Amosi 8:1-14
8 Yehova Murena Muvhusahoṱhe o ntsumbedza hezwi: Ndo vhona manngi u re na mitshelo ya tshilimo.
2 A ri, “Amosi u khou vhona mini?” Nda ri, “Manngi u re na mitshelo ya tshilimo.” Yehova a amba na nṋe a ri: “Tshifhinga tsha uri hu fheliswe vhathu vhanga vha Isiraele tsho swika. Ndi nga si vha hangwele.+
3 ‘Nga ḽeneḽo ḓuvha, nyimbo dzine dza imbiwa thembeleni dzi ḓo vha zwililo,’+ u ralo Yehova Murena Muvhusahoṱhe. ‘Hu ḓo vha na zwitumbu zwinzhi zwo laṱwaho huṅwe na huṅwe,+ hu si tsha pfala phosho!’
4 Ipfani hezwi, inwi vhane na kandekanya vhashaiNa u fhelisa vho vuḓaho kha shango,+
5 Inwi vhane na ri, ‘Vhuṱambo ha ṅwedzi muswa vhu ḓo fhela lini,+ uri ri kone u rengisa thoro yashu,Savhatha+ i fhela lini, ri kone u rengisa thoro?
Uri ri kone u fhungudza tshikalo tsha efa*Na u engedza tshileme tsha shekele,*Uri ri kone u fhura nga zwikalo zwashu;+
6 Uri ri kone u renga ane a tambula nga siḽivaMushai ri mu renge nga thovho,*+Na u rengisa thoro i si yavhuḓi.’
7 Yehova o ana nga Vhugala ha Yakobo,+‘Ndi nga si vhuye nda hangwa mishumo yavho yoṱhe.+
8 Nga nṱhani ha zwenezwi, shango* ḽi ḓo tetemela,Vhoṱhe vha dzulaho khaḽo vha ḓo ṱungufhala.+
Naa shango ḽi nga si ḓale ḽoṱhe sa Mulambo wa Nili,Na u halifha sa Mulambo wa Nili wa ngei Egipita musi wo ḓala?’+
9 Yehova Murena Muvhusahoṱhe u ri, ‘Nga ḽeneḽo ḓuvha,Ndi ḓo ita uri ḓuvha ḽi kovhele nga masiari,Nda ita uri nga ḓuvha ḽa tshedza hu swifhale shangoni.+
10 Ndi ḓo ita uri vhuṱambo haṋu vhu vhe ha zwililo+Na nyimbo dzaṋu dzi vhe zwililo.
Ndi ḓo ita uri vhathu vhoṱhe vha ambare madzanganda na ṱhoho dzoṱhe dzi vheulwe;Ndi ḓo ita uri tshi nge tshililo tsha u felwa nga murwa muthihi fhedzi,Zwa fhela nga nḓila i vhavhaho.’
11 Yehova Murena Muvhusahoṱhe u ri, ‘Hu khou ḓa maḓuvha,Ane ngao nda ḓo ita uri shangoni hu vhe na nḓala,Hu si nḓala ya zwiḽiwa* kana ḓora ḽa u ṱoḓa maḓi,Ndi nḓala ya u ṱoḓa u pfa zwine Yehova a amba.+
12 Vha ḓo pepeleka u bva kha luṅwe lwanzhe u ya kha luṅweVha ḓo bva devhula vha ya vhubvaḓuvha.
Vha ḓo ṱoḓa ipfi ḽa Yehova, fhedzi a vha nga ḽi wani.
13 Nga ḽeneḽo ḓuvha, vhasidzana* vha lunako vha ḓo ṋoka,Na vhaṱhannga vha ḓo ṋoka nga ḓora;
14 Vhane vha ana nga tshivhi tsha Samaria+ na u amba uri,“Ri ana nga mudzimu wau a tshilaho, Iwe Dani!”+
Na uri, “Ri ana nga nḓila ya Beresaba!”+
Vha ḓo wa, vha si tsha dovha vha vuwa.’”+
Ṱhaluso dzi re magumoni a siaṱari
^ Sedzani Ṱhume. B14.
^ Sedzani Ṱhume. B14.
^ Kana “phashane, navhula.”
^ Kana “ḽifhasi.”
^ Thevhedz., “vhurotho.”
