Vhahaṱuli 5:1-31
5 Nga ḽeneḽo ḓuvha Debora+ na Baraka+ murwa wa Abinoamu vha imba holwu luimbo+ vha ri:
2 “Nga nṱhani ha mavhudzi a songo vhofhiwaho* ngei Isiraele,Ngauri vhathu vho ḓiimisela u lwa nga u ḓifunela,+Rendani Yehova!
3 Thetshelesani inwi mahosi! Thetshelesani inwi vhavhusi!
Ndi ḓo imbela Yehova.
Ndi ḓo imbela Yehova thendo,+ Mudzimu wa Isiraele.+
4 Yehova, musi u tshi bva Seiri,+Musi u tshi bva shangoni ḽa Edomo,Ḽifhasi ḽo dzinginyea, ḽiṱaḓulu ḽa nisa mvula,Makole a shulula maḓi.
5 Thavha dzo wa* phanḓa ha Yehova,+Na Thavha ya Sinai yo wa phanḓa ha Yehova,+ Mudzimu wa Isiraele.+
6 Misini ya Shamugara+ murwa wa Anatha,Misini ya Yaele,+ vho vha vha si tsha tshimbila nga nḓila khulwane;Vhatshimbili* vho vha vha tshi fara dziṅwe nḓila.
7 Ho vha hu si tshee na vhane vha dzula mahayani ngei Isiraele;Ha vhuya ha swika nṋe Debora,+U swika ndi tshi vha hone sa mme uri ndi thuse Vhaisiraele.+
8 Vho nanga midzimu miswa;+Ha vha na nndwa dzikhoroni.+
Hu si tsha vhonala tshiṱangu kana pfumo,Kha vha 40 000 ngei Isiraele.
9 Mbilu yanga i ima na vhalangammbi vha Isiraele,+Vhe vha ṱuwa na vhathu nga u ḓifunela.+
Rendani Yehova!
10 Inwi no ṋamelaho donngi dza muvhala wa ṱaḓa,No dzulaho kha zwa u adza fhasi zwi ḓuraho,Ni tshimbilaho nḓilani,Elekanyani!
11 Hu pfala maipfi a vhaki vha maḓi zwisimani;Henefho vho vha vha tshi khou amba nga mishumo mivhuya ya Yehova,Mishumo mivhuya ya vhane vha dzula mahayani ngei Isiraele.
Vhathu vha Yehova vho tsela dzikhoroni.
12 Vuwa, vuwa, iwe Debora!+
Vuwa, vuwa, u imbe luimbo!+
Takuwa, Baraka!+ U range phanḓa mathubwa au, iwe murwa wa Abinoamu!
13 Ngauralo, vho salaho vha tsela fhasi kha vharangaphanḓa;Vhathu vha Yehova vho tsela kha nṋe uri vha lwe na vha maanḓa.
14 Vho vha vha tshi bva Efuraimi, ngei govhani;Vho u tevhela, iwe Benyamini, vhukati ha vhathu vhau.
Vhalangammbi vho tsa vha tshi bva Maxiri,+Sebuloni ha bva vho hwalaho thundu ya muṅwaleli.
15 Vhakololo vha Isashari vho vha vhe na Debora,Isashari a edzisa Baraka.+
O ya govhani nga milenzhe.+
Miṱa ya lushaka lwa Rubeni yo vha i tshi khou timatima.
16 Ndi ngani no dzula vhukati ha mihwalo mivhili,Ni tshi thetshelesa miludzi ine vha i lidzela masambi avho?+
Ngauri miṱa ya lushaka lwa Rubeni yo vha i tshi khou timatima.
17 Giḽiada ḽo dzula ḽi seli ha Yorodane;+Ndi ngani Dani o dzula na zwikepe?+
Ashere o sokou ḓidzulela khunzi-khunzini ya lwanzhe,O ḓidzulela vhuimazwikepe hawe.+
18 Vhathu vha Sebuloni vho vhea vhutshilo havho khomboni lwe vha ṱoḓou fa;Na Nafutali o ita nga u ralo+ zwikwarani.+
19 Mahosi o ḓa a lwa;Mahosi a Kanana o lwa+Ngei Thaanake maḓini a Megido.+
A vho ngo dzhia siḽiva.+
20 Ṋaledzi dzo lwa dzi ṱaḓulu;Dzo lwa na Sisera dzi nḓilani dzadzo.
21 Mukumbela* wa Kishoni wo vha kumba,+Mukumbela* wa kale, mukumbela* wa Kishoni.
Iwe wo kandekanya vha maanḓa.
22 Khwanḓa dza bere dzo kandekanyaNgeno bere dzawe dzi tshi khou gidima dzo sinyuwa.+
23 Muruṅwa wa Yehova o ri: ‘Semani Merosi,’HS-.2‘Semani vhadzulapo vhawo,Ngauri a vho ngo ḓa vha lwela Yehova,A vho ngo lwela Yehova vhe na vha maanḓa.’
24 Mufumakadzi o fhaṱutshedzwaho ndi Yaele+Mufumakadzi wa Hebere+ wa Mukeni;Ndi ene o fhaṱutshedzwaho kha vhafumakadzi vha dzulaho madenndeni.
25 Sisera o humbela maḓi; a mu ṋea mafhi.
O mu ṋea mafhi o kheṱhaho nga tshigoḓelo tshavhuḓi.+
26 A fara tsimbi ya u ṱoma dennde,Tshanḓa tshawe tsha uḽa tsha fara hamula.
A ombela Sisera, a kwasha ṱhoho yawe,A i kwasha a phula khumba-khumbane* yawe.+
27 Sisera a wela fhasi milenzheni yawe;A wela fhasi milenzheni yawe;He a wela hone, a fela henefho.
28 Mufumakadzi a ṱodzimela nga fasiṱere,Mme a Sisera a ṱodzimela nnḓa nga fasiṱere,‘Ndi ngani gariki ya nndwa i tshi khou lenga u vhuya?
Ndi ngani mitsindo ya bere dza gariki dzawe i tshi khou lenga?’+
29 Vhafumakadzi vho ṱalifhaho vha ḓo mu fhindula;Na ene u ḓo dovha a ḓivhudza u ri:
30 ‘Vha nga vha vha tshi khou kovhelana zwe vha thuba,Muhali muṅwe na muṅwe u wana musidzana muthihi kana vhavhili,Vha khou kovhela Sisera malabi o daiwaho, vha khou mu kovhela malabi o khavhiswaho,Tshiambaro tsho khavhiswaho, labi ḽo daiwaho, zwiambaro zwivhili zwo khavhiswahoZwa u ambariwa nga vhe vha vha thuba.’
31 Yehova, maswina au oṱhe nga a fe,+Fhedzi vhane vha u funa nga vha nge ḓuvha ḽi tshi ṱavha ḽi na vhugala.”
Shango ḽa lala lwa miṅwaha ya 40.+
Ṱhaluso dzi re magumoni a siaṱari
^ Kana “vhahali vha songo vhofhaho mavhudzi.”
^ Kana khamusi, “dzinginyea.”
^ Kana “Vhaendi.”
^ Kana “Mulambwana.”
^ Kana “mulambwana.”
^ Kana “Mulambwana.”
^ Kana “ṱhoho.”
