Vhurifhi Ha Vhuvhili Vhu Yaho Kha Vhakorinta 4:1-18
4 A ri litshi u ita wonoyu mushumo we Mudzimu a ri khathutshela a ri ṋea wone.
2 Fhedzi ri vhenga zwithu zwa vhufhura zwi shonisaho, a ri na vhukwila, a ri shandi ipfi ḽa Mudzimu;+ ri sumbedza vhathu zwine ipfi ḽawe ḽa amba zwone, musi ri tshi ita zwenezwo, ri vha tsumbo dzavhuḓi kha luvalo lwa vhathu vhoṱhe, Mudzimu a tshi zwi vhona.+
3 Arali mafhungo maḓifha ane ra a ḓivhadza o dzumbiwa,* o dzumbelwa vhane vha ḓo fheliswa,
4 vhenevho ndi vha sa tendiho, vhe mudzimu wa ḽino shango*+ a swingisa mihumbulo yavho,+ uri vha si vhonetshelwe+ nga mafhungo maḓifha a vhugala nga ha Kristo, ene tshifanyiso tsha Mudzimu.+
5 Ri huwelela nga ha uri Kristo Yesu ndi Murena, hu si nga ha riṋe vhaṋe, na u ḓivhadza uri ri vhalanda vhaṋu ri tshi itela Yesu.
6 Ngauri Mudzimu ndi ene we a ri: “Tshedza kha tshi vhonetshele swiswini,”+ o vhonetshela tshedza tshawe mbiluni dzashu+ a tshi shumisa tshifhaṱuwo tsha Kristo, tshenetsho tshedza tshi ṋea nḓivho ya Mudzimu.
7 Naho zwo ralo, ri na lupfumo+ kha midzio ya vumba,+ uri zwi vhonale uri maanḓa a songo ḓoweleaho a si ashu, a bva kha Mudzimu.+
8 Ri a kwanyeledzwa nga nḓila dzoṱhe, fhedzi ri kha ḓi kona u dzinginyea; ro hanganea, fhedzi ri a wana nḓila ya u bva;*+
9 ri a tovholwa, fhedzi a ro ngo laṱwa;+ ri a tsikeledzwa,* fhedzi ri a konḓelela.*+
10 Hoṱhe hune ra ya, ro konḓelela zwithu zwi vhavhaho u fana na Yesu,+ uri zwi vhonale uri ri tambula u fana nae.
11 Ri khou tshila, fhedzi vhutshilo hashu vhu dzula vhu khomboni+ ngauri ri tevhela Yesu, uri zwi vhonale uri ri tambula u fana nae.
12 Naho vhutshilo hashu vhu khomboni, zwi ita uri ni wane vhutshilo.
13 Ho ṅwaliwa hezwi: “Ndo amba ngauri ndi na lutendo.”+ Na riṋe ri a amba ngauri ri na lutendo.
14 Ngauri ri a zwi ḓivha uri We a vusa Yesu u ḓo ri vusa nga nḓila i fanaho na ya Yesu, a ri ḓisa phanḓa ha Yesu.+
15 Zwenezwi zwoṱhe zwo itelwa inwi, uri vhuthu vhuhulu vhu engedzee; vhu engedzea musi vhathu vhanzhi vha tshi livhuwa Mudzimu nga u mu renda.+
16 Ndi ngazwo ri sa neti, ngauri naho mivhili yashu i tshi ṱahala, nga ngomu hashu ri vusuluswa ḓuvha ḽiṅwe na ḽiṅwe.
17 Naho maṱungu* e a tshifhinganyana, e maṱuku, a ita uri ri wane vhugala vhuhulu vhune ha ḓi engedzea vhu tshi ya, ndi ha tshoṱhe;+
18 ndi ngazwo ri sa dzuli ri tshi humbula nga ha zwine zwa vhonala,+ fhedzi ri tshi dzula ri tshi humbula nga ha zwi sa vhonali. Ngauri zwine zwa vhonala ndi zwa tshifhinganyana, zwi sa vhonali ndi zwa tshoṱhe.
Ṱhaluso dzi re magumoni a siaṱari
^ Kana “o fukedzwa nga labi.”
^ Sedzani Mutevhe Wa Ṱhalutshedzo Ya Maipfi.
^ Kana khamusi, “fhedzi a ri fhulufhuwi.”
^ Thevhedz., “wiselwa fhasi.”
^ Kana “fhedzi a ri lovhi.”
^ Kana “mulingo.”
