Dziphisalema 143:1-12
Luimbo lwa Davida.
143 Iwe Yehova, ipfa thabelo yanga;+Thetshelesa musi ndi tshi ṱoḓa thuso.
Mphindule u ya nga u fhulufhedzea hau na nga u luga hau.
2 U songo sengisa mushumeli wau,Ngauri kha vha tshilaho a hu na a re muvhuya phanḓa hau.+
3 Ngauri swina ḽi a ntovhola;Ḽo kandekanyela vhutshilo hanga fhasi.
Ḽo ita uri ndi dzule swiswini sa vhathu vho faho kale-kale.
4 Ndi khou fhelelwa nga nungo;+Mbilu yanga yo rindila.+
5 Ndi humbula misi ya kale;Ndi elekanya nga ha mushumo wau woṱhe;+Ndi fhisetshela u elekanya* nga ha mushumo wa zwanḓa zwau.
6 Ndi imisela zwanḓa zwanga kha iwe;Ndo u lindela sa shango ḽo lindela mvula.+ (Selah)
7 Iwe Yehova, mphindule nga u ṱavhanya;+Nungo dzanga dzo fhela.+
U songo ndzumbela tshifhaṱuwo tshau,+Ndi sa ḓo fana na vhane vha godimela dindini.*+
8 Kha ndi pfe lufuno lwau lu sa shanduki nga matsheloni,Ngauri ndi fhulufhela iwe.
Ita uri ndi ḓivhe nḓila ine nda fanela u i fara,+Ngauri ndi ḓa ha iwe.
9 Iwe Yehova, ntshidze kha maswina anga.
Ndi ṱoḓa u tsireledzwa nga iwe.+
10 Mpfunze u ita zwine wa zwi funa,+Ngauri u Mudzimu wanga.
Muya wau ndi wavhuḓi;Ngavhe u tshi nndivhisa fhethu havhuḓi.*
11 Iwe Yehova, ntshidze u tshi itela dzina ḽau.
Ntshidze musi ndo tsikeledzea, ngauri wo luga.+
12 Fhelisa* maswina anga, ngauri lufuno lwau a lu shanduki;+Fhelisa vhoṱhe vhane vha ntovhola,+Ngauri ndi mushumeli wau.+
Ṱhaluso dzi re magumoni a siaṱari
^ Kana “guda.”
^ Kana “vhiḓani.”
^ Kana “shangoni ḽavhuḓi.”
^ Thevhedz., “Fhumudza.”
