Dziphisalema 20:1-9
-
U tshidzwa ha muḓodzwa wa Mudzimu
-
Vhaṅwe vha ḓitika nga gariki na bere, “fhedzi riṋe ri vhidzelela dzina ḽa Yehova” (7)
-
Kha mulangi. Luimbo lwa Davida.
20 Ngavhe Yehova a tshi u fhindula musi wo tsikeledzea.
Ngavhe dzina ḽa Mudzimu wa Yakobo ḽi tshi u tsireledza.+
2 Ngavhe a tshi u thusa e fhethu hukhethwa+A u ṋee maanḓa e Tsioni.+
3 Ngavhe a tshi humbula zwifhiwa zwau zwoṱhe;Ngavhe a tshi ṱanganedza tshifhiwa tshau tsha u fhiswa o takala. (Selah)
4 Ngavhe a tshi u ṋea zwine mbilu yau ya ṱoḓa+A tshi ita uri zwine wa ṱoḓa u zwi ita zwi bvelele.
5 Ri ḓo pembelela mishumo yau ya u tshidza;+Ri ḓo imisa zwiga zwashu dzinani ḽa Mudzimu washu.+
Ngavhe Yehova a tshi u ṋea zwoṱhe zwine wa zwi humbela.
6 Zwino ndi a zwi ḓivha uri Yehova u tshidza muḓodzwa wawe.+
U mu fhindula e fhethu hawe hukhethwa ngei ṱaḓuluU tshidza zwihulu nga tshanḓa tshawe tsha u ḽa.+
7 Vhaṅwe vha ḓitika nga gariki, vhaṅwe nga bere,+Fhedzi riṋe ri vhidzelela dzina ḽa Yehova Mudzimu washu.+
8 Vha ḓo khukhulwa vha wa,Fhedzi riṋe ri ḓo takuwa ra ima ro khwaṱha.+
9 Iwe Yehova, tshidza khosi!+
U ri fhindule nga ḓuvha ḽine ra ṱoḓa thuso.+