Dziphisalema 44:1-26
Kha mulangi. Masikili* ya vharwa vha Kora.+
44 Iwe Mudzimu, ro zwi pfa nga nḓevhe dzashu,Vhomakhulukuku washu vho ri vhudza,+Mishumo ye wa i khunyeledza misini yavho,Misini ya kale.
2 Wo pandela dzitshaka nga tshanḓa tshau+Wa dzudza vhomakhulukuku washu henefho.+
Wo kwashekanya dzitshaka wa dzi pandela.+
3 A vho ngo dzhia shango nga banga ḽavho,+A vho ngo kunda nga nungo dzavho.+
Nṱhani hazwo, vho kunda nga tshanḓa tshau tsha u ḽa,+ nungo dzau na tshedza tsha tshifhaṱuwo tshau,Ngauri wo vha u tshi vha takalela.+
4 Iwe Mudzimu, u Khosi yanga;+Ita uri Yakobo a vhe na gundo ḽihulu.
5 Nga maanḓa au ri ḓo pandela maswina ashu;+Nga dzina ḽau ri ḓo kandekanya vhane vha ri vutshela.+
6 Ngauri a thi fhulufheli vhura hanga,Na banga ḽanga ḽi nga si ntshidze.+
7 Ndi iwe we wa ri tshidza kha maswina ashu,+Ndi iwe we wa shonisa vhane vha ri vhenga.
8 Ri ḓo renda Mudzimu ḓuvha ḽoṱhe,Ri ḓo renda dzina ḽau nga hu sa fheli. (Selah)
9 Fhedzi zwino wo ri laṱa na u ri shonisa,A u bvi na mmbi dzashu.
10 U ita uri ri shavhe maswina ashu;+Vhane vha ri vhenga vha dzhia zwiṅwe na zwiṅwe zwine vha zwi ṱoḓa.
11 Wo ri kumedzela kha vhavhulayi u fana na nngu;Wo ri balanganya vhukati ha dzitshaka.+
12 Vhathu vhau u vha rengisa nga mutengo wa fhasi;+A wo ngo vhuyelwa nga tshithu kha tshelede ye wa vha rengisa ngayo.
13 Wo ita uri vhahura vhashu vha ri nyadze;Ra goḓiwa na u holedzwa nga vhathu vhoṱhe.
14 Wo ita uri ri goḓiwe nga dzitshaka,+Wa ita uri vhathu vha tshi ri vhona vha dzungudze dziṱhoho.
15 Ndo shona ḓuvha ḽoṱhe,Ndo tsikeledzea nga u shona,
16 Nga nṱhani ha vhane vha ngoḓa na u ntsema,Nga nṱhani ha swina ḽashu ḽine ḽa khou ri lifhedza.
17 Naho zwenezwi zwithu zwoṱhe zwo ri wela, a ro ngo u hangwa,A ro ngo pfuka mulanga wau.+
18 Mbilu dzashu a dzo ngo u laṱa;Milenzhe yashu a yo ngo pambuwa nḓilani.
19 Fhedzi wo ri kwashekanyela fhethu hune ha dzula dziphunguwe;Wa ri tibedza nga swiswi ḽihulu.
20 Arali ro hangwa dzina ḽa Mudzimu washuKana arali ra ṱharamudza zwanḓa zwashu ra rabela mudzimu wa mazwifhi,
21 Naa Mudzimu o vha a sa ḓo zwi ḓivha?
U ḓivha na zwiphiri zwi re mbiluni.+
22 Nga nṱhani hau, vha dzula vha tshi ṱoḓa u ri vhulaya;Vha ri dzhia sa nngu dzine dza khou ya u ṱhavhiwa.+
23 Iwe Yehova, vuwa. Ndi ngani u tshi dzula wo eḓela?+
Karuwa! U songo ri laṱa tshoṱhe.+
24 Ndi ngani wo dzumba tshifhaṱuwo tshau?
Ndi ngani u tshi hangwa u tambula hashu na u tsikeledzea hashu?
25 Ro wiselwa buseni;Mivhili yashu i mavuni.+
26 Takuwa sa muthusi washu!+
Ri tshidze* u tshi itiswa nga lufuno lwau lu sa shanduki.+
