Dziphisalema 79:1-13
Luimbo lwa Asafu.+
79 Iwe Mudzimu, tshaka dzo vutshela vhathu vhau;+Dzo tshikafhadza thembele yau khethwa;+Dzo ita uri Yerusalema hu vhe mashubi.+
2 Dzo ṋea zwiṋoni zwitumbu zwa vhashumeli vhau uri zwi vhe zwiḽiwa zwazwoDzo ṋea na zwivhanda ṋama ya vhathu vhau vha fhulufhedzeaho.+
3 Dzo shulula malofha avho vhunga maḓi u mona na Yerusalema,A hu na o salaho uri a vha vhulunge.+
4 Vhahura vhashu vha vho ri nyadza;+Ri goḓiwa na u holedzwa nga vho ri tangaho.
5 Iwe Yehova, u ḓo ri sinyutshela u swika lini? Naa u ḓo ri sinyutshela lwa tshoṱhe?+
Mbiti dzau dzi ḓo duga vhunga mulilo u swika lini?+
6 Tevhulela mbiti dzau kha tshaka dzine dzi si u ḓivheNa kha mivhuso ine i si vhidzelele dzina ḽau.+
7 Ngauri dzo ṱhasela YakoboDzo phusukanya muḓi wawe.+
8 U songo ri vhona mulandu kha vhukhakhi he ha itwa nga vhomakhulukuku washu.+
Ri khathutshele nga u ṱavhanya,+Ngauri ro nyadziwa.
9 Iwe Mudzimu mutshidzi washu,+ ri thuse,U tshi itela dzina ḽau ḽa vhugala;Ri tshidze, u ri hangwele zwivhi zwashu u tshi itela dzina ḽau.+
10 Ndi ngani tshaka dzi tshi amba uri: “Mudzimu wavho u ngafhi?”+
Ita uri ri vhone musi u tshi lifhedza malofha a vhashumeli vhauE a shululwa vhukati ha dzitshaka, zwi ḓivhee uri o lifhedzwa.+
11 Ngavhe u tshi pfa u gomela ha mufariwa.+
Shumisa maanḓa* au mahulu uri u tshidze* vhe vha haṱulelwa lufu.+
12 Pfisa vhuṱungu vhahura vhashu lu fhiraho lwa sumbe+Ngauri vhagoḓi vho u pomoka, Iwe Yehova.+
13 Zwino riṋe ri vhathu vhau na nngu dza pfulo yau,+Ri ḓo u livhuwa lini na lini;Ri ḓo ḓivhadza thendo dzau kha murafho na murafho.+