Dziphisalema 140:1-13
Kha mulangi. Luimbo lwa Davida.
140 Iwe Yehova, ntshidze kha vhavhi;Ntsireledze kha mavemu,+
2 Kha vhane vha luka maano mavhi mbiluni dzavho+Vhane vha vusa khakhathi ḓuvha ḽoṱhe.
3 Vha ṱuṱula lulimi lwavho lwa nga lwa ṋowa;+Zwine vha zwi amba zwi nga vhuṱungu ha mavuluvulu.+ (Selah)
4 Iwe Yehova, ntsireledze zwanḓani zwa vhavhi;+Ntsireledze kha vhavhi,Vhane vha vhamba maano a u mpiringedza.
5 Vha ḓikukumusaho vha ṱoḓa u mpfasha;Vha vhamba thambo dza mambule thungo ha nḓila.+
Vho mmbetshela zwikwekwe.+ (Selah)
6 Nda amba na Yehova nda ri: “Iwe u Mudzimu wanga.
Iwe Yehova, nthetshelese musi ndi tshi humbela thuso.”+
7 Iwe Yehova Murena Muvhusahoṱhe, Mutshidzi wanga a re na maanḓa,U tsireledza ṱhoho yanga nga ḓuvha ḽa nndwa.+
8 Iwe Yehova, u songo ṋea vhavhi zwine vha zwi tama.
U songo tenda maano avho a tshi bvelela, uri vha sa ḓo huliswa. (Selah)+
9 Ngavhe ṱhoho dza vhe vha ntangaDzi tshi welwa nga zwithu zwivhi zwine vha zwi amba.+
10 Ngavhe vha tshi welwa nga maxale.*+
Ngavhe vha tshi poswa muliloni,Vha tshi poswa dindini*+ uri vha si tsha dovha vha vuwa.
11 Ngavhe ane a tshinya vhaṅwe dzina a sa wani vhudzulo kha ḽifhasi.*+
Ngavhe vhuvhi vhu tshi ṱoḓa mavemu ha a vhulaya.
12 Ndi a zwi ḓivha uri Yehova u ḓo lamulela vhane vha ḓiṱukufhadzaVhashai u vha haṱulela nga nḓila yo teaho.+
13 Ngangoho vhavhuya vha ḓo livhuwa dzina ḽau;Vho lugaho vha ḓo dzula phanḓa ha tshifhaṱuwo tshau.*+
Ṱhaluso dzi re magumoni a siaṱari
^ Kana “masimbe.”
^ Kana “dindini ḽa maḓi.”
^ Kana “shango.”
^ Kana “phanḓa hau.”
