Dziphisalema 119:1-176
-
U dzhiela nṱha ipfi ḽa Mudzimu ḽo khetheaho
-
‘Vhaswa vha nga ita hani uri nḓila dzavho dzi dzule dzo kuna?’ (9)
-
“Ndi takalela khumbudzo dzau” (24)
-
“Mulayo wau ndi u funa hani!” (97)
-
“Ndi na ṱhalukanyo u fhira vhoṱhe vho mpfunzaho” (99)
-
“Ipfi ḽau ndi luvhone lwa milenzhe yanga” (105)
-
“Zwoṱhe zwine wa amba ndi ngoho” (160)
-
Vhane vha funa mulayo wa Mudzimu vha na mulalo (165)
-
א [Aleph]
119 Hu takala vho faraho nḓila i sa solisei,*Vhane vha tshimbila nga mulayo wa Yehova.+
2 Hu takala vhane vha tevhedza khumbudzo dzawe,+Vhane vha mu ṱoḓa nga mbilu dzavho dzoṱhe.+
3 A vha iti zwi songo lugaho;Vha tshimbila nḓilani dzawe.+
4 Iwe wo layaUri hu tevhedzwe ndaela dzau nga vhuronwane.+
5 Ngavhe ndo vha ndi tshi nga kona u dzula ndo khwaṱha+Uri ndi tevhedze maitele au!
6 Ndi hone ndi sa ḓo shona+Musi ndi tshi elekanya nga ha ndaela dzau dzoṱhe.
7 Ndi ḓo u renda nga mbilu yo lugahoMusi ndi tshi guda nga ha khaṱhulo dzau dzo lugaho.
8 Ndi ḓo tevhedza maitele au.
U songo nkhangwa lwa tshoṱhe.
ב [Beth]
9 Muṱhannga a nga ita hani uri nḓila yawe i dzule yo kuna?
Nga u dzula a tshi ḓilinda nga u tevhedza zwe wa amba.+
10 Ndi u ṱoḓa nga mbilu yanga yoṱhe.
U songo tenda ndi tshi furalela ndaela dzau.+
11 Ndi vhulunga zwe wa amba mbiluni yanga+Uri ndi si u khakhele.+
12 Nga hu rendwe Iwe Yehova;Mpfunze maitele au.
13 Nga mulomo wanga ndi ḓivhadzaKhaṱhulo dzoṱhe dze wa dzi amba.
14 Ndi takalela khumbudzo dzau+U fhira zwithu zwoṱhe zwa ndeme.+
15 Ndi ḓo elekanya* nga ha ndaela dzau+Nda dzula ndo lavhelesa nḓila dzau.+
16 Ndi takalela maitele au.
A thi nga hangwi zwe wa amba.+
ג [Gimel]
17 Sumbedza mushumeli wau vhuthu,Uri ndi tshile, ndi tevhedze zwe wa amba.+
18 Mbonyolose uri ndi kone u vhona zwavhuḓiZwithu zwi mangadzaho zwi bvaho kha mulayo wau.
19 Fhedzi ndi mutsinda shangoni.+
U songo ndzumbela ndaela dzau.
20 Ndi dzula ndo ṱulutshelwaKhaṱhulo dzau tshifhinga tshoṱhe.
21 U kaidza vha u ḓihudza,Vho semiwaho vhane vha pambuwa kha ndaela dzau.+
22 Bvisa u goḓiwa na u nyadziwa hanga,Ngauri ndo tevhedza khumbudzo dzau.
23 Naho vharangaphanḓa vho dzula vha tshi amba luvhi nga ha nṋe,Mushumeli wau u elekanya* nga ha maitele au.
24 Ndi takalela khumbudzo dzau;+Ndi dzone vhaeletshedzi vhanga.+
ד [Daleth]
25 Ndo shuvhama buseni.+
Ntshidze u ya nga zwe wa amba.+
26 Ndo u vhudza nḓila dzanga, wa mphindula;Mpfunze maitele au.+
27 Ita uri ndi pfesese zwine ndaela dzau dza amba zwone,Uri ndi elekanye* nga ha mishumo yau i mangadzaho.+
28 Ndo vha ndi sa eḓeli nga u pfa vhuṱungu.
Nkhwaṱhise u ya nga zwe wa amba.
29 Mbvise nḓilani ya vhufhura,+U ntonde nga mulayo wau.
30 Ndo nanga nḓila ya u fhulufhedzea.+
Ndo zwi vhona uri khaṱhulo dzau dzo luga.
