Dziphisalema 48:1-14
Phisalema. Luimbo lwa vharwa vha Kora.+
48 Yehova ndi muhulwane, o tewa nga u rendwaMuḓini wa Mudzimu washu, thavhani yawe khethwa.
2 Vhulapfu hayo ho naka, i takalelwa ḽifhasini ḽoṱhe,+Ndi Thavha ya Tsioni i re devhula,Muḓi wa Khosi-khulu.+
3 Kha mitsheṱo yawo yo khwaṱhaho,Mudzimu o ḓivhadza uri ndi ene vhukhudo.+
4 Vhonani mahosi o kuvhangana;*O ḓa o rambana.
5 Musi a tshi zwi vhona a mangala.
A tshuwa, a shavha nga nyofho.
6 Henefho a thoma u tetemela nga nyofho,A pfa vhuṱungu u fana na mufumakadzi a tshi khou beba.
7 Wo kwasha zwikepe zwa Tharasisi nga muya wa vhubvaḓuvha.
8 Zwe ra pfa nga hazwo, zwino ro zwi vhona nga ashu maṱoMuḓini wa Yehova wa mavhuthu, muḓini wa Mudzimu washu.
Mudzimu u ḓo u khwaṱhisa lini na lini.+ (Selah)
9 Iwe Mudzimu, ri elekanya nga ha lufuno lwau lu sa shanduki,+Ri ngomu thembeleni yau.
10 Iwe Mudzimu, dzina ḽau na u rendwa hauZwi swika magumoni a ḽifhasi.+
Tshanḓa tshau tsha u ḽa tsho ḓala u luga.+
11 Ngavhe Thavha ya Tsioni+ i tshi takala,Ngavhe miḓana* ya Yuda i tshi takala nga nṱhani ha khaṱhulo dzau.+
12 Tshimbilani ni mone na Tsioni; monani nawo woṱhe;Vhalani mitsheṱo yawo.+
13 Livhisani ṱhogomelo kha mitsheṱo yawo.+
Lavhelesani mitsheṱo yawo yo khwaṱhaho,Uri ni kone u zwi vhudza mirafho ya tshifhingani tshi ḓaho.
14 Ngauri hoyu Mudzimu ndi Mudzimu washu+ wa lini na lini.
U ḓo ri livhisa u ya nga hu sa fheli.*+
Ṱhaluso dzi re magumoni a siaṱari
^ Kana “o langana uri a ṱangane.”
^ Thevhedz., “vhananyana.”
^ Kana khamusi, “u swika ri tshi fa.”
