zwine na fanela u zwi ita uri ni si vhe na mulandu.
11 Khoyu Amaria muhulwane wa vhotshifhe ane a ḓo ṱhogomela mafhungo oṱhe a Yehova.+ Sebadiya murwa wa Ishimaele ndi murangaphanḓa nḓuni ya Yuda kha mafhungo oṱhe ane a tshimbidzana na khosi. Vhalevi vha ḓo shuma sa vhaḓinḓa vhaṋu. Itani mushumo waṋu nga tshivhindi, Yehova a vhe na vhane vha ita zwivhuya.”*+
Ṱhaluso dzi re magumoni a siaṱari
^ Kana “pfamoni.”
^ Kana “nga mulalo.”
^ Sedzani Mutevhe Wa Ṱhalutshedzo Ya Maipfi.
^ Kana “mbilu yau yo ḓiimisela.”
^ Kana “mbilu yo ḓiṋekedzaho tshoṱhe.”
^ Kana “a vhe na zwine zwa vha zwivhuya.”