Dziphisalema 148:1-14
148 Rendani Yehova!*
Rendani Yehova ngeo ṱaḓulu;+Mu rendeni ngeo nṱha.
2 Mu rendeni, inwi vharuṅwa vhawe vhoṱhe.+
Mu rendeni, inwi mavhuthu awe oṱhe.+
3 Mu rendeni, inwi ḓuvha na ṅwedzi.
Mu rendeni, inwi ṋaledzi dzoṱhe dzi penyaho.+
4 Mu rendeni, inwi ḽiṱaḓulu ḽa nṱha-nṱha*Na makole a nisaho mvula.
5 Nga zwi rende dzina ḽa Yehova,Ngauri o laedza, zwa sikwa.+
6 O ita uri zwi dzule zwi hone lini na lini;+O vhea mulayo une wa sa ḓo fheliswa.+
7 Rendani Yehova fhano kha ḽifhasi,Inwi zwivhumbiwa zwihulu zwa lwanzheni na mativhani,
8 Iwe lupenyo na tshifhango, mahaḓa na makole matswu,Iwe ḓumbu, ḽine ḽa ita zwe a amba,+
9 Inwi dzithavha na inwi zwikwara zwoṱhe,+Inwi miri ya mitshelo na inwi miṱaululo yoṱhe,+
10 Inwi phukha+ na inwi zwifuwo zwoṱhe,Inwi zwikokovhi na inwi zwiṋoni,
11 Inwi mahosi a kha ḽifhasi na inwi tshaka dzoṱhe,Inwi vharangaphanḓa na inwi vhahaṱuli vhoṱhe vha kha ḽifhasi,+
12 Inwi vhaṱhannga na vhasidzana,*Vhakalaha na vhatukana.*
13 Rendani dzina ḽa Yehova,Ngauri dzina ḽawe ndi ḽone ḽi ḽoṱhe ḽi re nṱha hu sa swikelelei.+
Vhugala hawe vhu nṱha ha ḽifhasi na ḽiṱaḓulu.+
14 U ḓo engedza nungo* dza vhathu vhawe,Uri hu rendwe vhathu vhawe vhoṱhe vha fhulufhedzeaho,Vharwa vha Isiraele, vhathu vha re tsini hawe.
Rendani Yehova!*
Ṱhaluso dzi re magumoni a siaṱari
^ Kana “Haleluya!”
^ Thevhedz., “maṱaḓulu a maṱaḓulu.”
^ Thevhedz., “vhasidzana vha sa athu u itaho zwa vhudzekani.”
^ Kana “Vhahulwane na vhaṱuku.”
^ Thevhedz., “luṋanga.”
^ Kana “Haleluya!”
