Dziphisalema 18:1-50
Kha mulangi. Luimbo lwe Davida mushumeli wa Yehova a lu imbela Yehova tshifhingani tshe Yehova a mu tshidza zwanḓani zwa maswina awe oṱhe na zwanḓani zwa Saulo. O ri:+
18 Ndi a u funa Iwe Yehova, u maanḓa anga.+
2 Yehova ndi tombo ḽanga ḽihulu, ndi vhushavhelo hanga, ndi mutshidzi wanga.+
Mudzimu wanga ndi tombo+ ḽanga, ndi khuda ngae,Tshiṱangu tshanga na luṋanga* lwanga lwa u tshidzwa,* vhukhudo hanga.+
3 Ndi vhidzelela Yehova, o tewaho nga u rendwa,Ndi ḓo tshidzwa kha maswina anga.+
4 Ndo vhofhiwa nga thambo dza lufu;+Ndo tshuwiswa nga mikumbela ya vhanna vha sa ḓivhalei.+
5 Ndo vhofhiwa nga thambo dza Vhiḓa;*Ndo livhana na zwikwekwe zwa lufu.+
6 Ndo vhidzelela Yehova ndo tsikeledzea,Nda dzula ndi tshi vhidza Mudzimu wanga uri a nthuse.
A pfa ipfi ḽanga e thembeleni yawe,+Tshililo tshanga tsha u ṱoḓa thuso tsha swika nḓevheni dzawe.+
7 Ḽifhasi ḽa thoma u dzinginyea;+Mitheo ya dzithavha ya tseka-tsekaYa dzinginyea ngauri o vha o sinyuswa.+
8 Ningoni dzawe ha duba vhutsi,Mulomoni wawe ha bva mulilo u tshinyadzaho;+Khae ha bva maxale* a fhisaho.
9 A ita uri ḽiṱaḓulu ḽi petee musi a tshi khou tsa,+E na swiswi ḽihulu fhasi ha milenzhe yawe.+
10 A fhufha o ṋamela mukerube.+
A tsela fhasi o hwalwa nga phapha dza tshivhumbiwa tsha muya.+
11 A fuka swiswi,+Ḽa mu tanga sa nnḓu,Makole matswu a mvula.+
12 Phanḓa hawe ha penyaTshifhango na maxale* a dugaho zwa na zwi tshi bva makoleni.
13 Yehova a ita uri hu vhe na mubvumo ṱaḓulu;+Wa-Ṱaḓulu-ṱaḓulu a ita uri ipfi ḽawe ḽi pfiwe+Nga tshifhango na maxale* a dugaho.
14 A vha pfula nga misevhe yawe, a vha balanganya;+A vha vhonetshela nga lupenyo lwawe, a vha ḓaḓisa.+
15 Ha vhonala milambwana;+Ha fukulwa mitheo ya shango nge wa i kaidza, Iwe Yehova,Nge wa vhudzula nga mufemo wa ningo dzau.+
