Dziphisalema 50:1-23
Luimbo lwa Asafu.+
50 Yehova, Mudzimu ane a vha muhulwane+ kha miṅwe midzimu yoṱhe, o amba;U vhidza ḽifhasiU bva hune ḓuvha ḽa bva hone u swika hune ḽa kovhela hone.*
2 Mudzimu u penya e ngei Tsioni muḓi wo nakaho zwihulu.+
3 Mudzimu washu u ḓo ḓa, ha nga fhumuli.+
Phanḓa hawe hu na mulilo u tshinyadzaho,+O tangiwa nga ḓumbu ḽa maanḓa.+
4 U vhidza maṱaḓulu na ḽifhasi,+Uri a haṱule vhathu vhawe a ri:+
5 “Nkuvhanganyeleni vhathu vhanga vha fhulufhedzeaho,Vhane vha vhofha mulanga na nṋe nga tshiṱhavhelo.”+
6 Maṱaḓulu a ḓivhadza u luga hawe,Ngauri Mudzimu ndi ene Muhaṱuli.+ (Selah)
7 “Inwi vhathu vhanga, thetshelesani ndi tshi amba;Iwe Isiraele, ndi ḓo ṱanziela lune wa ḓo vhonwa mulandu.+
Mudzimu ndi nṋe, ndi Mudzimu wau.+
8 A thi u kaidzi nga nṱhani ha zwiṱhavhelo zwau,Kana nga nṱhani ha zwifhiwa zwau zwa u fhiswa zwine zwa dzulela u vha phanḓa hanga tshifhinga tshoṱhe.+
9 Ndi nga si dzhie mboho muḓini wau,Kana mbudzi* dza tshitumbani tshau.+
10 Ngauri phukha dzoṱhe dza ḓaka ndi dzanga,+Na zwivhanda zwa thavhani dzoṱhe.
11 Ndi ḓivha tshiṋoni tshiṅwe na tshiṅwe tsha dzithavhani;+Na phukha dza ḓaka dzi sa vhalei ndi dzanga.
12 Arali ndo vha ndi na nḓala, ndo vha ndi sa ḓo u vhudza,Ngauri shango na zwoṱhe zwi re khaḽo ndi zwanga.+
13 Naa ndi nga ḽa ṋama ya mbohoNa u nwa malofha a mbudzi?+
14 Isani ndivhuwo sa tshiṱhavhelo tshaṋu kha Mudzimu,+Ni ite zwe na anela Wa-Ṱaḓulu-ṱaḓulu;+
15 Mmbidzelele musi wo tsikeledzea.+
Ndi ḓo u thusa, u ḓo nkhulisa.”+
16 Fhedzi Mudzimu u ḓo amba na muvhi a ri:
“Ndi nnyi o u ṋeaho ndugelo ya u amba maitele anga+Kana u amba nga ha mulanga wanga?+
17 Ngauri u vhenga ndayo,*U dzula u tshi furalela maipfi anga.+
18 Musi u tshi vhona mbava, u a i takalela,*+U konana na dziphombwe.
19 U shumisa mulomo wau u phaḓaladza vhuvhi,Vhufhura vhu kha lulimi lwau.+
20 U dzula fhasi wa amba luvhi nga wahau;+U dzumbulula vhukhakhi ha* wahau.
21 Musi u tshi ita zwenezwi zwithu, a tho ngo amba tshithu,Wa humbula uri ndi ḓo fana na iwe.
Fhedzi zwino ndi ḓo u kaidza,Nda u vhona mulandu.+
22 Ndi humbela uri u ṱhogomele hezwi, iwe ane wa hangwa Mudzimu,+Uri ndi si u ṱhukhukanye hu si vhe na ane a u tshidza.
23 Ane a isa ndivhuwo sa tshiṱhavhelo u a nkhulisa,+Ane a tevhela nḓila yo lugaho,Ndi ḓo ita uri a tshidzwe nga Mudzimu.”+
Ṱhaluso dzi re magumoni a siaṱari
^ Kana “U bva vhubvaḓuvha u swika vhukovhela.”
^ Thevhedz., “zwibokoṱo.”
^ Kana “u kaidzwa.”
^ Kana khamusi, “u a tswa nayo.”
^ Kana “U tshinya dzina.”
