Dziphisalema 71:1-24
71 Ndi khuda nga Iwe Yehova.
Ngavhe ndi sa shoniswi.+
2 Ntshidze u nndamulele nga zwivhuya zwau.
Sendedza nḓevhe yau kha nṋe* u ntshidze.+
3 I vha tombo langa ḽa u khuda ngaḽoHune nda nga shavhela hone tshifhinga tshoṱhe.
Ṋea ndaela ya uri ndi tshidzwe,Ngauri u tombo ḽanga ḽihulu na vhushavhelo hanga.+
4 Iwe Mudzimu, ntshidze zwanḓani zwa vhavhi,+Ntshidze kha mutsikeledzi a songo lugaho.
5 Ngauri fhulufhelo ḽanga ndi Iwe Yehova Murena Muvhusahoṱhe;Ndo fhulufhela iwe u bva ndi tshee muswa.+
6 Ndo ḓitika nga iwe u bva tshee nda bebwa;Ndi iwe we wa mbvisa mbumbeloni ya mme anga.+
Ndi u renda misi yoṱhe.
7 Vhathu vhanzhi vho mangala musi vha tshi vhona zwe zwa itea kha nṋe,Fhedzi iwe u vhukhudo hanga ho khwaṱhaho.
8 Mulomo wanga wo ḓala thendo dzau;+Ḓuvha ḽoṱhe ndi amba nga ha lunako lwau.
9 U songo nṱutshela musi ndo no kalaha;+U songo nndaṱa musi ndi si tshee na nungo.+
10 Maswina anga a amba luvhi nga ha nṋe,Vhane vha ṱoḓa u mmbulaya vho nndangana,+
11 Vha ri: “Mudzimu o mu laṱa.
Mu pandamedzeni ni mu fare, ngauri a hu na ane a nga mu lamulela.”+
12 Iwe Mudzimu, u songo sendela kule hanga.
Iwe Mudzimu wanga, ṱavhanya u nthuse.+
13 Ngavhe vhane vha lwa na nṋeVha tshi shoniswa na u vhulawa.+
Ngavhe vhane vha ṱoḓa ndi tshi wela khomboniVha tshi nyadziwa na u farwa nga ṱhoni.+
14 Fhedzi a vha nṋe, ndi ḓo dzula ndo lindela;Ndi ḓo engedza thendo dzanga.
15 Ngavhe mulomo wanga u tshi amba zwivhuya zwau,+Ḓuvha ḽoṱhe ndi tshi amba mishumo yau ya u tshidza,Naho i minzhi lune nda si kone u i pfesesa.*+
16 Ndi ḓo ḓa nda amba nga ha mishumo yau ya maanḓa,Iwe Yehova Murena Muvhusahoṱhe;Ndi ḓo amba nga ha zwivhuya zwau u woṱhe.
17 Iwe Mudzimu, wo mpfunza u bva ndi tshee muswa,+U swika zwino ndi kha ḓi bvela phanḓa ndi tshi ḓivhadza mishumo yau i mangadzaho.+
18 Na musi ndi tshi vho kalaha ndi na mmvi, Iwe Mudzimu, u songo nndaṱa.+
Uri ndi vhudze murafho u tevhelaho nga ha maanḓa* auNa nga ha vhuhulu hau kha vhoṱhe vhane vha kha ḓi ḓa.+
19 Iwe Mudzimu, zwivhuya zwau zwi swika ngei nṱha;+Wo ita zwithu zwihulu;Iwe Mudzimu, ndi nnyi ane a nga iwe?+
20 Naho wo ita uri ndi tsikeledzee zwihulu na u welwa nga khombo,+Dovha u nṋee nungo;Mbvise mugodini.+
21 Ngavhe u tshi engedza vhuhulu hangaU ntange, u nkhuthadze.
22 Ndi ḓo u renda nga tshilidzo tshi re na ṱhaleNgauri u a fhulufhedzea, Iwe Mudzimu wanga.+
Ndi ḓo u imbela thendo nga haripa,Iwe Mukhethwa wa Isiraele.
23 Mulomo wanga u ḓo pembela nga dakalo musi ndi tshi u imbela thendo,+Ngauri wo tshidza vhutshilo hanga.+
24 Ḓuvha ḽoṱhe lulimi lwanga lu ḓo amba nga ha zwivhuya zwau,+Ngauri vhane vha ṱoḓa u mmbulaya vha ḓo shoniswa na u nyadziwa.+
Ṱhaluso dzi re magumoni a siaṱari
^ Kana “Kwatama u nthetshelese.”
^ Kana “vhala.”
^ Thevhedz., “tshanḓa.”
