Dziphisalema 42:1-11
Kha mulangi. Masikili* ya vharwa vha Kora.+
42 Ndo ṱulutshelwa Iwe Mudzimu,Sa ntsa i tshi ṱulutshelwa milambwana.
2 Ndo ṱulutshelwa Mudzimu, Mudzimu a tshilaho.+
Ndi ḓo ya lini phanḓa ha Mudzimu?+
3 Miṱodzi yanga ndi zwiḽiwa zwanga masiari na vhusiku;Ndi goḓiwa ḓuvha ḽoṱhe nga vhathu vha tshi ri: “Mudzimu wau u ngafhi?”+
4 Ndi humbula zwenezwo zwithu, nda amba vhupfiwa hanga,Ngauri ndo vha ndi tshi tshimbila na magogo;Ndo vha ndi tshi anzela u tshimbila nga u ongolowa phanḓa havho ndi tshi ya nḓuni ya Mudzimu,Ndi tshi khou pembela na u livhuwa,Vha re kha gogo vha tshi khou pembelela vhuṱambo.+
5 Ndi ngani ndo fhulufhuwa?+
Ndi ngani ndi na dzenedzi mbilaelo?
Ndi ḓo lindela Mudzimu,+Ngauri ndi ḓo ḓi mu renda sa Mutshidzi wanga Muhulwane.+
6 Mudzimu wanga, ndo fhulufhuwa.+
Ndi ngazwo ndi tshi u humbula,+Ndi shangoni ḽa Yorodane thavhani dza Herimoni,Ndi Thavhani ya Mitsara.*
7 Mativha a vhidzelela maṅweHu tshi unga mahovho-hovho au.
Ndo tibiwa nga magabelo au oṱhe.+
8 Nga masiari Yehova u ḓo ntsumbedza lufuno lwawe lu sa shanduki,Ndi ḓo imba nga hae vhusiku, nda rabela Mudzimu a nṋeaho vhutshilo.+
9 Ndi ḓo amba na Mudzimu, ene tombo ḽanga ḽihulu nda ri:
“Wo nkhangwelani?+
Ndi ngani ndi tshi fanela u tshimbila ndo ṱungufhala nga nṱhani ha u tsikeledzwa nga swina ḽanga?”+
10 Maswina anga a ngoḓa nga nṱhani ha vengo;Ndi goḓiwa ngao ḓuvha ḽoṱhe, a tshi ri: “Mudzimu wau u ngafhi?”+
11 Ndi ngani ndo fhulufhuwa?
Ndi ngani ndi na dzenedzi mbilaelo?
Ndi ḓo lindela Mudzimu,+Ngauri ndi ḓo ḓi mu renda sa Mutshidzi wanga Muhulwane.+
