Dziphisalema 39:1-13
Kha mulangi; nga kuimbele kwa Yeduthuni.*+ Luimbo lwa Davida.
39 Nṋe ndo ri: “Ndi ḓo linda nḓila dzangaNdi ḓo iledza u ita tshivhi nga lulimi lwanga.+
Ndi ḓo thivha mulomo wanga+Arali hu tshi kha ḓi vha na muvhi phanḓa hanga.”
2 Ndo vha ndo fhumula ndi sa ambi;+Ndo fhumula na kha zwivhuya,Fhedzi ndo vha ndi tshi khou pfa vhuṱungu vhuhulu.
3 Mbilu yanga ya swa ngomu hanga.
Musi ndi tshi khou elekanya, ndo vha ndi tshi khou duga sa mulilo.
Lulimi lwanga lwa amba lwa ri:
4 “Iwe Yehova, nthuse uri ndi ḓivhe uri ndi ḓo fhelela ngafhi,Na tshivhalo tsha maḓuvha anga,+Uri ndi kone u ḓivha uri vhutshilo hanga ndi vhupfufhi lungafhani.
5 Ngangoho wo ita uri maḓuvha anga a vhe maṱuku;+Vhulapfu ha vhutshilo hanga a si tshithu phanḓa hau.+
Ngangoho muthu muṅwe na muṅwe, naho a tshi vhonala o tsireledzea, a si tshithu u sokou vha mufemo zwawo.+ (Selah)
6 Ngangoho muthu muṅwe na muṅwe u tshimbila sa murunzi.
U gidimela zwi siho.
U kuvhanganya lupfumo, a sa ḓivhi uri lu ḓo ḽiwa nga nnyi.+
7 Zwino ndi mini zwine nda nga zwi fhulufhela, Iwe Yehova?
Ndi iwe fhulufhelo ḽanga u woṱhe.
8 Ntshidze kha vhutshinyi hanga hoṱhe.+
U songo tenda tsilu ḽi tshi nnyadza.
9 Ndo fhumula;Ndi si aṱame mulomo wanga,+Ngauri zwenezwi zwo vha zwo itwa nga iwe.+
10 Bvisa ṱhamu yau kha nṋe.
Ndo neta ngauri tshanḓa tshau tshi khou nthwa.
11 Muthu u mu khakhulula nga u mu pfisa vhuṱungu;+Zwithu zwe a zwi vhulunga u zwi ḽa u fana na tshikhokhonono.
Vhukuma muthu muṅwe na muṅwe u sokou vha mufemo zwawo.+ (Selah)
12 Iwe Yehova, thetshelesa thabelo yanga,Thetshelesa tshililo tshanga tsha u ṱoḓa thuso.+
U songo nyadza miṱodzi yangaNgauri kha iwe ndi mutsinda,+Ndi mutshimbili a fhiraho, u fana na vhomakhulukuku wanga vhoṱhe.+
13 U songo nzwondolola uri ndi kone u takalaNdi sa athu u fa ndi si tsha vha hone.”
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
