Dziphisalema 63:1-11
Luimbo lwa Davida musi e sogani ḽa Yuda.+
63 Iwe Mudzimu, ndi iwe Mudzimu wanga, ndi dzula ndi tshi ṱoḓa iwe.+
Ndi na ḓora ḽa u ṱoḓa iwe.+
Ndo ṱulutshelwa iweNdi shangoni ḽo omaho ḽi si na maḓi.+
2 Ndo u lavhelesa u fhethu hukhethwa;Nda vhona nungo dzau na vhugala hau.+
3 Ngauri lufuno lwau lu sa shanduki lu khwine u fhira vhutshilo,+Mulomo wanga u ḓo u hulisa.+
4 Ndi ḓo u renda vhutshilo hanga hoṱhe;Ndi ḓo imisela nṱha zwanḓa zwanga ndi tshi itela dzina ḽau.
5 Ndi ḓo fushea u fana na munna ane a fushea nga zwiḽiwa zwavhuḓi,Ndi hone mulomo wanga u tshi ḓo u renda nga dakalo.+
6 Ndi humbula iwe musi ndi mmbeteni wanga;Ndi elekanya nga ha iwe vhusiku.+
7 Ngauri ndi iwe muthusi wanga,+Ndi vhidzelela ndo takala ndi murunzini wa phapha dzau.+
8 Ndi nambatela iwe;Tshanḓa tshau tsha u ḽa tsho mpfara tsho khwaṱhisa.+
9 Fhedzi vhane vha ṱoḓa u mmbulayaVha ḓo godimela mugodini.
10 Vha ḓo kumedzelwa kha vhuhali ha banga;Vha ḓo vha zwiḽiwa zwa dziphunguwe.
11 Fhedzi khosi i ḓo pembelela Mudzimu.
Ane a ana Ngae u ḓo takala,*Ngauri milomo ya vhane vha amba mazwifhi i ḓo fhumudzwa.
Ṱhaluso dzi re magumoni a siaṱari
^ Kana “zuwa.”
