Amosi 2:1-16
2 “Yehova u ri,‘“Ngauri Moaba+ u na milandu minzhi-minzhi, a thi nga litshi u mu haṱula,Ngauri o fhisa marambo a khosi ya Edomo uri a wane miḽora.
2 Ndi ḓo fhisa Moaba,Na mitsheṱo yo khwaṱhaho ya Keriothe;+Moaba u ḓo fa hu na bonyongo,Hu na mukosi wa nndwa, hu tshi khou lidzwa luṋanga.+
3 Ndi ḓo ita uri a si tsha vha na muvhusi*Nda mu vhulaya na vhakololo vhawe vhoṱhe,”+ u ralo Yehova.’
4 Yehova u ri,‘Ngauri Vhayuda+ vha na milandu minzhi-minzhi, a thi nga litshi u vha haṱula,Ngauri vho landula mulayo* wa Yehova,A vho ngo tevhedza maitele awe;+Vho xedzwa nga mazwifhi e vhomakhulukuku wavho vha a tevhedza.+
5 Ndi ḓo fhisa Yuda,Na mitsheṱo yo khwaṱhaho ya Yerusalema.’+
6 Yehova u ri,‘Ngauri Vhaisiraele+ vha na milandu minzhi-minzhi, a thi nga litshi u vha haṱula,Ngauri vha rengisa o lugaho uri vha wane siḽiva,Na mushai uri vha wane thovho.*+
7 Vha kandekanya vha vhuimo ha fhasi,+Vha thivha nḓila ya vho vuḓaho.+
Khotsi na ṅwana vha ita zwa vhudzekani na musidzana muthihi,Vha tshi tshikafhadza dzina ḽanga ḽikhethwa.
8 Vha adza zwiambaro zwa vhane vha vha koloda+ tsini na aḽeṱare dzoṱhe;+Na waini ine vha inwa nḓuni* ya midzimu yavho vho i renga nga tshelede ya vhathu vhe vha vha lifhisa.’
9 ‘Fhedzi ndi nṋe we nda fhelisa Vhaamori ndi tshi itela vhathu vhanga,+Vhenevho Vhaamori vho vha vho lapfa sa miri ya miṱaululo, vho khwaṱha* sa miri ya miouku;Vha tshi nga muri, nṋe nda tshinyadza mitshelo na midzi yawo.+
10 Ndo ni bvisa shangoni ḽa Egipita,+Nda ita uri ni tshimbile sogani miṅwaha ya 40,+Uri ni dzhie shango ḽa Vhaamori.
11 Ndo ita uri vhaṅwe vha vharwa vhaṋu vha vhe vhaporofita+Vhaṅwe vha vhaṱhannga vhaṋu vha vhe Vhanazari.+
Kani a si zwone, inwi vhathu vha Isiraele?’ u ralo Yehova.
12 ‘Fhedzi no dzula ni tshi ṋea Vhanazari waini,+Na vhudza vhaporofita na ri: “Ni songo porofita.”+
13 Ndi ḓo ni kwashekanya ni hune na dzula hone,U fana na gariki yo hwalaho thoro dzo fhuliwaho i tshi kwashekanya zwi re nga fhasi hayo.
14 Ane a kona u gidima ha nga vhi na hune a ḓo shavhela hone,+A re na maanḓa ha tsha ḓo vha na maanḓa,A hu na muhali ane a ḓo ponyoka.
15 O faraho misevhe u ḓo kundwa nndwani,Ane a kona u gidima ha nga koni u shavha,Na muṋameli wa bere ha nga ponyoki.
16 Na muhali wa vhahaliU ḓo shavha e fhedzi nga ḽeneḽo ḓuvha,’+ u ralo Yehova.”
Ṱhaluso dzi re magumoni a siaṱari
^ Thevhedz., “muhaṱuli.”
^ Kana “ndayo.”
^ Kana “phashane, navhula.”
^ Kana “thembeleni.”
^ Kana “vha na maanḓa.”
