Vhurifhi Ha Vhuraru Yohane 1:1-14
1 Nṋe munna muhulwane, ndi ṅwalela Gayo a funwaho, ane nda mu funa vhukuma.
2 Iwe a funwaho, ndi rabela uri u dzule u na mutakalo wavhuḓi na uri zwithu zwi bvele phanḓa zwi tshi u tshimbilela zwavhuḓi.
3 Ndo takala nga maanḓa musi vhahashu vha tshi mmbudza uri u tshee wo farelela kha ngoho, samusi u tshi bvela phanḓa u tshi tshimbila ngohoni.+
4 A hu na zwi ntakadzaho u fana na musi ndi tshi pfa uri vhananga vha khou bvela phanḓa vha tshi tshimbila ngohoni.+
5 Iwe a funwaho, wo sumbedza uri u a fhulufhedzea nga zwe wa zwi itela vhahashu, naho u sa vha ḓivhi.+
6 Vho vhudza tshivhidzo uri iwe u na lufuno. Musi vha tshi ṱuwa u vha thuse nga nḓila ine ya ḓo takadza Mudzimu.+
7 Ngauri vho ya u huwelela vha tshi itela dzina ḽa Mudzimu, vha si dzhie tshithu+ kha vha dzitshaka.
8 Ndi ngazwo ri tshi tea u ṱanganedza vho raloho,+ uri ri shume roṱhe kha u ḓivhadza ngoho.+
9 Hu na zwe nda ṅwalela tshivhidzo, fhedzi Diotirefe ha ṱhonifhi zwine ra zwi amba, ngauri u funa vhuimo ha nṱha tshivhidzoni.+
10 Ndi ngazwo ndi tshi ḓo mu humbudza mishumo yawe musi ndi tshi ḓa, ngauri u dzula a tshi amba mazwifhi nga ha riṋe.+ Zwiṅwe hafhu, ha ṱhonifhi na u ṱanganedza vhahashu;+ u lingedza u thivhela na u pandela tshivhidzoni vhane vha ṱoḓa u vha ṱanganedza.
11 Iwe a funwaho, u songo edzisa vhuvhi, u edzise zwo lugaho.+ Ane a ita zwo lugaho u bva kha Mudzimu.+ Ane a ita vhuvhi ho ngo vhona Mudzimu.+
12 Vhahashu vhoṱhe vho amba zwithu zwavhuḓi nga ha Demetrio na uri u tshila u tendelana na ngoho. Na riṋe ri amba zwithu zwavhuḓi nga hae, ni a zwi ḓivha uri ri amba ngoho.
13 Hu na zwinzhi zwine nda nga u ṅwalela, fhedzi a thi ṱoḓi u zwi ṅwala.
14 Ndi fhulufhela uri ndi ḓo u vhona hu si kale, ra amba ro sedzana.
Ngavhe u tshi vha na mulalo.
Khonani dzi a u lumelisa. U lumelise khonani dzanga dzoṱhe.