31 Ndo nambatela khumbudzo dzau.+
Iwe Yehova, u songo tenda ndi tshi shoniswa.*+
32 Ndi ḓo ṱoḓa nḓila ya milayo yau nga u fhiseaNgauri wo ita uri i vhe mbiluni yanga.*
ה [He]
33 Iwe Yehova,+ mpfunze nḓila ya maitele au,Ndi ḓo i tevhela u swika magumoni.+
34 Nṋee ṱhalukanyo,Uri ndi tevhedze mulayo wauNdi u tevhedze nga mbilu yanga yoṱhe.
35 Ntshimbidze nḓilani ya ndaela dzau,+Ngauri ndi a i takalela.
36 Ita uri mbilu yanga i tame khumbudzo dzau,Hu si u ḓivhuyedza.+
37 Ita uri maṱo anga a si sedze zwithu zwi sa vhuyedzi tshithu;+Ita uri ndi tshimbile nḓilani yau uri ndi tshile.
38 Ita zwe wa fhulufhedzisa* mushumeli wau,Uri u ofhiwe.*
39 Bvisa u shoniswa hune nda hu ofha,Ngauri khaṱhulo dzau ndi dzavhuḓi.+
40 Lavhelesa nḓila ine nda ṱulutshelwa ngayo ndaela dzau.
Ita uri ndi tshile nga zwivhuya zwau.
ו [Waw]
41 Ngavhe u tshi ntsumbedza lufuno lwau lu sa shanduki, Iwe Yehova,+Ntshidze u tendelana na zwe wa fhulufhedzisa;*+
42 Huno ndi ḓo fhindula ane a nnyadza,Ngauri ndi fhulufhela zwine wa amba.
43 U songo bvisa fhungo ḽa ngoho mulomoni wanga,Ngauri ndo fhulufhela* khaṱhulo yau.
44 Ndi ḓo dzula ndi tshi tevhela mulayo wau,Lini na lini.+
45 Ndi ḓo tshimbila fhethu ho tsireledzeaho,*+Ngauri ndi ṱoḓa ndaela dzau.
46 Ndi ḓo amba nga ha khumbudzo dzau phanḓa ha mahosi,A thi nga shoni.+
47 Ndi takalela ndaela dzau,Ndi a dzi funa.+
48 Ndi ḓo u rabela ndo imisela zwanḓa zwanga nṱha, nga nṱhani ha ndaela dzau dzine nda dzi funa,+Ndi ḓo elekanya* nga ha maitele au.+
ז [Zayin]
49 Humbula zwe wa zwi amba na* mushumeli wau,Zwe zwa nṋea fhulufhelo.*
50 Zwenezwi zwi a nkhuthadza vhuṱunguni hanga,+Ngauri zwine wa amba zwi a ntshidza.
51 Vha u ḓihudza vha a ngoḓa,Fhedzi a thi pambuwi kha mulayo wau.+
52 Ndi humbula khaṱhulo dzau dza kale-kale,+ Iwe Yehova,Dzi a nkhuthadza.+
53 Ndo halifhiswa nga vhavhi,Vhe vha ṱutshela mulayo wau.+
54 Maitele au ndi nyimbo kha nṋeHuṅwe na huṅwe hune nda dzula hone.*
55 Vhusiku ndi humbula dzina ḽau, Iwe Yehova,+Uri ndi kone u vhulunga mulayo wau.
56 Zwenezwi ndo zwi ḓowelaNgauri ndo tevhedza ndaela dzau.
ח [Heth]
