Amosi 4:1-13
4 “Thetshelesani hezwi, inwi vhafumakadzi ni dzulaho thavhani ya Samaria,+Inwi ni ngaho kholomo dza Bashani,Ni fhura vha vhuimo ha fhasi+ na u pfisa vhuṱungu vhashai,Ni amba na vhanna* vhaṋu na ri, ‘Ri ḓiseleni zwa u nwa!’
2 Samusi Yehova Murena Muvhusahoṱhe e mukhethwa, o ana a ri:
‘“Hu khou ḓa maḓuvha ane nda ḓo ni imisela nṱha nga huka dza ṋamaVho salaho nda vha imisela nṱha nga tshihuka.
3 Ni ḓo bva nga buli ḽi re kha luvhondo, muṅwe na muṅwe o sedza phanḓa;Ni ḓo laṱelwa Harimoni,” u ralo Yehova.’
4 ‘Iḓani Bethele ni ite vhutshinyi,*+Iḓani Giligala ni tou ṋaṋa u tshinya!+
Ni ḓise zwiṱhavhelo zwaṋu nga matsheloni,+Ni bvise tshafumi+ nga ḓuvha ḽa vhuraru.
5 Ni fhise tshiṱhavhelo tsha u livhuwa tsha vhurotho vhu re na mbiliso;+Ni huwelele uri ni khou ṋekedza zwifhiwa zwa u ḓifunela!
Ngauri inwi vhathu vha Isiraele, ni funesa u ita zwenezwo,’ u ralo Yehova Murena Muvhusahoṱhe.
6 ‘Ndo ita uri miḓini yaṋu yoṱhe hu si tsha vha na zwiḽiwaNa nḓuni dzaṋu dzoṱhe hu si tsha vha na vhurotho;+Fhedzi a no ngo vhuyelela kha nṋe,’+ u ralo Yehova.
7 ‘Ndo ita uri mvula i sa ne lwa miṅwedzi miraru hu sa athu u kaṋiwa;+Ndo nisela muṅwe muḓi mvula, muṅwe ndi si u nisele.
Iṅwe tsimu yo niselwa mvula,Iṅwe tsimu ya oma ngauri a yo ngo nelwa nga mvula.
8 Vhathu vha miḓi mivhili kana miraru vho pepeleka vha tshi ya u nwa maḓi kha muṅwe muḓi,+Vho vha vha sa pfeledzi;*Naho zwo ralo, a no ngo vhuyelela kha nṋe,’+ u ralo Yehova.
9 ‘Ndo ni ḓisela mufhiso na muunda.+
No engedza tsimu dzaṋu na minḓirivhe,Fhedzi nzie dzo ḽa mihuyu na miṱwari yaṋu;+Naho zwo ralo, a no ngo vhuyelela kha nṋe,’+ u ralo Yehova.
10 ‘Ndo ni ḓisela malwadze u fana na Egipita.+
Nda vhulaya vhaṱhannga vhaṋu nga banga+ na u dzhia bere dzaṋu.+
Nda ita uri munukho u re gammbani dzaṋu u ni nukhele;+Fhedzi a no ngo vhuyelela kha nṋe,’ u ralo Yehova.
11 ‘Ndo tshinyadza shango ḽaṋuU fana na musi ndi tshi tshinyadza shango ḽa Sodoma na Gomora.+
No vha ni tshi nga luhuni lwo bviswaho muliloni;Fhedzi a no ngo vhuyelela kha nṋe,’+ u ralo Yehova.
12 Iwe Isiraele, ndi ḓo dovha nda u pfisa vhuṱungu.
Iwe Isiraele, ḓilugiselele u ṱangana na Mudzimu wau,Ngauri ndi ḓo u pfisa vhuṱungu.
13 Ndi Nṋe ndo sikaho thavha+ na muya;+Ndi vhudza munna zwine Nda humbula,Ndi shandula tshedza tsha vha swiswi,+Ndi tshimbila nṱha ha thavha;+Ndi nṋe Yehova Mudzimu wa mavhuthu.”
