Dziphisalema 106:1-48
106 Rendani Yehova!*
Livhuwani Yehova, ngauri ndi wavhuḓi;+Lufuno lwawe lu sa shanduki ndi lwa lini na lini.+
2 Ndi nnyi ane a nga ḓivhadza nga vhuḓalo mishumo ya Yehova ya maanḓaKana u ḓivhadza mishumo yawe yoṱhe i khoḓeaho?+
3 Hu takala vhane vha haṱula nga nḓila yo teaho,Vhane vha ita zwo lugaho tshifhinga tshoṱhe.+
4 Iwe Yehova, u nkhumbule musi u tshi khathutshela vhathu vhau.+
U nṱhogomele, u ntshidze,
5 Uri ndi ḓiphiṋe nga vhuthu vhune wa vhu sumbedza vhanangiwa vhau,+Uri ndi takale na lushaka lwau,Uri ndi u rende nga u ḓihudza* ndi na vhathu vhau.
6 Ro ita tshivhi u fana na vhomakhulukuku washu;+Ro khakha; ro ita vhuvhi+
7 Vhomakhulukuku washu ngei Egipita a vho ngo dzhiela nṱha mishumo yau i mangadzaho.
A vho ngo humbula lufuno lwau luhulu lu sa shanduki,Fhedzi vho u shandukela ngei lwanzheni, henefho Lwanzheni Lutswuku.+
8 Fhedzi o vha tshidza a tshi itela dzina ḽawe,+Uri maanḓa awe a ḓivhiwe.+
9 O kaidza Lwanzhe Lutswuku, lwa xa;A vha tshimbidza mativhani alwo zwa tou nga vho vha vha tshi khou tshimbila sogani;+
10 A vha tshidza tshanḓani tsha swina+A vha dzhiulula tshanḓani tsha swina.+
11 Maḓi a tibedza maswina avho;A hu na na swina na ḽithihi ḽe ḽa ponyoka.*+
12 Nga zwenezwo, vha vha na lutendo kha zwe a fhulufhedzisa;+Vha thoma u mu renda.+
13 Fhedzi vha ṱavhanya vha hangwa zwe a ita;+A vho ngo lindela nyeletshedzo yawe.
14 Vho fusha lutamo lwavho lwa tseḓa ngei sogani;+Vho linga Mudzimu ngei sogani.+
15 A vha ṋea zwe vha humbela,Fhedzi a vha rwa nga dwadze ḽe ḽa vha vhulaya.+
16 Musi vhe madenndeni vho itela Mushe vivhoNa Aroni,+ mukhethwa wa Yehova.+
17 Shango ḽa vulea ḽa mila DathaniḼa fukedza vho kuvhanganaho na Abiramu.+
18 Mulilo wa fhisa tshigwada tshavho tshoṱhe;Khavhu ya fhisa vhavhi.+
19 Vho vhumba ṋamana ngei HorebeVha gwadamela tshifanyiso tsha tsimbi;+
20 Vho dzhia vhugala hangaVha vhu ṋea tshifanyiso tsha mboho ine ya ḽa hatsi.+
21 Vho hangwa Mudzimu+ Mutshidzi wavho,We a ita zwithu zwihulu ngei Egipita,+
22 Mishumo i mangadzaho ngei shangoni ḽa Hamu,+Mishumo i ofhisaho ngei Lwanzheni Lutswuku.+
23 O vha e tsini na u laedza uri vha fheliswe,Fhedzi Mushe munangiwa wawe a vha humbelelaUri a dzikise mbiti dzawe.+
24 Nga zwenezwo, vha vhenga shango ḽi tamisaho;+A vho ngo vha na lutendo kha zwe a fhulufhedzisa.+
25 Vho dzula vha tshi gungula vhe madenndeni avho;+A vho ngo thetshelesa zwe Yehova a amba.+