16 A kwatama e ngei nṱha;A mpfara a mbvisa mativhani.+
17 O ntshidza kha swina ḽanga ḽi re na maanḓa,+Kha vhane vha mmbenga, vha re na maanḓa u mphira.+
18 Vho lwa na nṋe nga ḓuvha ḽa khombo,+Fhedzi Yehova o ntikedza.
19 O mbvisa a nnyisa fhethu ho tsireledzeaho;O ntshidza ngauri u a ntakalela.+
20 Yehova u nndambedza u ya nga zwivhuya zwanga;+U ntonda ngauri zwanḓa zwanga a zwi na mulandu.*+
21 Ndo tevhedza nḓila dza Yehova,A tho ngo ṱutshela Mudzimu wanga nga u ita vhuvhi.
22 Ndi dzula ndi tshi humbula khaṱhulo dzawe;A thi nga nyadzi milayo yawe.
23 Ndi ḓo dzula ndi si na mulandu phanḓa hawe,+A thi nga khakhi.+
24 Ngavhe Yehova a tshi ntonda u ya nga zwivhuya zwanga,+Ngauri a thi na mulandu phanḓa hawe.+
25 U fhulufhedzea kha ane a fhulufhedzea kha iwe;+O lugaho u shumisana nae nga u luga;+
26 Vho lugaho u vha itela zwo lugaho,+Fhedzi a u fhurwi nga vha re na vhufhura.+
27 Ngauri u tshidza vhane vha ḓiṱukufhadza*+Fhedzi u ṱukufhadza vha ḓihudzaho.+
28 Ngauri ndi Iwe Yehova we wa funga luvhone lwanga,Mudzimu u vhonetshela swiswi ḽo ntangaho.+
29 Ndi ḓo lwa na tshigwada tsha mavemu ndi tshi thuswa nga iwe;+Maanḓa a Mudzimu a nga nthusa u gonya luvhondo.+
30 Nḓila ya Mudzimu wa ngoho yo luga;+Zwine Yehova a amba zwo kuna.+
Ndi tshiṱangu tsha vhoṱhe vhane vha khuda ngae.+
31 Ndi ufhio muṅwe Mudzimu nga nnḓa ha Yehova?+
Tombo ndi nnyi arali e si Mudzimu washu?+
32 Mudzimu wa ngoho ndi ene ane a nṋea maanḓa,+U ḓo lugisa nḓila dzanga.+
33 U ita uri milenzhe yanga i nge ya ntsa;U ita uri ndi ime nṱha ha zwikwara.+
34 U gudisa zwanḓa zwanga u lwa;Zwanḓa zwanga zwi khotha vhura ha koporo.
35 U ntsireledza nga tshiṱangu tshau,+U ntika nga tshanḓa tshau tsha u ḽa,Ndi huliswa nga u ḓiṱukufhadza hau.+
36 U nndugiselela nḓila;Uri ndi si khukhulwe.+
37 Ndi ḓo pandamedza maswina anga nda a fara;A thi nga humi u swika a tshi fhela oṱhe.
38 Ndi ḓo a kwasha, a si tsha dovha a vuwa;+Nda a kanda nga milenzhe yanga.
39 U ḓo nṋea maanḓa a u lwa;U ḓo ita uri maswina anga a ṋoke phanḓa hanga.+
40 U ḓo ita uri maswina anga a ntshavhe,*Ndi ḓo fhelisa vhane vha mmbenga.+
41 Vha lila vha tshi ṱoḓa thuso, fhedzi a hu na ane a vha thusa;Vha lilela na Yehova, fhedzi ha vha fhinduli.
42 Ndi ḓo vha kuya vha nga buse ḽi vhudzulwaho nga muya;Ndi ḓo vha kupulela kule sa matope nḓilani.
43 U ḓo nndamulela kha vhathu vhane vha mmbona mulandu.+
U ḓo nnanga nda vha murangaphanḓa wa dzitshaka.+
Ndi ḓo shumelwa nga vhathu vhane ndi si vha ḓivhe.+
44 Vha ḓo nthetshelesa nga nṱhani ha zwe vha zwi pfa;Vhatsinda vha ḓo ḓa vha losha phanḓa hanga.+
45 Vhatsinda vha ḓo kulea miraḓo;Vha ḓo ḓa vha tshi tetemela vha tshi bva he vha shavhela hone.
46 Yehova u a tshila! Nga hu rendwe Tombo ḽanga!+
Nga hu huliswe Mudzimu ane a ntshidza.+
47 Mudzimu wa ngoho u a nndifhedzela;+U ita uri vhathu vha nnduvhe.
48 U ntshidza kha maswina anga o sinyuwaho;Wa ntakulela nṱha uri vhane vha mvutshela vha si kone u ntswikelela;+Wa ntshidza kha mavemu.
49 Iwe Yehova, ndi ngazwo ndi tshi u hulisa vhukati ha dzitshaka,+Ndi ḓo renda dzina ḽau nga nyimbo.+
50 Wo ita mishumo mihulu ya u tshidza khosi yau;+Wo sumbedza muḓodzwa wau lufuno lu sa shanduki,+Wo lu sumbedza Davida na vhana* vhawe nga hu sa fheli.+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Kana “mutshidzi wanga a re na maanḓa.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Kana “masimbe.”
^ Kana “masimbe.”
^ Kana “masimbe.”
^ Thevhedz., “zwo kuna.”
^ Kana “vhane vha khou tambula.”
^ Kana “U ḓo ita uri maswina anga a mpfuralele.”
^ Thevhedz., “mbeu.”
