Dotoronomio 33:1-29
33 Hedzi ndi phaṱhutshedzo dze Mushe, mushumeli wa Mudzimu wa ngoho, a fhaṱutshedza ngadzo Vhaisiraele musi a sa athu u fa.+
2 O ri:
“Yehova o ḓa a tshi bva Sinai,+O vha vhonetshela e Seiri.
O vhonala e kha vhugala dzinguni ḽa thavhani dza Pharani,+E na mavhuthu makhethwa a vharuṅwa* vhawe,+Kha tshanḓa tshawe tsha u ḽa e na vhahali vhawe.+
3 U a funa vhathu vhawe;+Vhakhethwa vhavho vhoṱhe vha tshanḓanitshau.+
Vho dzula milenzheni yau;+Vha tshi thetshelesa maipfi au.+
4 (Mushe o ri ṋea mulayo,+Une wa vha ifa ḽa vhaḓuhulu* vha Yakobo.)+
5 Mudzimu o vha khosi ya Yeshuruni,*+Musi vharangaphanḓa vha vhathu vha tshi kuvhangana,+Khathihi na tshaka dzoṱhe dza Isiraele.+
6 Rubeni nga a tshile, a songo fa,+Vhanna vhawe nga vha vhe vhanzhi.”+
7 A fhaṱutshedza Yuda a ri:+
“Iwe Yehova, thetshelesa ipfi ḽa Yuda,+U mu vhuyedzedze kha vhathu vhawe.
Zwanḓa zwawe zwo tsireledza zwi re zwawe,Mu thuse uri a lwe na maswina awe.”+
8 A tshi amba nga ha Levi o ri:+
“Thumimi yau* na Urimi+ yau ndi zwa munna ane a fhulufhedzea kha iwe,+We wa mu linga ngei Masaha.+
Wa thoma u lwa nae ngei maḓini a Meriba,+
9 Munna we a amba na khotsi awe na mme awe a ri: ‘A thi na ndavha navho.’
A si ṱhogomele vhahawe,+Ho ngo ima na vhana vhawe.
Ngauri vho tevhedza zwe wa amba,Vha sa pfuke mulanga wau.+
10 Nga vha funze Yakobo mahaṱulele au+Na Isiraele Mulayo wau.+
Vha u fhisele zwioro zwi nukhelele*+Vha fhise tshifhiwa tsho fhelelaho aḽeṱareni yau.+
11 Fhaṱutshedza nungo dzawe, iwe Yehova,Takalela zwine a zwi ita.
U vunḓe milenzhe* ya vhane vha lwa nae,Uri vhane vha mu vhenga vha si tsha vuwa vha lwa nae.”
12 A tshi amba nga ha Benyamini o ri:+
“Ane a funwa nga Yehova nga a dzule o tsireledzwa ngae;A mu tsireledze ḓuvha ḽoṱhe,A ḓitike nga khana yawe.”
13 A tshi amba nga ha Yosefa o ri:+
“Ngavhe Yehova a tshi fhaṱutshedza shango ḽawe+Nga zwithu zwavhuḓi zwa ṱaḓulu,Nga ṅwando na nga maḓi a bvaho zwisimani,+
14 Nga zwithu zwavhuḓi zwi bveledzwaho nga ḓuvha,Na zwithu zwavhuḓi zwi bveledzwaho ṅwedzi muṅwe na muṅwe,+
15 Na zwithu zwavhuḓisa zwi bvaho thavhani dza kale-kale,*+Na zwithu zwavhuḓi zwi bvaho zwikwarani,
16 Na zwithu zwavhuḓi zwi bvaho kha ḽifhasi na zwoṱhe zwi re khaḽo,+O takalelwa nga we a bvelela tshiṱakani tsha mipfa.+
Kha zwi ḓe kha ṱhoho ya YosefaKha khare i re ṱhohoni ya we a nangiwa kha vhakomana vhawe.+
17 Lunako lwawe lu fana na lwa mboho ya tanzhe,Ṋanga dzawe dzi nga dza ṋari.
U ḓo runga ngadzo vhathuU ḓo vha runga u swika magumoni a ḽifhasi.
