Dziphisalema 21:1-13
Kha mulangi. Luimbo lwa Davida.
21 Iwe Yehova, khosi i takadzwa nga nungo dzau;+I takadzwa vhukuma nga mishumo yau ya u tshidza!+
2 Wo i ṋea zwine mbilu yayo ya zwi funa,+A wo ngo i dzima zwe mulomo wayo wa humbela. (Selah)
3 U i livhisa kha phaṱhutshedzo nnzhi;Wo vhea khare ya musuku vhukuma* kha ṱhoho yayo.+
4 Yo humbela vhutshilo, wa i ṋea hone,+Uri i lalame lini na lini.
5 Mishumo yau ya u tshidza i ita uri i vhe na vhugala vhuhulu.+Wo i ṋea tshirunzi na lunako.
6 Wo i fhaṱutshedza lini na lini;+
I a takala musi i tshi vhona uri u tsini nayo.+
7 Ngauri khosi yo fhulufhela Yehova;+
I ḓitika nga lufuno lu sa shanduki lwa Wa-Ṱaḓulu-ṱaḓulu, a i nga dzinginyei na luthihi.+
8 Tshanḓa tshau tshi ḓo wana maswina au oṱhe;Tshanḓa tshau tsha u ḽa tshi ḓo wana vhane vha u vhenga.
9 Musi u tshi bvelela nga tshifhinga tsho vhewaho u ḓo ita uri vha nge ṋanḓo.
Yehova u ḓo vha fhedza nga mbiti dzawe, mulilo wa vha fhisa.+
10 Vhaḓuhulu vhavho u ḓo vha fhelisa kha ḽifhasi,Na vhana vhavho kha vhana vha vhathu.
11 Vho vha vho ḓiimisela u u vhaisa;+Vho luka maano ane a sa ḓo bvelela.+
12 Ngauri u ḓo ita uri vha shavhe+Nga u vha sumba nga vhura.
13 Iwe Yehova, takuwa u sumbedze nungo dzau.
Ri ḓo imba ra renda maanḓa au.
Ṱhaluso dzi re magumoni a siaṱari
^ Kana “wo kunakiswaho.”
