Dotoronomio 27:1-26
27 Mushe khathihi na vhahulwane vha Isiraele vha ima phanḓa ha vhathu. Mushe a ri: “Ni tevhedze ndaela iṅwe na iṅwe ine nda khou ni ṋea yone ṋamusi.
2 Musi ni tshi wela Yorodane na dzhena shangoni ḽine Yehova Mudzimu waṋu a khou ni ṋea ḽone, ni ṱhophe matombo mahulwane ni a pennde.*+
3 Ni ṅwale khao maipfi oṱhe a wonoyu Mulayo musi no no wetshela seli uri ni kone u dzhena shangoni ḽine Yehova Mudzimu waṋu a khou ni ṋea ḽone, shango ḽi elelaho mafhi na mutoli, sa zwe Yehova Mudzimu wa vhomakhulukuku waṋu a ni fhulufhedzisa.+
4 Musi no no wela Yorodane, ni ṱhophe enea matombo Thavhani ya Ebali+ ni a pennde,* samusi ndi tshi khou ni laya ṋamusi.
5 Henefho ni dovhe ni fhaṱele Yehova Mudzimu waṋu aḽeṱare, aḽeṱare ya matombo. Ni songo a vhaḓa nga tsimbi.+
6 Ni fhaṱe aḽeṱare ya Yehova Mudzimu waṋu nga matombo a songo vhaḓwaho, ni ṋekedze Yehova Mudzimu waṋu zwifhiwa zwa u fhiswa khayo.
7 Ni ṋekedze zwiṱhavhelo zwa u pfumedzana,+ ni zwi ḽele henefho,+ ni ḓo takala phanḓa ha Yehova Mudzimu waṋu.+
8 Ni ṅwale zwavhuḓi kha eneo matombo maipfi oṱhe a wonoyu Mulayo.”+
9 Mushe na vhotshifhe vha Vhalevi vha amba na Vhaisiraele vhoṱhe vha ri: “Fhumulani ni thetshelese, inwi Vhaisiraele. Ṋamusi ni vhathu vha Yehova Mudzimu waṋu.+
10 Ni thetshelese Yehova Mudzimu waṋu ni tevhedze ndaela dzawe na maitele awe,+ zwine nda khou ni laya ṋamusi.”
11 Nga ḽeneḽo ḓuvha Mushe a laya vhathu a ri:
12 “Tshaka dzi tevhelaho dzi ḓo ima Thavhani ya Garitsimi+ u itela u fhaṱutshedza vhathu musi vho no wela Yorodane: Ndi lushaka lwa Simioni, lwa Levi, lwa Yuda, lwa Isashari, lwa Yosefa na lwa Benyamini.
13 Dzi tevhelaho dzi ḓo ima Thavhani ya Ebali+ u itela u amba samba: Lushaka lwa Rubeni, lwa Gada, lwa Ashere, lwa Sebuloni, lwa Dani na lwa Nafutali.
14 Vhalevi vha fhindule munna muṅwe na muṅwe wa Isiraele nga ipfi ḽihulu vha ri:+
15 “‘Nga hu semiwe muthu ane a ita tshifanyiso tsho vhaḓwaho+ kana tshifanyiso tsha tsimbi+ tshi nengisaho Yehova,+ tsho itwaho nga zwanḓa zwa mutsila, a tshi dzumba.’ (Vhathu vhoṱhe vha fhindule vha ri: ‘Amen!’*)
16 “‘Nga hu semiwe muthu ane a nyadza khotsi awe kana mme awe.’+ (Vhathu vhoṱhe vha fhindule vha ri: ‘Amen!’)
17 “‘Nga hu semiwe muthu ane a sudzulusa mukano wa muhura wawe.’+ (Vhathu vhoṱhe vha fhindule vha ri: ‘Amen!’)
18 “‘Nga hu semiwe muthu ane a pambusa nḓilani muthu a sa vhoni.’+ (Vhathu vhoṱhe vha fhindule vha ri: ‘Amen!’)
19 “‘Nga hu semiwe muthu ane a shanda mafhungo+ a mutsinda, a ṅwana a si na khotsi* kana a tshilikadzi, a tshi itela uri vha si haṱulwe nga nḓila yo teaho’+ (Vhathu vhoṱhe vha fhindule vha ri: ‘Amen!’)
20 “‘Nga hu semiwe muthu ane a lala na mufumakadzi wa khotsi awe, ngauri u nyadzisa khotsi awe.’+ (Vhathu vhoṱhe vha fhindule vha ri: ‘Amen!’)
21 “‘Nga hu semiwe muthu ane a lala na tshipuka naho tshi tshifhio.’+ (Vhathu vhoṱhe vha fhindule vha ri: ‘Amen!’)
22 “‘Nga hu semiwe muthu ane a lala na khaladzi awe, ṅwananyana wa khotsi awe kana ṅwananyana wa mme awe.’+ (Vhathu vhoṱhe vha fhindule vha ri: ‘Amen!’)
23 “‘Nga hu semiwe muthu ane a lala na mme a mufumakadzi wawe.’+ (Vhathu vhoṱhe vha fhindule vha ri: ‘Amen!’)
24 “‘Nga hu semiwe muthu ane a lalela muhura wawe a mu vhulaya.’+ (Vhathu vhoṱhe vha fhindule vha ri: ‘Amen!’)
25 “‘Nga hu semiwe muthu ane a ṱanganedza tshanḓanguvhoni u itela u vhulaya muthu a si na mulandu.’+ (Vhathu vhoṱhe vha fhindule vha ri: ‘Amen!’)
26 “‘Nga hu semiwe muthu a sa tevhedzi maipfi a hoyu Mulayo na u ita zwine wa zwi amba.’+ (Vhathu vhoṱhe vha fhindule vha ri: ‘Amen!’)
Ṱhaluso dzi re magumoni a siaṱari
^ Kana “ni a pennde nga galaga.”
^ Kana “ni a pennde nga galaga.”
^ Kana “Nga zwi ralo!”
^ Kana “tshisiwana.”