26 A vha anela o imisa tshanḓa tshaweUri u ḓo vha vhulaya sogani;+
27 U ḓo ita uri vhaḓuhulu vhavho vha fheliswe nga dzitshaka,A vha balanganya na mashango oṱhe.+
28 Vha tevhela vhurabeli ha* Baali wa Pheoro,+Vha ḽa zwiṱhavhelo zwo ṋekedzwaho vho faho.*
29 Vho Mu levhela nga zwe vha ita,+Vha farwa nga dwadze.+
30 Fhedzi musi Finiasi a tshi takuwa, a dzhenelela,Dwadze ḽo fheliswa.+
31 A dzhiiwa sa o lugahoKha mirafho yoṱhe nga hu sa fheli.+
32 Vho Mu levhela ngei maḓini a Meriba,*Mushe zwa mu vhifhela nga nṱhani havho.+
33 Vho mu sinyusa,A sokou amba a si na ndavha.+
34 A vho ngo fhelisa vhathu,+Sa zwe Yehova a vha o laya.+
35 Fhedzi vho konana na dzitshaka+Vha tevhela* nḓila dzadzo.+
36 Vho ḓi bvela phanḓa vha tshi shumela midzimu yadzo ya zwifanyiso,+Zwenezwo zwa vha tshikwekwe khavho.+
37 Vho vha vha tshi itela madimoni tshiṱhavhelo nga vharwa vhavhoNa nga vhananyana vhavho.+
38 Vho bvela phanḓa vha tshi shulula malofha a si na mulandu,+Malofha a vharwa na a vhananyana vhavhoVho vha itaho tshiṱhavhelo tsha midzimu ya zwifanyiso ya Kanana;+Shango ḽa tshikafhala nga u shululwa ha malofha.
39 Vho tshikafhadzwa nga mishumo yavho;Vha si fhulufhedzee kha Mudzimu* nga mishumo yavho.+
40 Nga zwenezwo, mbiti dza Yehova dza dugela vhathu vhawe,A vhenga vhathu vhawe.
41 A vha kumedzela zwanḓani zwa dzitshaka lunzhi-lunzhi,+Uri vhane vha vha vhenga vha vha vhuse.+
42 Maswina avho a vha tsikeledza,Vha langiwa ngao.
43 O vha tshidza lunzhi,+Fhedzi vha mu shandukela vha si thetshelese,+Vha kaidzelwa vhukhakhi havho.+
44 Fhedzi o vha a tshi vhona u tsikeledzea havho+Na u pfa tshililo tshavho tsha u ṱoḓa thuso.+
45 O vha a tshi humbula mulanga we a u vhofha navho,O vha a tshi vha pfela vhuṱungu, a tshi ṱuṱuwedzwa nga lufuno lwawe luhulu lu sa shanduki.+
46 O vha a tshi ita uri vha pfelwe vhuṱunguNga vhoṱhe vhane vha vha thuba.+
47 Iwe Yehova Mudzimu washu ri tshidze,+Ri kuvhanganye u ri bvise kha dzitshaka+Uri ri livhuwe dzina ḽau ḽikhethwaRi takalele u u renda.+
48 Nga hu rendwe Yehova Mudzimu wa IsiraeleU ya nga hu sa fheli.*+
Vhathu vhoṱhe nga vha ri: “Amen!”*
Rendani Yehova!*
Ṱhaluso dzi re magumoni a siaṱari
^ Kana “Haleluya!”
^ Kana “Uri ndi zuwe.”
^ Kana “sala.”
^ Ndi zwiṱhavhelo zwi ṋekedzwaho vhathu vho faho kana midzimu i sa tshili.
^ Kana “nambatela.”
^ Zwine zwa amba uri “U Lwa.”
^ Kana “guda.”
^ Kana “Vha ita vhupombwe ha lwa muya.”
^ Kana “Lini na lini.”
^ Kana “Nga zwi ralo!”
^ Kana “Haleluya!”