57 Yehova ndi mukovhe wanga;+Ndo fhulufhedzisa u tevhedza zwe wa amba.+
58 Ndi a u humbela nga mbilu yanga yoṱhe;+Ntsumbedze vhuthu+ u ya nga zwe wa fhulufhedzisa.*
59 Ndo ṱolisisa nḓila dzanga,Uri ndi humisele milenzhe yanga kha khumbudzo dzau.+
60 Ndi a ṱavhanya, a thi lengiU tevhela ndaela dzau.+
61 Ndo vhofhiwa nga thambo dza lufu,Fhedzi a thi hangwi mulayo wau.+
62 Ndi vuwa vhukati ha vhusiku uri ndi u livhuwe+Nga nṱhani ha uri khaṱhulo dzau dzo luga.
63 Ndi khonani ya vhoṱhe vhane vha u ofhaNa vhoṱhe vhane vha tevhedza ndaela dzau.+
64 Iwe Yehova, lufuno lwau lu sa shanduki lwo ḓadza ḽifhasi;+Mpfunze maitele au.
ט [Teth]
65 Iwe Yehova, wo shumisana zwavhuḓi na mushumeli wau,U ya nga zwe wa amba.
66 Mpfunze vhuṱali na nḓivho,+Ngauri ndi fhulufhela ndaela dzau.
67 Musi ndi sa athu u pfiswa vhuṱungu, ndo vha ndi tshi dzulela u xela,*Fhedzi zwino ndi tevhedza zwe wa amba.+
68 Iwe u wavhuḓi+ na mishumo yau ndi yavhuḓi.
Mpfunze maitele au.+
69 Vhane vha ḓihudza vho ntshata mazwifhi,Fhedzi ndi tevhedza ndaela dzau nga mbilu yanga yoṱhe.
70 Mbilu dzavho dzo rindila,+Fhedzi nṋe ndi funa mulayo wau.+
71 Ndi zwavhuḓi uri ndo pfiswa vhuṱungu,+Uri ndi kone u guda maitele au.
72 Mulayo we wa u ḓivhadza ndi wavhuḓi kha nṋe,+U fhira shekele dza zwigidi dza musuku na dza siḽiva.+
י [Yod]
73 Ndo itwa nga zwanḓa zwau, wa ndzudzanya.
Nṋee ṱhalukanyo,Uri ndi gude ndaela dzau.+
74 Vhane vha u ofha vha a takala vha tshi mmbona,Ngauri ndi fhulufhela* zwine wa amba.+
75 Iwe Yehova, ndi a zwi ḓivha uri khaṱhulo dzau dzo luga+Na uri wo mpfisa vhuṱungu nga u fhulufhedzea hau.+
76 Ngavhe lufuno lwau lu sa shanduki+ lu tshi nkhuthadza,U ya nga zwe wa fhulufhedzisa* mushumeli wau.
77 Nkhathutshele uri ndi bvele phanḓa ndi tshi khou tshila,+Ngauri ndi funa mulayo wau.+
78 Ngavhe vha u ḓihudza vha tshi shoniswa,Ngauri vho nkhakhela ndi si na mulandu.
Fhedzi ndi ḓo elekanya* nga ha ndaela dzau.+
79 Vhane vha u ofha nga vha vhuyelele ha nṋe,Avho vhane vha ḓivha khumbudzo dzau.
80 Ngavhe mbilu yanga i tshi tevhela maitele au i sa solisei,+Uri ndi si shoniswe.+
כ [Kaph]
81 Ndo ṱulutshela u tshidzwa nga iwe,+Ngauri ndi fhulufhela* zwine wa amba.
82 Maṱo anga a ṱulutshela zwine wa amba+Musi ndi tshi ri: “U ḓo nkhuthadza lini?”+
83 Ngauri ndi tou nga tshikumbu tsha mukumba tsho omiswaho nga vhutsi,Fhedzi maitele au a thi a hangwi.+
84 Mushumeli wau u ḓo lindela u swika lini?
U ḓo haṱula lini vhane vha ntovhola?+
85 Vha u ḓihudza vho mbwela dindi,Vhane vha si tevhedze mulayo wau.
86 Ndaela dzau dzoṱhe dzi a fhulufhedzea.
Vhathu vha ntovhola ndi si na mulandu; nthuse!+
87 Vho ṱoḓou mphelisa kha ḽifhasi,Fhedzi a tho ngo furalela ndaela dzau.
88 Ntshidze nga lufuno lwau lu sa shanduki,Uri ndi kone u tevhedza khumbudzo dze wa dzi amba.
ל [Lamed]