Vhaefuraimi ndi vha zwigidi na zwigidi,+Na vha Manase ndi vha zwigidi.”
18 A tshi amba nga ha Sebuloni o ri:+
“Takala iwe Sebuloni, musi u tshi bva,Na iwe Isashari, u takale u madenndeni au.+
19 Vha ḓo vhidzela vhathu thavhani.
Henefho vha ḓo ṋekedza zwiṱhavhelo zwa u luga.
Ngauri vha ḓo wana lupfumo lunzhi lwa lwanzheniNa lupfumo lwo dzumbiwaho muṱavhani.”
20 A tshi amba nga ha Gada o ri:+
“Nga hu fhaṱutshedzwe ane a engedza mikano ya Gada.+
O shuvhama henefho sa ndau,O ḓilugiselela u ṱhukhula tshanḓa na khare i re ṱhohoni.
21 U ḓo ḓinangela mukovhe wa khwine,+Ngauri henefho ndi ho vhetshelwaho thungo mukovhe wa muṋei wa mulayo.+
Vharangaphanḓa vha vhathu vha ḓo kuvhangana.
A bveledza u luga ha Yehova,Na mahaṱulele awe kha Vhaisiraele.”
22 A tshi amba nga ha Dani o ri:+
“Dani ndi ndawana.+
U ḓo gidima a tshi bva Bashani.”+
23 A tshi amba nga ha Nafutali o ri:+
“Nafutali o fushea nga u takalelwaO ḓalelwa nga phaṱhutshedzo dza Yehova.
Dzhia shango ḽa vhukovhela na ḽa tshipembe.”
24 A tshi amba nga ha Ashere o ri:+
“Ashere o fhaṱutshedzwa nga vhana.
Nga a takalelwe nga vhakomana vhawe,Ngavhe a tshi dzhenisa* milenzhe yawe mapfurani.
25 Khoṋo dza khoro dzau dzo itwa nga tsimbi na koporo,+Iwe u ḓo tshimbila wo vhofholowa.
26 A hu na muṅwe ane a fana na Mudzimu wa ngoho+ wa Yeshuruni,+Ane a buḓekanya ḽiṱaḓulu u itela u u thusaAne a buḓekanya makole e vhugalani hawe.+
27 Mudzimu ndi vhukhudo hau u bva zwifhingani zwa kale,+Zwanḓa zwawe zwi dzula zwo u takula.+
Ene u ḓo pandela swina phanḓa hau+U ḓo ri: ‘Vha fhelise!’+
28 Isiraele u ḓo dzula o tsireledzea,Tshisima tsha Yakobo tshi ḓo ima nga tshoṱhe,Shangoni ḽa thoro na waini ntswa,+Ḽine makole aḽo a ḓo rothisa ṅwando.+
29 Hu takala iwe Isiraele!+
Ndi nnyi ane a nga iwe,+Vhathu vho tshidzwaho nga Yehova,+Ene tshiṱangu tshau tsha tsireledzo+Ane a vha banga ḽihulu?
Maswina au a ḓo tetemela phanḓa hau,+Huno iwe u ḓo kanda kha miṱana yavho.”*
Ṱhaluso dzi re magumoni a siaṱari
^ Kana “mahumi a zwigidi a vhakhethwa.”
^ Thevhedz., “tshivhidzo.”
^ Zwine zwa amba uri “Muvhuya,” dzina ḽa u huliswa ḽa Isiraele.
^ “Yau” na “iwe” kha yeneyi ndimana i ambela kha Mudzimu.
^ Thevhedz., “ningoni dzau.”
^ Kana “khundu.”
^ Kana khamusi, “thavhani dza vhubvaḓuvha.”
^ Kana “ṱamba.”
^ Kana khamusi, “zwikwara.”
