Maḽeaxi 4:1-6
4 “Ḓuvha ḽi khou ḓa, ḽine ḽa fhisa sa ṋanḓo,+ ḽine vhoṱhe vhane vha ḓihudza na vhane vha ita vhuvhi vha ḓo fhiswa sa maṱanga. Ḓuvha ḽine ḽa khou ḓa ḽi ḓo vha fhedza,” u ralo Yehova wa mavhuthu, “a hu nga sali mudzi kana tavhi.
2 Fhedzi ḓuvha ḽa zwivhuya ḽi ḓo penyela inwi ni hulisaho* dzina ḽanga, ḽeneḽo ḓuvha ḽi na masana ane a fhodza; ni ḓo fhufha-fhufha sa ṋamana dzo nonaho.”
3 “Ni ḓo kandekanya vhavhi, ngauri vha ḓo tou nga buse fhasi ha milenzhe yaṋu nga ḓuvha ḽine nda ḓo dzhia ngaḽo vhukando,” u ralo Yehova wa mavhuthu.
4 “Ni songo hangwa Mulayo wa mushumeli wanga Mushe, ndaela na khaṱhulo dze nda vhudza Vhaisiraele vhoṱhe uri vha dzi tevhedze ngei Horebe.+
5 “Ndi khou ruma muporofita Elia+ kha inwi musi ḓuvha ḽihulu na ḽi ofhisaho ḽa Yehova ḽi sa athu u ḓa.+
6 U ḓo ita uri mbilu dza vhokhotsi dzi nge dza vhana,+ na mbilu dza vhana dzi nge dza vhokhotsi, uri ndi si ḓe nda ṱhasela ḽifhasi, nda ḽi fhelisa.”
Ṱhaluso dzi re magumoni a siaṱari
^ Thevhedz., “ofhaho.”
