Amosi 7:1-17
7 Hezwi ndi zwe Yehova Murena Muvhusahoṱhe a ntsumbedza zwone: O ita uri hu vhe na guma ḽa nzie musi zwimela zwa vhuria* zwi tshi thoma u mela. Zwenezwi ndi zwimela zwe zwa ṱavhiwa musi ho no haḓiwa hatsi ha khosi.
2 Musi guma ḽa nzie ḽo no fhedza zwimela zwoṱhe zwi re kha ḽeneḽo shango, ndo ri: “Iwe Yehova Murena Muvhusahoṱhe, vha hangwele!+ Yakobo a nga si kone u zwi konḓelela hezwi. Ngauri ha na nungo!”+
3 Yehova a shandula muhumbulo.+ Yehova a ri, “A thi nga zwi iti.”
4 Hezwi ndi zwe Yehova Murena Muvhusahoṱhe a ntsumbedza zwone: Yehova Murena Muvhusahoṱhe o pfisa vhathu vhawe vhuṱungu nga mulilo. Wo fhisa lwe lwanzhe lwa xa, wa fhisa na shango.
5 Nda ri: “Iwe Yehova Murena Muvhusahoṱhe, litsha u ita zwenezwi.+ Yakobo a nga si kone u zwi konḓelela hezwi. Ngauri ha na nungo!”+
6 Yehova a shandula muhumbulo.+ Yehova Murena Muvhusahoṱhe a ri, “Na zwenezwo a thi nga zwi iti.”
7 Hezwi ndi zwe a ntsumbedza zwone: Yehova o vha o ima tsini na luvhondo lwo fhaṱiwaho hu tshi shumiswa tshishumiswa tsha u kala tshi re na luṱale, o fara tshishumiswa tsha u kala tshi re na luṱale.
8 Yehova a mmbudzisa a ri: “U khou vhona mini Amosi?” Nṋe nda ri: “Tshishumiswa tsha u kala tshi re na luṱale.” Yehova a ri: “Ndi khou kala vhathu vhanga vha Isiraele nga tsha u kala tshi re na luṱale. A thi tsha ḓo vha hangwela.+
9 Ndi ḓo tshinyadza fhethu ha vhurabeli ha Isaka,+ nnḓu khethwa dza Isiraele ndi ḓo dzi fhelisa;+ nda lwa na vha nnḓu ya Yerobeamu nga banga.”+
10 Amatsia tshifhe wa Bethele+ a rumela mulaedza kha Khosi Yerobeamu+ wa Isiraele, a ri: “Amosi u khou u itela vhukwila e ngei Isiraele.+ Vhathu a vha tsha kona u konḓelela zwine Amosi a khou amba.+
11 Ngauri Amosi u ri, ‘Yerobeamu u ḓo vhulawa nga banga, Isiraele u ḓo bviswa shangoni ḽawe a iswa vhuthubwani.’”+
12 Amatsia a amba na Amosi a ri: “Iwe muvhoni, ṱuwa u shavhele shangoni ḽa Yuda, u ḽe vhurotho hau, u porofite u henengei.+
13 Fhedzi u songo tsha porofita Bethele,+ ngauri ndi nnḓu khethwa ya khosi+ na nnḓu ya muvhuso.”
14 Amosi a fhindula Amatsia a ri: “Ndo vha ndi si muporofita kana ṅwana wa muporofita; ndo vha ndi mulisa,+ ndi tshi ṱhogomela mihuyu.*
15 Yehova a nnditshisa u lisa sambi, Yehova a amba na nṋe a ri, ‘Tshimbila u porofitele vhathu vhanga vha Isiraele.’+
16 Zwino ipfa zwine Yehova a amba: ‘Iwe u ri, “U songo porofita nga ha Isiraele,+ u songo huwelela+ nga ha vha nnḓu ya Isaka.”
17 Zwe Yehova a amba ndi hezwi: “Mufumakadzi wau u ḓo rengisa muvhili muḓini, vharwa vhau na vhananyana vhau vha ḓo vhulawa nga banga. Shango ḽau ḽi ḓo kovhekanywa nga Iuṱale, iwe u ḓo fela shangoni ḽo tshikafhalaho; Isiraele u ḓo bviswa shangoni ḽawe a iswa vhuthubwani.”’”+
Ṱhaluso dzi re magumoni a siaṱari
^ Ndi nga ṅwedzi wa January na wa February.
^ Kana “ndi tshi tshea mahuyu uri a ṱavhanye u vhibva.”
