Dziphisalema 65:1-13
Kha mulangi. Phisalema ya Davida. Luimbo.
65 Iwe Mudzimu, nga u rendwe ngei Tsioni;+Zwe ra u anela ri ḓo zwi ita.+
2 Iwe Mupfi wa thabelo, vhathu vha mifuda yoṱhe vha ḓo ḓa kha iwe.+
3 Ndi khou tsikeledzwa nga vhukhakhi hanga,+Fhedzi iwe u ri hangwela vhutshinyi hashu.+
4 Hu takala ane wa mu nanga, wa mu sendedza tsiniUri a dzule miṱani yau.+
Ri ḓo fushea nga vhuḓi ha nnḓu yau,+Ine ya vha thembele khethwa.*+
5 U ḓo ri fhindula nga mishumo yau mivhuya i mangadzaho,+Iwe Mudzimu wa u ri tshidza;Ndi iwe Fhulufhelo ḽa magumo oṱhe a ḽifhasi+Na vha re kule seli ha lwanzhe.
6 Wo khwaṱhisa dzithavha nga maanḓa au;Wo ambara maanḓa.+
7 U dzikisa lwanzhe lwo sinyuwa,+Phosho ya magabelo alwo na khakhathi ya dzitshaka.+
8 Vha dzulaho fhethu ha kule vha ḓo mangadzwa nga mishumo yau;+U ḓo ita uri vhane vha vha vhubvaḓuvha u swika vhukovhela vha takale.
9 U ṱhogomela ḽifhasi,Wa ḽi ita uri ḽi vhe na zwibveledzwa zwinzhi zwavhuḓi.+
Mulambwana u bvaho ha Mudzimu wo ḓala nga maḓi;U vha ṋea thoro,+Ngauri yeneyi ndi nḓila ye wa lugiselela ngayo ḽifhasi.
10 Wo ṋukadza foro dzaḽo, wa kwasha maḓinga a mavu o limiwaho;Wo ḽi ṋukadza nga vhusuṱo; wa fhaṱutshedza zwa aluwa.+
11 Ṅwaha wo u ambadza khare ya zwivhuya;Nḓila dzau dzo ḓala lwa u ḓala.*+
12 Na mafulo a sogani a sisima* maḓi,+Na zwikwara zwo ambara dakalo.+
13 Mafuloni ho ḓala masambi,Magovhani ho ḓala thoro.+
Zwi a vhidzelelana zwo takala, zwa imba.+
Ṱhaluso dzi re magumoni a siaṱari
^ Kana “nnḓu khethwa.”
^ Thevhedz., “dzi khou rotha mapfura.”
^ Thevhedz., “rotha.”
