Dziphisalema 55:1-23
Kha mulangi; lu imbiwe hu tshi lidzwa zwilidzo zwi re na ṱhale. Masikili* ya Davida.
55 Iwe Mudzimu, thetshelesa thabelo yanga,+U songo nyadza khumbelo yanga ya u khathutshelwa.*+
2 Livhisa ṱhogomelo yau kha nṋe u mphindule.+
Zwine zwa mmbilaedzisa zwi ita uri ndi si awele,+Ndo hanganea
3 Nga nṱhani ha zwine swina ḽa zwi ambaNa mutsiko u bvaho kha muvhi.
Ngauri vha nḓisela khombo,Nge vha ntsinyutshela vha vho mmbenga.+
4 Mbilu yanga i khou pfa vhuṱungu,+Na nyofho dza lufu dzi a ntsikeledza.+
5 Ndi khou tetemela, ndo tshuwa,Ndi khou tetemela.
6 Ndi dzula ndi tshi ri: “Arali ndo vha ndi na phapha sa ḽiivha!
Ndo vha ndi tshi ḓo fhufha nda ya nda khuda.
7 Ndo vha ndi tshi ḓo shavhela kule.+
Ndo vha ndi tshi ḓo dzula sogani.+ (Selah)
8 Ndo vha ndi tshi ḓo ṱavhanya nda ya fhethu ho khudahoKule na ḓumbu, kule na mvula khulu.”
9 Iwe Yehova, ita uri vha ḓaḓe, u khakhise maano avho,+Ngauri ndo no vhona khakhathi na nndwa muḓini.
10 Masiari na vhusiku vha tshimbila vha tshi mona na mbondo dzawo;Nga ngomu hawo hu na khombo na khakhathi.+
11 Ngomu hawo wo tshinyala;U tsikeledza na u fhura a zwo ngo vhuya zwa fhela khoroni yawo.+
12 Ngauri a si swina ḽine ḽa ngoḓa;+Arali zwi vhe zwo ralo ndo vha ndi tshi ḓo konḓelela.
A si swina ḽe ḽa mvutshela;Arali zwi vhe zwo ralo ndo vha ndi tshi ḓo ḓidzumba.
13 Fhedzi ndi iwe, ane a fana na nṋe,*+Khonani yanga ine nda i ḓivha zwavhuḓi.+
14 Ro vha ri tshi ḓiphiṋa nga vhukonani ha tsini-tsini;Roṱhe ri tshi tshimbila na gogo ḽi yaho nḓuni ya Mudzimu.
15 Ngavhe vha tshi fheliswa!+
Ngavhe vha tshi tsela Vhiḓani* vha tshi kha ḓi tshila;Ngauri vho ḓala vhuvhi.
16 A vha nṋe ndi ḓo vhidzelela Mudzimu,Yehova u ḓo ntshidza.+
17 Nga madekwana na nga matsheloni na nga masiari, ndi khou diniwa, ndi khou gomela,+U a pfa ipfi ḽanga.+
18 U ḓo ntshidza,* a nndamulela kha vhane vha lwa na nṋe,Ngauri magogo o ḓa u lwa na nṋe.+
19 Mudzimu u ḓo vha pfa, a vha fhindula,+Ene o dzulaho kha khuluṋoni u bva kale.+ (Selah)
Vha ḓo hana u shanduka,Vhane vha si ofhe Mudzimu.+
20 O* lwa na vhane vha vha na mulalo nae;+O tshinya mulanga wawe.+
21 Maipfi awe a suvhelela u fhira mapfura,*+Fhedzi mbiluni yawe hu na khakhathi.
Maipfi awe a suvhelela u fhira mapfura,Fhedzi ndi mabanga a vhuhali.+
22 Kumedzela Yehova muhwalo wau,+Ene u ḓo u ṱhaḓula.+
Ha nga litshi muvhuya a tshi wa.*+
23 Fhedzi Iwe Mudzimu, u ḓo vha posa mugodini.+
Vhane vha vha na mulandu wa malofha na vha vhufhura a vha nga lalami.+
Fhedzi a vha nṋe, ndi ḓo fhulufhela iwe.
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Kana “U songo ḓidzumba musi ndi tshi rabela uri u nthuse.”
^ Kana “ane a lingana na nṋe.”
^ Kana “Sheol.” Sedzani Mutevhe Wa Ṱhalutshedzo Ya Maipfi.
^ Thevhedz., “nthengulula.”
^ Ndi khonani ya kale yo bulwaho kha ndimana 13 na 14.
^ Kana “boḓoro.”
^ Kana “pepeleka.”
