Dziphisalema 138:1-8
Phisalema ya Davida.
138 Ndi ḓo u renda nga mbilu yanga yoṱhe.+
Ndi ḓo u imbela thendo,Phanḓa ha miṅwe midzimu.
2 Ndi ḓo gwadama ndo livhana na thembele yau khethwa,*+Ndi ḓo renda dzina ḽau+Nga nṱhani ha lufuno lwau lu sa shanduki na u fhulufhedzea hau.
Ngauri wo hulisa zwe wa amba na dzina ḽau u fhira zwiṅwe zwithu zwoṱhe.*
3 Nga ḓuvha ḽe nda u vhidzelela, wo mphindula;+Wo nṋea tshivhindi na nungo.+
4 Iwe Yehova, mahosi a shango ḽoṱhe a ḓo u renda,+Ngauri a ḓo vha o pfa zwe wa fhulufhedzisa.
5 Vha ḓo imba nga ha nḓila dza Yehova,Ngauri vhugala ha Yehova ndi vhuhulu.+
6 Naho Yehova e nṱha, u ṱhogomela a ḓiṱukufhadzaho,+Fhedzi a ḓihudzaho u mu sendedza kule.+
7 Naho ndi tshi tshimbila hu re na khombo, iwe u ḓo ntsireledza.+
Iwe u imisela nṱha tshanḓa tshau kha maswina anga o sinyuwaho;Tshanḓa tshau tsha u ḽa tshi ḓo ntshidza.
8 Yehova u ḓo khunyeledza zwithu zwoṱhe a tshi itela nṋe.
Iwe Yehova, lufuno lwau lu sa shanduki ndi lwa lini na lini;+U songo hangwa mishumo ya zwanḓa zwau.+
Ṱhaluso dzi re magumoni a siaṱari
^ Kana “nnḓu yau khethwa.”
^ Kana khamusi, “wo hulisa zwe wa amba u fhira dzina ḽau.”
