Bugu Ya Vhuvhili Ya Koronika 8:1-18
8 Musi ho no fhela miṅwaha ya 20 Salomo a tshi khou fhaṱa nnḓu ya Yehova na nnḓu* yawe,+
2 Salomo a fhaṱulula miḓi ye Hiramu+ a mu ṋea yone, a dzudza Vhaisiraele henefho.
3 Salomo a dovha a ya a thuba Hamathi-tsoba.
4 A fhaṱa* muḓi wa Thadimoro ngei sogani, a dovha a fhaṱa na miḓi yoṱhe ya u vhulungela zwithu+ ye a vha o i fhaṱa ngei Hamathi.+
5 A vusulusa na muḓi wa Bethe-horoni ya Nṱha+ na wa Bethe-horoni ya Fhasi,+ miḓi yo tsireledzwaho nga mbondo, khoro na tsimbi,
6 na ya Baalathi+ na miḓi yoṱhe ye a vha a tshi vhulungela zwithu, miḓi ya gariki+ dzawe na dza vhaṋameli vha bere na zwoṱhe zwe Salomo a vha a tshi tama u zwi fhaṱa Yerusalema, Libanoni na mashangoni oṱhe e a vha a tshi a vhusa.
7 Vhathu vhoṱhe vho salaho kha Vhahethe, Vhaamori, Vhapheresi, Vhahevi na Vhayebusi+ vha si Vhaisiraele,+
8 vhana vhavho vho salaho kha ḽeneḽo shango, vhe vha si vhulawe nga Vhaisiraele,+ vho ṅwaliswa nga Salomo uri vha ite mushumo wa khombe-khombe u swika na ṋamusi.+
9 Fhedzi Salomo ho ngo ita uri Vhaisiraele vha vhe phuli dzawe,+ ngauri vho vha vhe vhahali vhawe, vhalangammbi vhawe, vhalangi vha vhatshimbidzi vha gariki dzawe na vhaṋameli vha bere dzawe.+
10 Ho vha hu na vhalangi vha vhaḓinḓa vha 250 vha Khosi Salomo, vha lavhelesaho vhathu.+
11 Salomo a pfulusa na ṅwananyana wa Farao+ Muḓini wa Davida a mu isa nḓuni ye a mu fhaṱela yone,+ nge a ri: “Naho e mufumakadzi wanga, ho ngo fanela u dzula nḓuni ya Khosi Davida wa Isiraele, ngauri fhethu he Mbulungelo ya Yehova ya dzula hone ndi hukhethwa.”+
12 Salomo a ṋekedza Yehova zwiṱhavhelo zwa u fhiswa+ kha aḽeṱare ya Yehova+ ye a vha o i fhaṱa phanḓa ha vurannḓa.+
13 O vha a tshi tevhedza maitele a ḓuvha ḽiṅwe na ḽiṅwe, a tshi ṋekedza zwifhiwa u tendelana na ndaela ya Mushe ya Dzisavhatha,+ ya ṅwedzi muswa+ na ya vhuṱambo ho vhewaho luraru nga ṅwaha,+ Vhuṱambo ha Vhurotho vhu si na Mbiliso,+ Vhuṱambo ha Dzivhege+ na Vhuṱambo ha Mishasha.*+
14 A dovha a vhea zwigwada zwa vhotshifhe+ uri zwi shume mishumo yazwo u ya nga mulayo wa khotsi awe Davida na Vhalevi fhethu hune vha shuma hone, uri vha rende+ na u shuma phanḓa ha vhotshifhe u ya nga maitele a ḓuvha ḽiṅwe na ḽiṅwe, a dovha a vhea vhalindakhoro u ya nga zwigwada zwavho kha khoro dzo fhambanaho,+ ngauri yeneyo yo vha i ndaela ya Davida, mushumeli wa Mudzimu wa ngoho.
15 A vho ngo pfuka ndaela ya khosi ye a i ṋea vhotshifhe na Vhalevi nga ha mafhungo naho e afhio kana nga ha maḓulu.
16 Mushumo wa Salomo wo vha wo dzudzanyea zwavhuḓi u bva nga ḓuvha ḽe ha thewa mutheo wa nnḓu ya Yehova+ u swika i tshi fhela. Nnḓu ya Yehova ya fhela nga yeneyo nḓila.+
17 Nga tshenetsho tshifhinga, Salomo a ya Etsioni-gebere+ na Elotha+ khunzi-khunzini ya shango ḽa Edomo.+
18 Hiramu+ a mu rumela zwikepe na vhaḓivhi vha lwanzhe a tshi shumisa vhashumeli vhawe. Vha ṱuwa na vhashumeli vha Salomo vha ya Ofiri+ vha dzhia talente* dza 450 dza musuku+ vha dzi isa kha Khosi Salomo.+
Ṱhaluso dzi re magumoni a siaṱari
^ Kana “pfamo.”
^ Kana “fhaṱulula.”
^ Kana “Vhudzulo ha Tshifhinganyana.”
^ Talente i lingana na khilogramu dza 34,2. Sedzani Ṱhume. B14.