89 Iwe Yehova, zwine wa amba zwi ḓo dzula zwi hone ngei ṱaḓulu,U swika lini na lini.+
90 U fhulufhedzea hau hu vhonala kha mirafho yoṱhe.+
Wo khwaṱhisa ḽifhasi uri ḽi dzule ḽi hone.+
91 Na ṋamusi zwi* kha ḓi vha hone nga ndaela dzau,Ngauri zwoṱhe zwi shumela iwe.
92 Arali ndo vha ndi sa takaleli mulayo wau,Ndo vha ndi tshi ḓo vha ndo fheliswa nga u tambula hanga.+
93 Ndi nga si vuwe ndo hangwa ndaela dzau,Ngauri wo ntshidza ngadzo.+
94 Nṋe ndi wau; ntshidze,+Ngauri ndo ṱoḓa ndaela dzau.+
95 Vhavhi vho lindela u mmbulaya,Fhedzi ndi livhisa ṱhogomelo tshoṱhe kha khumbudzo dzau.
96 Ndo vhona zwoṱhe zwo fhelelaho zwi tshi guma,Fhedzi ndaela yau a i gumi.*
מ [Mem]
97 Mulayo wau ndi u funa hani!+
Ndi elekanya* nga hawo ḓuvha ḽoṱhe.+
98 Ndaela yau i a nṱalifhisa u fhira maswina anga,+Ngauri i vha i na nṋe lini na lini.
99 Ndi na ṱhalukanyo u fhira vhoṱhe vho mpfunzaho,+Ngauri ndi elekanya* nga ha khumbudzo dzau.
100 Ndi a ṱalukanya musi ndi tshi ita zwithu u fhira vhakalaha,Ngauri ndi tevhedza ndaela dzau.
101 A thi tendi u tshimbila kha nḓila mmbi naho i ifhio,+Uri ndi kone u tevhedza zwine wa amba.
102 A thi pambuwi kha khaṱhulo dzau,Ngauri ndi iwe wo mpfunzaho.
103 Zwine wa amba zwi a ḓifha mulomoni wanga,Zwi ḓifha u fhira mutoli mulomoni wanga!+
104 Ndi ita zwithu ndi na ṱhalukanyo nga nṱhani ha ndaela dzau.+
Ndi ngazwo ndi tshi vhenga nḓila dzoṱhe dza mazwifhi.+
נ [Nun]
105 Ipfi ḽau ndi luvhone lwa milenzhe yanga,Ndi tshedza tsha nḓila yanga.+
106 Ndo ana, ndi ḓo ita zwe nda ana,Uri ndi tevhedze khaṱhulo dzau dzo lugaho.
107 Ndo tambudzwa zwihulu.+
Iwe Yehova, ntshidze u ya nga zwe wa amba.+
108 Iwe Yehova, ndi humbela uri u takalele zwifhiwa zwanga zwa thendo zwa u ḓifunela,+U mpfunze khaṱhulo dzau.+
109 Vhutshilo hanga vhu dzula vhu khomboni,Fhedzi a thi hangwi mulayo wau.+
110 Vhavhi vho mmbetshela tshikwekwe,Fhedzi a tho ngo pambuwa kha ndaela dzau.+
111 Khumbudzo dzau ndi dzi dzhia sa thundu yanga ya nga hu sa fheli,*Ngauri ndi dzone dzi takadzaho mbilu yanga.+
112 Ndo ḓiimisela u thetshelesa maitele auMisi yoṱhe, u ya nga hu sa fheli.
ס [Samekh]
113 Ndi vhenga vhane vha timatima,+Fhedzi ndi funa mulayo wau.+
114 U vhukhudo hanga na tshiṱangu tshanga,+Ngauri ndi fhulufhela* zwine wa amba.+
115 Ṱutshelani kule hanga, inwi vhathu vhavhi,+Uri ndi tevhedze ndaela dza Mudzimu wanga.
116 Ntikedze samusi wo mpfulufhedzisa,*+Uri ndi dzule ndi tshi tshila;U songo ita uri ndi shone kha zwe nda fhulufhela.+
117 Ntikedze uri ndi kone u tshidzwa;+Nga zwenezwo, ndi ḓo dzula ndo livhisa ṱhogomelo kha maitele au.+
118 Wo landula vhoṱhe vhane vha pambuwa kha maitele au,+Ngauri vha a zwifha, vha a fhura.
119 Vhavhi vhoṱhe vha kha ḽifhasi u vha laṱa vhunga tshika i sa vhuyedzi tshithu.+
Ndi ngazwo ndi tshi funa khumbudzo dzau.
120 U ofha iwe zwi ita uri muvhili wanga u tetemele;Ndi ofha khaṱhulo dzau.
ע [Ayin]
121 Ndo ita zwo teaho na zwo lugaho.
U songo nndaṱela kha vhatsikeledzi!
