Bugu Ya Vhuvhili Ya Koronika 27:1-9
-
Yothamu, khosi ya Yuda (1-9)
27 Yothamu+ o vha e na miṅwaha ya 25 musi a tshi vha khosi, o vhusa miṅwaha ya 16 Yerusalema. Mme awe o vha a tshi pfi Yerusa ṅwana wa Tsadoko.+
2 O bvela phanḓa a tshi ita zwo lugaho phanḓa ha Yehova, u fana na khotsi awe Usia,+ fhedzi ene ho ngo kombetshedza u dzhena thembeleni ya Yehova.+ Fhedzi vhathu vha ḓi isa phanḓa vha tshi tshinya.
3 O fhaṱa khoro ya nṱha ya nnḓu ya Yehova,+ kha luvhondo lwa Ofele ndi ene we a fhaṱa nga maanḓa.+
4 O dovha a fhaṱa na miḓi+ dzinguni ḽa thavhani dza Yuda,+ a fhaṱa fhethu ho tsireledzeaho+ na mitsheṱo+ ngei maḓakani.
5 A lwa na khosi ya Vhaamoni+ a vha kunda, nga wonoyo ṅwaha Vhaamoni vha mu ṋea talente* dza 100 dza siḽiva, koro* dza goroi dza 10 000 na dza baḽi dza 10 000. Vhaamoni vha ḓi mu luvha nga u ralo, ha vhuya ha fhela ṅwaha wa vhuvhili na wa vhuraru.+
6 Yothamu o bvela phanḓa a tshi vha na maanḓa ngauri o vha o ḓiimisela* u tshimbila nḓilani dza Yehova Mudzimu wawe.
7 Mafhungo oṱhe a Yothamu, nndwa dzawe dzoṱhe na nḓila dzawe, zwo ṅwaliwa Buguni ya Mahosi a Isiraele na a Yuda.+
8 O vha e na miṅwaha ya 25 musi a tshi vha khosi, a vhusa miṅwaha ya 16 e Yerusalema.+
9 Yothamu a vhulungwa na vhomakhulukuku wawe Muḓini wa Davida.+ Murwa wawe Ahasi a vha khosi vhudzuloni hawe.+
Ṱhaluso dzi re magumoni a siaṱari
^ Talente i lingana na khilogramu dza 34,2. Sedzani Ṱhume. B14.
^ Koro nthihi i lingana na ḽithara dza 220. Sedzani Ṱhume. B14.
^ Kana “o lugiselela.”
