Bugu Ya Vhuvhili Ya Koronika 4:1-22
4 A ita aḽeṱare ya koporo,+ ya vhulapfu ha khubithi dza 20, vhuphara ha khubithi dza 20, u ya nṱha i khubithi dza 10.
2 A ita sambelo ḽihulu ḽi vhidzwaho Lwanzhe*+ nga tsimbi yo ṋokiswaho. Ḽo vha ḽo ita gumba,* mulomo waḽo u khubithi dza 10, u ya nṱha ḽi khubithi dza 5, u mona naḽo hu khubithi dza 30.+
3 Ḽo khavhiswa nga madzanga a zwipulumbu+ u mona naḽo, kha khubithi nthihi hu na a fumi. Eneo madzanga a zwipulumbu o vha e miduba mivhili, e tshithu tshithihi na sambelo.
4 Ḽo vha ḽo vhewa nṱha ha mboho dza 12,+ tharu dzo lavhelesa devhula, tharu dzo lavhelesa vhukovhela, tharu dzo lavhelesa tshipembe, tharu dzo lavhelesa vhubvaḓuvha; ḽeneḽo sambelo ḽo vha ḽi nṱha hadzo, dzo furalela vhukati.
5 Vhudenya haḽo ho vha hu vhuphara vhu eḓanaho na minwe miṋa;* lumeme lwaḽo lwo itwa u fana na lumeme lwa tshinwelo, u fana na luvha ḽa volenga.* Ḽeneḽo sambelo ḽo vha ḽi tshi shelwa maḓi a mielo ya nkho* dza 3 000.
6 A dovha a ita masambelo a fumi a u ṱanzwela khao, maṱanu a a vhea nga thungo ya tsha u ḽa, maṱanu a a vhea nga thungo ya tsha monde.+ Vha tshi ṱanzwela khao zwithu zwine vha zwi shumisela zwifhiwa zwa u fhiswa.+ Fhedzi ḽeneḽo sambelo ḽihulu ḽo vha ḽi ḽa maḓi a u ṱamba vhotshifhe.+
7 A dovha a ita na zwiṱomambone zwa fumi zwa musuku,+ zwi tshi ya nga he ha pfi zwi itwe ngaho,+ a zwi vhea thembeleni, zwiṱanu nga thungo ya tsha u ḽa, zwiṅwe zwiṱanu nga thungo ya tsha monde.+
8 A dovha a ita maṱafula a fumi a a vhea thembeleni, maṱanu nga thungo ya tsha u ḽa, maṅwe maṱanu nga thungo ya tsha monde;+ a ita zwigoḓelo zwa musuku zwa 100.
9 A ita na muṱa+ wa vhotshifhe,+ muṱa muhulwane+ na mavothi a muṱani, a ḓodza mavothi awo nga koporo.
10 A vhea sambelo ḽihulu ḽi vhidzwaho Lwanzhe nga thungo ya tsha u ḽa, tshipembe-vhubvaḓuvha.+
11 Hiramu a ita na zwa u kumbela miḽora, fosholo na zwigoḓelo.+
Hiramu a fhedza mushumo we a vha a tshi khou u itela Khosi Salomo nḓuni ya Mudzimu wa ngoho:+
12 phuphu mbili+ na ṱhoho dzi ngaho tshigoḓelo dzi re nṱha ha dzenedzo phuphu mbili na ngeḓane mbili dzo khavhisaho ṱhoho mbili+ dzi ngaho tshigoḓelo dzi re nṱha ha phuphu;
13 kha ngeḓane mbili ho vha hu na maphomagraneithi a 400,+ miduba mivhili ya maphomagraneithi kha ngeḓane iṅwe na iṅwe, u itela u khavhisa ṱhoho mbili dzi ngaho tshigoḓelo dzi re nṱha ha phuphu;+
14 zwigoloi* zwa fumi, tshiṅwe na tshiṅwe tsho hwala sambelo.+
15 Sambelo ḽihulu ḽi vhidzwaho Lwanzhe ḽo vhewa nṱha ha mboho dza 12;+
16 zwa u kumbela miḽora, fosholo, forogo+ na thundu dzoṱhe, zwe Hiramu-abivi+ a zwi itela Khosi Salomo nga koporo yo pholishiwaho a tshi itela nnḓu ya Yehova.
17 Khosi yo zwi vhumbela tshiṱirikini tsha Yorodane nga vumba ḽi re vhukati ha Sukothe+ na Tsereda.
18 Salomo o ita dzenedzo thundu dzoṱhe dza vha nnzhi nga maanḓa; tshileme tsha koporo tsho vha tshi sa ḓivhei.+
19 Salomo o ita thundu dzoṱhe+ dza nḓuni ya Mudzimu wa ngoho: aḽeṱare ya musuku;+ maṱafula+ a re na vhurotho ha ṱano;+
20 zwiṱomambone na mbone dzazwo dza musuku vhukuma+ uri dzi duge phanḓa ha kamara ya nga ngomu-ngomu hu tshi tevhedzwa mulayo;
21 maluvha, mbone na zwa u dzima mbone, zwa musuku, une wa vha musuku vhukuma;
22 zwa u dzima mulilo, zwigoḓelo, zwinwelo na zwa u oka mulilo zwa musuku vhukuma; na muṋango wa nnḓu na mavothi ayo a fhethu Hukhethwa-khethwa+ na mavothi a thembele a musuku.+
Ṱhaluso dzi re magumoni a siaṱari
^ Kana “thannga.”
^ Kana “bulumbu; bola; khungulu; mutengelele; tshitendeledzi.”
^ Hu ṱoḓaho u vha senthimithara dza 7,4. Sedzani Ṱhume. B14.
^ Kana “ḽiḽi.”
^ Nga Tshihevheru ndi “bathi,” ine ya lingana na ḽithara dza 22. Sedzani Ṱhume. B14.
^ Kana “zwigariki zwa maḓi.”