122 Khwaṱhisedza mushumeli wau uri a vhe na mutakalo wavhuḓi;Ngavhe vhane vha ḓihudza vha sa ntsikeledzi.
123 Maṱo anga o neta nga u ṱwa ndo lindela u tshidzwa nga iwe+Na fhulufhedziso ḽau ḽo lugaho.+
124 Sumbedza mushumeli wau lufuno lwau lu sa shanduki,+U mpfunze maitele au.+
125 Ndi mushumeli wau; nṋee ṱhalukanyo,+Uri ndi ḓivhe khumbudzo dzau.
126 Tshifhinga tsho swika tsha uri Yehova a dzhie vhukando,+Ngauri vho pfuka mulayo wau.
127 Ndi ngazwo ndi tshi funa ndaela dzauU fhira musuku, naho u musuku vhukuma.*+
128 Nga zwenezwo, ndi dzhia ndayo* dzau dzoṱhe dzo luga;+Ndi vhenga nḓila iṅwe na iṅwe ya mazwifhi.+
פ [Pe]
129 Khumbudzo dzau ndi dzavhuḓi.
Ndi ngazwo ndi tshi dzi tevhedza.
130 Maipfi au a tshi dzumbululwa a ḓisa tshedza,+A ita uri a si na tshenzhelo a pfesese.+
131 Ndi a femeleka,Ngauri ndo ṱulutshela ndaela dzau.+
132 Nndavhelese u nkhathutshele,+U ya nga nḓila ine wa haṱula ngayo vhane vha funa dzina ḽau.+
133 Nndededze nga zwine wa amba ndi tshimbile ndo tsireledzea;Ndi songo vhuswa nga tshivhi naho tshi tshifhio.+
134 Ntshidze* kha vhatsikeledzi,Ndi ḓo tevhedza ndaela dzau.
135 Penyisela mushumeli wau tshifhaṱuwo tshau,+U mpfunze maitele au.
136 Miṱodzi i shuluwa i tshi bva maṱoni angaNgauri vhathu a vha tevhedzi mulayo wau.+
צ [Tsade]
137 Iwe Yehova, wo luga,+Na khaṱhulo dzau dzo tea.+
138 Khumbudzo dzine wa dzi ṋea dzo lugaDzi a fhulufhedzea tshoṱhe.
139 Ndo no tou fhelela nga u fhisetshela iwe,+Ngauri maswina anga o hangwa zwe wa zwi amba.
140 Zwine wa zwi amba zwo kunakiswa vhukuma,+Mushumeli wau u a zwi funa.+
141 A thi tshithu, ndi a nyadziwa;+Fhedzi, a tho ngo hangwa ndaela dzau.
142 U luga hau ndi u luga ha tshoṱhe,+Mulayo wau ndi ngoho.+
143 Naho ndi tshi tsikeledzea na u welwa nga zwithu zwi konḓaho,Ndi dzula ndi tshi takalela ndaela dzau.
144 U luga ha khumbudzo dzau ndi ha tshoṱhe.
Nṋee ṱhalukanyo+ uri ndi kone u tshila.
ק [Qoph]
145 Ndi vhidzelela iwe nga mbilu yanga yoṱhe. Mphindule Iwe Yehova.
Ndi ḓo tevhedza maitele au.
146 Ndi vhidzelela iwe; ntshidze!
Ndi ḓo tevhedza khumbudzo dzau.
147 Ndi vuwa ḽi sa athu u tsha uri ndi lilele thuso,+Ngauri ndi fhulufhela* zwine wa amba.
148 Maṱo anga a fhaṱuwa vhukati ha vhusiku,Uri ndi elekanye* nga ha zwe wa amba.+
149 Thetshelesa zwine nda amba nga nṱhani ha lufuno lwau lu sa shanduki,+Iwe Yehova, ntshidze u ya nga khaṱhulo yau yo teaho.
150 Vhane vha ḓifara nga nḓila i shonisaho vho sendela tsini na nṋe;Vha kule na mulayo wau.
151 Iwe Yehova, u tsini,+Ndaela dzau dzoṱhe ndi ngoho.+
152 Ndo guda nga ha khumbudzo dzau kale-kale.
Dze wa dzi khwaṱhisa uri dzi dzule dzi hone lini na lini.+
ר [Resh]
153 Sedza u tambula hanga, u ntshidze,+Ngauri a tho ngo hangwa mulayo wau.
154 Nndamulele, u ntshidze;+Ntshidze u tendelana na zwe wa fhulufhedzisa.*
155 U tshidzwa hu kule na vhavhi,Ngauri a vho ngo ṱoḓa maitele au.+
156 Iwe Yehova, khathutshelo yau ndi khulu.+
Ntshidze u tendelana na khaṱhulo yau yo teaho.
