Dziphisalema 56:1-13
Kha mulangi; hu imbiwe luimbo lune lwa ri: “Ḽiivha Ḽa Kule Ḽi Sa Lili.” Luimbo lwa Davida. Mikitami.* Musi o farwa nga Vhafilisita ngei Gathi.+
56 Iwe Mudzimu, nkhathutshele, ngauri vhathu vha khou mvutshela.
Vha dzulela u lwa na nṋe na u ntsikeledza ḓuvha ḽoṱhe.
2 Maswina anga a dzulela u nndevhela ḓuvha ḽoṱhe;Vhanzhi vha lwa na nṋe vhe na fhulufhelo ḽa uri vha ḓo nkunda.
3 Musi ndi tshi ofha,+ ndi fhulufhela iwe.+
4 Ndi fhulufhela Mudzimu, ane nda renda zwine a amba;Ndi fhulufhela Mudzimu, a thi ofhi.
Muthu a nga nnyita mini?+
5 Ḓuvha ḽoṱhe vha tshinya mafhungo anga;Tshine vha humbula tshone fhedzi ndi u mmbaisa.+
6 Vha nndalela uri vha mvutshele;Vha ntsedza huṅwe na huṅwe hune nda ya hone,+Vha tshi ṱoḓa u mmbulaya.+
7 Nga nṱhani ha vhuvhi havho u vha laṱe.
Iwe Mudzimu, pfisa dzitshaka vhuṱungu wo sinyuwa.+
8 U a ḓivha u tendeleka hanga.+
Vhulunga miṱodzi yanga kha tshikumbu tshau tsha mukumba.+
Naa a yo ngo ṅwaliwa buguni yau?+
9 Maswina anga a ḓo shavha nga ḓuvha ḽine nda ḓo vhidzelela thuso.+
Ndi na vhungoho ha uri: Mudzimu u na nṋe.+
10 Ndi fhulufhela Mudzimu, ane nda renda zwine a amba;Ndi fhulufhela Yehova, ane nda renda zwine a amba;
11 Ndi fhulufhela Mudzimu; a thi ofhi.+
Muthu a nga nnyita mini?+
12 Iwe Mudzimu, ndo vhofhiwa nga miano ye nda u anela yone;+Ndi ḓo ḓisa dzindivhuwo ha iwe.+
13 Ngauri wo ntshidza lufuni+Na uri milenzhe yanga i si khukhulwe,+Uri ndi tshimbile phanḓa ha Mudzimu tshedzani tsha vha tshilaho.+
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.