Amosi 6:1-14
6 “Khombo i ḓo wela vhane vha ḓifhulufhela vha re ngei Tsioni,Vhane vha ḓipfa vho tsireledzea thavhani ya Samaria,+Vhenevho ndi vharangaphanḓa vha tshaka dzi re na maanḓa,Vha nnḓu ya Isiraele vha ḓitika ngavho!
2 Iyani Kaline ni vhone.
Ni tshi bva henefho ni ye muḓini Muhulu wa Hamathi,+Ni tsele na muḓini wa Gathi wa Vhafilisita.
Naa yeneyi miḓi i fhira yeneyi mivhuso,*Kana shango ḽayo ḽi fhira ḽaṋu?
3 Naa ni khou hangwa ḓuvha ḽa khombo+Na sendedza tsini vhathu vha re na khakhathi?+
4 Vha eḓela nṱha ha mimbete yo khavhiswaho nga maṋanga a nḓou+ na u ganama nṱha ha masofa,+Vha tshi ḽa thutha na zwiṋamana* zwo nonaho;+
5 Vha ḓiṅwalela luimbo lwa u lidza nga haripa,*+Vha ḓiitela zwilidzo u fana na Davida;+
6 Vha nwa waini nga tshigoḓelo+Vha ḓiḓodza mapfura avhuḓi.
Fhedzi a vha na ndavha na khombo yo welaho Yosefa.+
7 Vha ḓo vha vha u thoma kha vhane vha ḓo iswa vhuthubwani,+Na tshimima tsha vho ḓigeḓaho tshi ḓo fhela.
8 ‘Yehova Murena Muvhusahoṱhe o ana nga dzina ḽawe,’+ u ralo Yehova Mudzimu wa mavhuthu,‘“U ḓihudza ha Yakobo hu a nnengisa,+Ndi vhenga na mitsheṱo yawe yo khwaṱhaho,+Ndi ḓo kumedzela wonoyo muḓi na zwi re khawo kha swina.+
9 “‘“Arali ha sala vhanna vha fumi nḓuni nthihi, na vhenevho vha ḓo fa.
10 Hu ḓo ḓa shaka ḽa vha hwala ḽa vha fhisa nga muthihi nga muthihi. Ḽi ḓo bvisa marambo avho nḓuni; ḽa amba na a re kamarani ḽa ri, ‘Hu tshee na vho salaho?’ Ene u ḓo ri, ‘A hu tshee na!’ Ḽeneḽo shaka ḽi ḓo ri, ‘Fhumulani! Ngauri a si tshifhinga tsha u amba nga ha dzina ḽa Yehova.’”
11 Musi Yehova a tshi amba,+Nnḓu khulwane dzi ḓo wiswa dza vha maḓinga,Nnḓu ṱhukhu dza vha thulwi ya zwidina.+
12 Naa bere dzi nga gidima matomboni,Kana muthu a nga lima henefho nga kholomo?
Ni vho ita uri nḓila yo teaho ya u haṱula i nge tshimela tshi vhulayaho,Na ita uri zwine zwa bveledzwa nga zwivhuya zwi kalakate.*+
13 Ni takalela zwi si na mushumo,Na ri, “Naa a ro ngo vha na maanḓa nga nungo dzashu?”+
14 Nga nṱhani ha zwenezwo, inwi vha nnḓu ya Isiraele, ndi ḓo ni ḓisela lushaka lune lwa ḓo lwa na inwi,’+ u ralo Yehova Mudzimu wa mavhuthu,‘Lu ḓo ni tsikeledza u bva ngei Lebo-hamathi*+ u swika Muedzini wa Araba.’”
Ṱhaluso dzi re magumoni a siaṱari
^ Zwi khagala uri hu khou ambelwa kha muvhuso wa Yuda na wa Isiraele.
^ Kana “mbohwana.”
^ Kana “tshilidzo tshi re na ṱhale.”
^ Kana “vhavhe.”
^ Kana “khoroni ya Hamathi.”