157 Vhatovholi vhanga na maswina anga ndi vhanzhi;+Fhedzi a tho ngo pambuwa kha khumbudzo dzau.
158 Ndi nengwa vhane vha vha na tshimbevha,Ngauri a vha tevhedzi zwe wa amba.+
159 Vhona nḓila ine nda funa ngayo ndaela dzau!
Iwe Yehova, ntshidze nga nṱhani ha lufuno lwau lu sa shanduki.+
160 Zwoṱhe zwine wa amba ndi ngoho,+Khaṱhulo dzau dzoṱhe dzo lugaho ndi dza lini na lini.
ש [Sin] kana [Shin]
161 Vharangaphanḓa vho ntovhola+ hu si na tshiitisi,Fhedzi mbilu yanga i ofha zwine wa zwi amba.+
162 Ndi takalela zwine wa amba+Sa muthu o wanaho thundu nnzhi yo thubiwaho.
163 Ndi vhenga mazwifhi, ndi a a nengwa,+Ndi funa mulayo wau.+
164 Ndi u renda lwa sumbe nga ḓuvhaNga nṱhani ha khaṱhulo dzau dzo lugaho.
165 Vhane vha funa mulayo wau vha na mulalo munzhi;+A hu na tshithu na tshithihi tshine tsha nga vha khukhula.*
166 Iwe Yehova, ndi fhulufhela mishumo yau ya u tshidza,Ndi tevhedza ndaela dzau.
167 Ndi tevhedza khumbudzo dzau,Ndi dzi funa nga maanḓa.+
168 Ndi tevhedza ndaela dzau na khumbudzo dzau,Ngauri iwe u ḓivha zwoṱhe zwine nda ita.+
ת [Taw]
169 Ngavhe tshililo tshanga tsha u ṱoḓa thuso tshi tshi swika kha Iwe Yehova.+
U ya nga zwe wa amba, ita uri ndi ṱalukanye.+
170 Ngavhe khumbelo yanga ya u ṱoḓa u khathutshelwa i tshi swika ha iwe.
Ntshidze, samusi wo fhulufhedzisa.*
171 Ngavhe mulomo wanga u tshi fhufhuma thendo,+Ngauri u mpfunza maitele au.
172 Ngavhe lulimi lwanga lu tshi imba zwine wa amba,+Ngauri ndaela dzau dzoṱhe dzo luga.
173 Ngavhe tshanḓa tshau tshi tshi nthusa,+Ngauri ndo nanga u thetshelesa ndaela dzau.+
174 Ndo ṱulutshela u tshidzwa nga Iwe Yehova,Ndi takalela mulayo wau.+
175 Nnditshe ndi tshile uri ndi kone u u renda;+Ngavhe khaṱhulo dzau dzi tshi nthusa.
176 Ndo pambuwa sa nngu yo xelaho.+ Ṱoḓa mushumeli wau,Ngauri a tho ngo hangwa ndaela dzau.+
Ṱhaluso dzi re magumoni a siaṱari
^ Kana “vhane vha fhulufhedzea.”
^ Kana “guda.”
^ Kana “guda.”
^ Kana “gude.”
^ Kana “kulwa nungo.”
^ Kana khamusi, “wo ita uri mbilu yanga i vhe na fhulufhelo.”
^ Kana “vhudza.”
^ Kana khamusi, “Zwe wa fhulufhedzisa vhane vha u ofha.”
^ Kana “amba.”
^ Kana “lindela.”
^ Kana “fhethu huhulwane.”
^ Kana “guda.”
^ Kana “fhulufhedzisa.”
^ Kana “Zwe wa ita uri ndi zwi lindele.”
^ Kana “Nḓuni ine nda dzula khayo sa mutsinda.”
^ Kana “amba.”
^ Kana “a tho ngo ita tshivhi nga khole.”
^ Kana “lindela.”
^ Kana “vhudza.”
^ Kana “guda.”
^ Kana “lindela.”
^ Ndi mishumo yawe yoṱhe ya tsiko.
^ Thevhedz., “yo ṱanḓavhuwa zwihulu.”
^ Kana “guda.”
^ Kana “guda.”
^ Kana “ifa ḽanga ḽa lini na lini.”
^ Kana “lindela.”
^ Kana “u ya nga zwine wa amba.”
^ Kana “wo kunakiswaho.”
^ Kana “ndaela.”
^ Thevhedz., “Nthengulule.”
^ Kana “lindela.”
^ Kana “gude.”
^ Kana “amba.”
^ Kana “Khavho a hu na tshikhukhulisi.”
^ Kana “u ya nga zwine wa amba.”