Amosi 1:1-15
1 Amosi* we a vha e muṅwe wa vhafuwi vha nngu vha ngei Thekoa,+ o vhona bono nga ha zwe zwa vha zwi tshi ḓo itea kha Isiraele misini ya Khosi Usia+ wa Yuda na misini ya khosi ya Isiraele, Yerobeamu+ ane a vha murwa wa Yoasi,+ miṅwaha mivhili hu sa athu u vha na mudzinginyo.+
2 O ri:
“Yehova u ḓo vhomba e Tsioni,U ḓo ṱavha mukosi e Yerusalema.
Mafulo a vhalisa a ḓo ṱungufhala,Na thavha ya Karamele i ḓo oma.”+
3 “Yehova u ri,‘“Ngauri Vhadamaseko vha na milandu minzhi-minzhi, a thi nga litshi u vha haṱula,Ngauri vho fara Giḽiada lwa tshiṱuhu.*+
4 Ndi ḓo fhisa nnḓu ya Hasaele,+Na mitsheṱo yo khwaṱhaho ya Benihadada.+
5 Ndi ḓo vunḓa thanda dza Damaseko;+Nda fhelisa vhadzulapo vha Bikathi-aveneNa ane a vhusa* ngei Bethe-edeni;Vhathu vha Siria vha ḓo ya vhuthubwani ngei Kiri,”+ u ralo Yehova.’
6 Yehova u ri,‘“Ngauri Vhagaza+ vha na milandu minzhi-minzhi, a thi nga litshi u vha haṱula,Ngauri vho thuba tshigwada tsha vhathu+ vha tshi ṋea Edomo.
7 Ndi ḓo fhisa mbondo dza Gaza,+Na mitsheṱo yawe yo khwaṱhaho.
8 Ndi ḓo fhelisa vhadzulapo vha Asidodo,+Na ane a vhusa* ngei Asikaloni;+Ndi ḓo lwa na Ekironi,+Vhafilisita vho salaho vha ḓo fheliswa,”+ u ralo Yehova Murena Muvhusahoṱhe.’
9 Yehova u ri,‘Ngauri Vhatiro+ vha na milandu minzhi-minzhi, a thi nga litshi u vha haṱula,Ngauri vho thuba tshigwada tsha vhathu vha tshi ṋea Edomo,Na ngauri vho hangwa mulanga we vha u vhofha na vhahavho.+
10 Ndi ḓo fhisa mbondo dza Tiro,Na mitsheṱo yawe yo khwaṱhaho.’+
11 Yehova u ri,‘Ngauri Edomo+ u na milandu minzhi-minzhi, a thi nga litshi u mu haṱula,Ngauri o pandamedza wahawe nga banga,+A hana u mu khathutshela;U dzula a tshi vha ṱhukhukanya o sinyuwa,U dzula o vha sinyutshela.+
12 Ndi ḓo fhisa Themani,+Na mitsheṱo yo khwaṱhaho ya Bosira.’+
13 Yehova u ri,‘“Ngauri Vhaamoni+ vha na milandu minzhi-minzhi, a thi nga litshi u vha haṱula,Ngauri vho fhandula vhafumakadzi vho vhifhaho muvhilini vha Giḽiada vha tshi itela u engedza shango ḽavho.+
14 Ndi ḓo fhisa mbondo dza Raba,+Na mitsheṱo yawe yo khwaṱhaho,Hu tshi ṱavhiwa mikosi nga ḓuvha ḽa nndwa,Hu na muya nga ḓuvha ḽa ḓumbu.
15 Khosi yavho na vhakololo vhayo vha ḓo iswa vhuthubwani,”+ u ralo Yehova.’
Ṱhaluso dzi re magumoni a siaṱari
^ Zwine zwa amba uri “U Vha Muhwalo” kana “U Hwala Muhwalo.”
^ Thevhedz., “vho fhula Giḽiada nga tshiḽei tsha tsimbi.”
^ Thevhedz., “a fara lubaḓa.”
^ Thevhedz., “a fara lubaḓa.”
